Lukas 18:11 - ALA WENE HIVIS DIRUP WATUGWA

¹¹ Iperen Ala awi valekma nunggugu lagagwarik, ap Varisi akoen mendek yiluk, samban okhidigya dugwit, ‘Ai, Nasin Ala! It avakwa enonggop welagwi menda inim, weyak ogasagwi menda inim, wanggi welagwi menda inim, eke, ap pemerintah enake yoparip wonggalisiga menda yi ako inim, an anderogo hak dek atma, wa yukhisiga.

Lukas 18:11 Iomraidhean Croise

Matius 10:3

Pilipus inim, Batolomeus inim, Tomas inim, Matius ap pemerintah enake yoparip wongganggu lagagi ako inim, Alepeus abut Yakobus inim, Tadeus inim,

Matius 5:20

It ap Ala wene vagago welagagwa menda inim, it ap Varisi menda inim, Ala endawi ombasiga menda horogat ogasagwi andi, hit anderogo horogat ogagu hiniselok, At mbogot vaga menda avema bisaligama nunggusogombuk. Ata, it madugat ogagusigik, hit andi ombok erogo ogagu hiniselok andi, At mbogot vaga menda avema bisaligama andoma nunggup segat yukheraliga o,” yiluk, yugeragagi.

Matius 6:5

Wene ambi inim yugirigya dugwit, “It ap enendawi enagavoval ovagak dugwit yagalagwi akoen, avakwa inil inisapwak en yiluk, samban ogasagwima inim, sup venakodek-venakodekma inim, andenam mendek dugwit, samban ogarup enendawi hunik ombasagwi hak, hit samban anderogo ogagu dogobuk. It ap anderogo ogasagwi vaga avakwa en vok yagalagwi ako, onggo andiat hedelagwi o, yiluk, avyarat yukheraliga.

Markus 11:25

Hit mendek yiluk, samban ogagu dugwit, ap ambi inim ogorek agipik halok, Henasin mbogot vaga agarik akoen, hit weyak menda degerogo bigigapwak yiluk, at inim ogorek agipik ako weyak menda andi hiren hinunggut akluk dogwes o,” yiluk, yugeragagi.

Lukas 20:47

“It ap andi, akwa sogwa enangge dek okbugwis, avakwa iya nenombarupwak yiluk, samban adup erogo ogagwi, ogasagwi andi vaga, it avakwa nin enomaduk onggo horogat enovaga bugu dugwit, it ap andi, enomaduk onggo anggin ombok erogo enovaga bisayogon,” yiluk, yugeragagi.

Lukas 22:41

Yugerelok, helep yamburisagwi ako hak, At horok adumu hedarek lagya lagagirik, erambo yunggubaluk, samban ogagagi.

Nggalatia 3:10

Ala en iri dugwit, “Ap ambi ogagya dogop wene dirup warek yi, vagago dugwit, ovogat des erogo ogagetek halok, at vudilek-at dogopwak o,” yiluk, yagagi dirup warek agarik. Anderogo wane-wane it avakwa en, “Ala woknenombapwak yiluk, Musa wene ako ndatak-at ogarit lagu dogosogom o,” yiluk, wene andi vaga enendawi vanggabaluk ogarusogom ovara, wane-wane ogarup meyan halok, vudilek-at iniselagwi o.

Pilipi 3:6

Wene andi ako, nendawima en idi okhidigya dugwit, Ala aburi homarit nelagwi ako anggin-mbanggin ogarogo bisilin lagya lagagis. Sek okhedagiluk, Musa wene wane-wane ogasagwi ako, an ogo wane-wane-at ogagya lagagis atma, avakwa en enane novaga banenggetek-at welagagwa.

Wahyu 3:17

Hit ako andi, henendawi weyak, hininggidek, hinil mbuk, henagap mbedan, henanggadi werek, anderogo hinisaliga ovara, dibagetek dugwit, hiren, ‘Nininggis mondok werek, dek ambi dek, nenangge ovok werek,’ yiluk, yagalagwi atma,