Lukas 18:1 - ALA WENE HIVIS DIRUP WATUGWA

¹ Anderogo yugirigya lagagirik, avakwa anggon-mbanggon okbigitek samban adigat ogagu dogopwak yiluk, Yesus en wene wakhegek yi At ane welagwi menda ako yugirigya dugwit,

Lukas 18:1 Iomraidhean Croise

Lukas 21:36

Samban adigat ogagu dugwit, henendawi suam wakhidugu dogones. Andi ogagu hiniselok, anggin-mbanggin okhinivup ako henendawi wadokdek dugwit, henanye erogo wugu dogomundik, An Ap-At Endaklagagis nivaga henanggadidek dugwit mendek yugup,” yiluk, yugeragagi.

Oroma 12:12

“Ala sek ogarisogon,” henape wenggelek dugwit, adenggen umbutwi, anggin-mbanggin henovaga agya hegek henendawi wadokdek dugwit wugwi, samban ogarup hekbagetek ndugurek-ndagarek ogagwi, ogagu dogones.

2 Korindus 4:1

Anderogo atma, At Ala aigwak aberen, nit At eyavup yi ogagu dogoguluk andok okbininggigirikmu, nit nenendawi uwa betaluk, mbuverek dogosogombuk.

Nggalatia 6:9

Anderogo atma, nit yi sek ndi sek ogarit lagu dugwit, sakdida okninipu hegek, hekbagetek ogarit lagu dogosogom. Hekbagatek mondok segerogo ogarit lagu niniselok, enggen yugup sek menda mbalhedelagwi ako wane-wane, nit onggo woknerayogon ako ninilup aro.

Evesus 6:18

Hit yi menda ndi menda ogagu dugwit, Ala en yonggat-hinavupwak yiluk, Averiniki en yukhirigya hegek, mbup yegetek Ala nggino yugugwis, samban ogagwi, ogagu dogones. Samban ogagu dugwit, henendawi alep mbabetaluk, hekbagatek ndugurek-ndagarek it Ala aburi ake denek ovok erogo enake samban ogagu dogones.

Pilipi 4:6

Anggin nano menda ambi henovaga agya halok, henendawi anggin habuk. Ata, “Anggin anderogo novaga aga o,” yiluk, samban ogagwi, eke, hit ambi ngga menda dek halok, okbigigapwak yiluk, “Ala wa,” yiluk, nggino yugugwis, ogagu dogones.

Kolose 4:12

Eke, at henaswe Epaveras inim hai wakbigigas. At Keretus Yesus ayeloman atma, hit henake samban ogagya dugwit, hit avyarat umbutugup ako mondok wadokdek vagago dugwit, henendawi hoda arovovok yiluk, samban ogasiga. Eke hiren, “Ala en nit ogarup ninimbitigi ako yi aro,” yiluk, avyarat umbutu dugwit, ogarit lagu hinisapwak yiluk, abwa edok erek dugwit henake samban ogasiga.

Kolose 4:2

Henovarali agetek o hutun howam samban adigat ogagu dugwit, Ala, “Wa,” yugugu dogones.

1 Tesalonika 5:17

Mbup yegetek samban adigat ogagu dogones.