Lukas 17:21 - ALA WENE HIVIS DIRUP WATUGWA

²¹ It avakwa en ogo, ‘Yoma wandiga yi bikhanes.’ ‘Andoma wandiga andi bikhanes,’ yukheregetekma warugwi. Ala avema bisaup andi, vage hit henanggelekma agarik umbutu dogones,” yiluk, yugeragagi.

Lukas 17:21 Iomraidhean Croise

Matius 12:28

Eke, Anen Ala Averiniki anye ako vaga madis haryogo wibugu neyalok andi, Ala avema bigigaup vage henadema ari waga atma, yiluk, umbutu dogones.”

Markus 13:21

Yugirigya lagagirik, “O andi vaga ap ambien ‘Yokhanes, Keretus ako yoma agarik,’ eke, ap ambien ‘Yokhanes, Keretus ako andi ilumu agarik,’ yukhiruguselok, henendawi avyarat ombarubuk.

Lukas 17:23

It avakwa en, ‘Eyave yoma agarik atma, bikhamanes.’ ‘Andoma agarik atma, bikhalales,’ yukhiruguselok, enamusek labuk.

Lukas 21:8

Yugugu lagagwama, At Yesus en yugirigya dugwit, “Avakwa henendawi wokhinipu saoen henova hwalogo dogones. It ap wisane [huluk at] An ninis vaga wagu dugwit, at ambi en, ‘At Keretus ako andi, an aro,’ iris, eke, at ambi en, ‘Hivis oklarup ako vage vanggo yi waga o,’ iris, yagan warusogom atma, enane hobaluk, enamusek labuk.

Yohanes 1:26

Yugugu lagagwama, at Yohanes en, “Dek o. An avakwa ima wombabisaliga ovara, ap ambi hit dibagetek hinigik, wambu wagagi henanggelekma agarik o.

Yohanes 18:36

Yugugu lagagimu, Yesus en at yugugu dugwit, “An Ninis ombok dugwit, navema bisaligama ako andi, o wen vaga yoma dek. Navema bisaligama o wen vaga yoma duklipmu en, An neyave wogogo it ap Yakuri wogorugu saoen yiluk, An naori inim ndup sumbutu duklip. An navema bisaligama ako andi, o adik ambi hunogoma agarik.”

Kolose 1:27

Wene adik hunogo mondok iya menda hwilago welagagi ako, At Ala en, “Hivis avakwa weram Yakuri dek menda inilup okbisayogon,” imbitigi ako, yogak yiat it At aburi inilup okbigas. Wene hwilago welagagi eyave ako andi, Keretus henendawima agarik akoat. Eke Keretus henendawima agarik halok, hivis At hinim winimen siyalek dogoguluk, okbigigaup henape wenggelek agipik ako, andi aro.