Lukas 17:3 - ALA WENE HIVIS DIRUP WATUGWA

³ Anderogo atma, henova hwalogo dogwes.” “Hit henaswe ambien weyak ogagya halok, anggadi warup. Anggadi wakbaluk, weyak ogaga ako asam helok, mbobagya halok, at omaduk andi, degerogo bagu dogop.”

Lukas 17:3 Iomraidhean Croise

Matius 18:21

Yugirigya lagagimu, at Peterus en Yesus adema wagya lagagirik, yugugu dugwit, “Nasin wai. An naswe ambien elap maren vaga weyak okbaninggya halok, anen at weyak okbenanggas ninggut erogo baup ako, elap 7 hudi a, ata maren hudi degerogo baup?”

Lukas 21:34

Yesus en wene ambi yugirigya dugwit, “Bagas sakno bagoma mbikit sopalandiga hak, ‘Ndugwis andi vaga anderogo okhinivisogon,’ yiluk, wene yukhirigi ako, hit avakwa o wen vaga yoma ovok erogo ndugwis ambi vaga mbikit supuk erogo okbigiga wasogon atma, henendawi suam wakhidugu dogones. Yi menda ndi menda henagaum dek heda nenggek nagwis, amburup nenek oginivisiga menda nenggek nagwis, ‘Nangge nggarogo okhedaik o,’ yiluk, henendawi anggin wisane wenggelit nagwis, ogagu dugwit, henendawi ugun obak hinisaoen, henendawi suam wakhidugu dogones.

Evesus 5:15

Anderogo atma, hit ogarit lendagwi ako, mondok dibaluk ogarit lagu dogones. Hit henendawi dek ovagak ugun-ugun ogarit lagu dogobuk. Ata, henendawi mondok werek dugwit, ogarit lagu dogones.

Iberani 12:15

Ala endawi hunik en sek okbininaliga ako hekbagu hinisaoen, dibagu dogones. Ap ambi henanggelekma wene eda menda henendawima mabisilin lagya halok, hit avakwa wisane At ane hobaluk, weyak ogarup umbutu hinisaoen, dibagu dogones.

Yakobus 5:19

Nowa-nasin. Ap ambi henanggelekma Ala wene wokbaluk, hivis “Nanggon,” yiluk, endawi nomaliluk lagya halok, hit ambien ap ako endawi yonggonogo wolok wagu hiniselok,

2 Yohanes 1:8

hit Ala aburi henendawi des erogo suam wakhidugu dogones. Niren wene Yesus avok yukheragagup wagagup ako, hit hinunggut akluk mbobagu hiniselok, sek ogasagwi vaga Ala en onggo wane-wane wokheraup imbitigi ako, degerogo bayogon. Anderogo atma, Ala en onggo wokheraup imbitigi ako, degerogo betugu hinisaoen, henendawi des erogo suam wakhidugu dogones.