Lukas 18:13 - ALA WENE HIVIS DIRUP WATUGWA

¹³ Yugogogi ovara, ap pemerintah enake yoparip wonggalisiga menda akoen andi, adumu erogo mendek yi lagya lagagirik, alon en il mbogot vaga ilik lagetek eyave wakhidigya dugwit, ‘Ai, Nasin Ala! An weyak ogasiga menda atma, nabwa ombaru o,’ yiluk, yugogogi.”

Lukas 18:13 Iomraidhean Croise

Matius 10:3

Pilipus inim, Batolomeus inim, Tomas inim, Matius ap pemerintah enake yoparip wongganggu lagagi ako inim, Alepeus abut Yakobus inim, Tadeus inim,

Matius 6:5

Wene ambi inim yugirigya dugwit, “It ap enendawi enagavoval ovagak dugwit yagalagwi akoen, avakwa inil inisapwak en yiluk, samban ogasagwima inim, sup venakodek-venakodekma inim, andenam mendek dugwit, samban ogarup enendawi hunik ombasagwi hak, hit samban anderogo ogagu dogobuk. It ap anderogo ogasagwi vaga avakwa en vok yagalagwi ako, onggo andiat hedelagwi o, yiluk, avyarat yukheraliga.

Matius 9:13

Andi ndatak, Anen it ap ‘An sek,’ ombasagwi menda eneyanggup yugeragiluk wagatek. Ata, it ap weyak ogasagwi menda andiat eneyanggup yugeragiluk wagagis. Ala en iri dugwit, ‘Henanggom ndomba warogo nake belagwi ako andi, An hogop ombasigadek. Ata, avakwa enabwa en sek okbisaup andi, An, “Ai,” imbita dugwit sek okbisaup, ombasiga o,’ yiluk, yagagi dirup warek ako, adem des erogo mamulhedelales,” yiluk, yugeragagi.

Markus 11:25

Hit mendek yiluk, samban ogagu dugwit, ap ambi inim ogorek agipik halok, Henasin mbogot vaga agarik akoen, hit weyak menda degerogo bigigapwak yiluk, at inim ogorek agipik ako weyak menda andi hiren hinunggut akluk dogwes o,” yiluk, yugeragagi.

Lukas 17:12

Lagya dugwit, o asoragoma nunggwigya hegek, ap eneyave 10 amu hunik menda en Yesus nunggu wagya inil hugu lagagwarik, adumu lenak en

Lukas 22:41

Yugerelok, helep yamburisagwi ako hak, At horok adumu hedarek lagya lagagirik, erambo yunggubaluk, samban ogagagi.

Lukas 23:48

Eke, it avakwa wisane inil dogoguluk, wonggalari wagagwa ako ogagwi hugu lagagwarik, eneyave wakhedegek eneyami vaga suguliluk enamwa wunggugwa.

Lukas 5:8

Simon Peterus en mburis ako sovanggya menda higya lagagirik, Yesus avema seve yiluk, “Ai, Nasin. An ap weyak ogasiga menda atma, baniluk wilin o,” yiluk, yugogogi.

Lakbogogi Wene 2:37

Yugirigya ako hunggu lagagwarik, “Yesus watugup andi, nit weyak ogagagup atma,” yiluk, enendawi wakhidugu lagagwarik, Peterus inim, it lakbigik menda nin inim, hemerinipu dugwit, “Ayai, nenaswei. Nit weyak ogagagurikmu, nit nggarogo ogaruk o?”

Oroma 5:8

Anderogo ovara, At Ala en andi, nit ao weyak ogagu ninigik, Keretus nenake hombagagi andi vaga Ala en nenabwa ombok erogo nenombasiga helagwi.

2 Korindus 7:11

Hit henendawi wakhidugu lagagupmu, Ala en okbigigigi ako dibagu dogones. Hit ogagagup ako andi, henendawi wakhidugu dugwit, weyak henanggelekma agarik ako hodorogo amot ogagwi, “Weyak menda mamulhedagao,” henombaruguven, hodorogo henawene amburup mbalhidugwi, weyak ogarup ako, mondok henanggon umbutwi, henalon agwi, “Nenasin Paulus nenadema warup ai?” umbutwi, henendawi adenggen vaga ogagwi, weyak ogarek hodorogo owak dinggwis, ogagagup. Hit andi ogagagup vaga weyak ambi ogagetek segat ogagu hinugup.

1 Timotius 1:15

“Avakwa weyak ogasagwi menda ako enagap wendarigiluk, Keretus Yesus o yoma wambu wagagi,” yiluk, yagalagwi ako andi, avyarat wene atma, waup segat. Avakwa ovok erogo weyak ogasagwi ovara, an ako mondok eve weyak ogagya lagagis,

Iberani 4:16

yogak anggin ambi nenovaga agya halok, nenabwa imbita dugwit, aigwak aberen okbininggu haguluk, nenalon embetetek At Ala nenabwa en okbininaligama akoma horok ari nunggugu dogosogom.

Iberani 8:12

It enovavut weyak adigat dugwit ogasagwi ako, An enomaduk degerogo bugu, eke, it weyak ogasagwi ako, Anen nape wenggelek dogosogonbuk, enomaduk ninggut erogo bagya, ogarisogon o,’ yiluk, An Ala enat yagaliga,” yagagi ako andi,