Lukas 17:30 - ALA WENE HIVIS DIRUP WATUGWA

³⁰ “It ugun ogarit lagusim, degerogo bogogi ako ndatak, An Ap-At Endaklagagis ako avakwa anderogo ugun ogarit lagusim, andi vaga sigam ari warugwis.”

Lukas 17:30 Iomraidhean Croise

Matius 16:27

An Ap-At Endaklagagis yi, An Nasin abinak vaga niri-novagangge dikduk okhedelok, malaikat ninim wagu dogomundik, yi ap ndi ap ogasagwi ako onggo wane-wane-at wogera warisogon.

Matius 24:3

Andien, ndom Saitun vaga inggya lagagirik, adik andenam hora yiluk werekma, At ane welagwi menda ako adema ari wagu lagagwarik, At yugugu dugwit, “‘Anderogo arugwi o,’ yukneregen ako, o mera oklarugwi? Eke, Hat warup inim, o hivis oklarup inim, horok ari wagya halok, ninilup arup menda nenendawi dibaguluk nano ogagya hagup? Yukneran.”

Matius 24:37

Ap Nuh eyave hegek, avakwa ugun ogarit lagu lagagwa ako ndatak, An Ap-At Endaklagagis warup hudi it avakwa anderogo ugunat ogarit lagu dogosogom.

Matius 24:39

Nunggwigya lagagimu, it avakwa en, ‘Yeoklarisogon,’ enape wenggelekdek werekma, is nggut namut yanggadit inggya dugwit, eneyave wisane is ndokalipigi ako ovagak, An Ap-At Endaklagagis warup hudi vaga anderogoat oklarisogon.

Matius 26:64

Yugugu lagagimu, At Yesus en yugirigya dugwit, “Harenenat anderogo yegen ovara, An ambi hit ovok erogo yukherayogon. O yogak yi hudien An Ap-At Endaklagagis yi, At Anye Adigat Agarik menda inggis amotkan horaik dugwit, mbogot vaga hena anggelekma wambu wagya neyagup o, yiluk, yukheraliga.”

Markus 13:26

ogagya hegek, An Ap-At Endaklagagis ako mondok nabinak werek niris novagangge yikhedelok, nagayuk werek dugwit, hena anggelekma wambu wagya neyagup.

Lukas 17:24

Andi, o digavok mbogot vaga en yovalevet higya halok, o atok-atokma ovok erogo awiya agya dugwit ovok sigam asiga hak, An Ap-At Endaklagagis warup andi vaga anderogo ogarugwis.

Lukas 17:29

ap Lot o Sodom en wunggu lagagimu, Ala mbogot vaga en helep enggen hali inim wombaba wagya dugwit, it eneyave ovok erogo degerogo bogogi.”

Lukas 21:27

Andi ogagya halok, An Ap-At Endaklagagis ako mondok nabinak werek niris novagangge yikhedelok nagayuk werek dugwit, hena anggelekma en wagya neyagup.

1 Korindus 1:7

At Nenowa Yesus Keretus wagya haoen abyam hinigik, Ala en sek adigat okbigigaliga ako, okbugugu dugwit, ambi mondok hekbigigitek wane-wane-at okbugugu haliga.

1 Korindus 1:8

At Nenowa Yesus Keretus warup hudi vaga hit weyak ogagetek sek werekma hinisa warupwak yiluk, yogak en mbikit, hivis At warup hudi vaga henendawi mondok wadokdek dogovovok yiluk, okbugugu dogosogon.

Kolose 3:4

At niniluk okninivisiga menda Keretus ako, sigam ari warugwi vaga hit hinim ndatak winimen siyalek andoma-at hinisasogom o.

2 Tesalonika 1:7

At Nenowa Yesus, it malaikat mondok enagayuk werek ako inim mbogot vaga en hali abya anggelekma wambu wagu dugwit, it avakwa Ala enanggon dugwit, Sek Wene Nenowa Inis Ombok Yesus Keretus yagagi wene ako segerogo wegetek halok, weyak onggo wogera wasogon. Yogak anggin hit henovaga agarik ako, o andi vaga, nit ninim nenendawi seyabininayogon.

1 Peterus 1:13

Anderogo atma, nowa-nasin. “Hivis At Yesus Keretus wagya andi vaga Ala endawi hunik en sek okbinina warisogon o,” yiluk, wene andi vaga henape mondok wenggelek dugwit, alep mbabetaluk henova anggat erogo dogones.

1 Peterus 1:7

Mbusi emas onggo ombok menda andi, un sidok dek arup menda hegek, “Eve sek a, weyak a,” yiluk, hali vaga avut mbalisagwi ako wane-wane, hit avyarat ombasagwi ako andi, mbusi emas wane-wane dek. Hit avyarat ombasagwi ako andi, mondok eve iya atma, anggin-mbanggin henovaga agya halok, “Wadokdek isami a, dek a? yiluk, henavut mbalisiga atma, henendawi wadokdek hiniselok, hivis Yesus Keretus eyave sigam ari wagya dugwit, “Segat ogagep o,” yiluk, adenggen henovaga bigigu, hininis siyabigigu, “Wi!” yiluk, vok yukhirigya, ogari warisogon.

1 Peterus 4:13

Ata, hit idup-mbidup okbigigelagwi ako andi, hivis, At Keretus mondok siyalek wagya ako hinil hugu dogomundik, henendawi adenggen mondok iya erogo okhinivupwak yiluk, “Yogak At Keretus okbagu lagagwa akoat okbininelagwi atma, sek aro,” yiluk, henendawi adenggen umbutu dogones.

1 Yohanes 2:28

Anderogo atma, naburi. Hivis At warup ako hudi vaga nit nenanggadidek nenendawi seyalek dogoguluk, yogak en hit Yesus inim mondok hunigat okhidugu dogones.

1 Yohanes 3:2

Naswei. Hit an nendawi hunik atma, wene ambi yukherayogon. Nit yogak At Ala aburi agurik o. Eke, nit hivis nggarogo okbininaup ako, nit ao sigam hegetek ovara, At wagya halok, “At eve anderogo agarik,” yiluk, yedok hagup ako ndatak-at neneyave okbininaup ninilup.

Wahyu 1:7

Dibagu dogones! At Yesus hena anggelekma wagya halok, it avakwa o wen vaga agarwik ininis unggul adik-adik At watugwa ako menda inim ovok erogo enadik-enadik inil hugu dogomundik, yup yarusogom atma, avyarat yukheraliga o. Amin.