Lukas 17:16 - ALA WENE HIVIS DIRUP WATUGWA

¹⁶ Ala inis siyabalin Yesus avema seve yi wagya lagagirik, endawi adenggen en, Yesus “Wa!” yugogogi. Eke, ap andi, awi Samaria menda aro.

Lukas 17:16 Iomraidhean Croise

Matius 10:5

At Yesus en it ap 12 ako lakbisagiluk wene enovaga bagya dugwit, “It avakwa weram Yakuri dek menda agarwikmu sup andi vaga labuk, eke, it avakwa Samaria menda enamwa o kota-kota andoma ogo, nunggubuk.

Matius 2:11

Lagu lagagwarik, umwa nunggugu lagagwarik, avyak ako isa Maria iperen inugu lagagwarik, eneyave seve yiluk, avyak ako inis siyabagagwa. Inis siyabagu dugwit, enangge-enangge onggo ombok sek menda mbusi emas inim, yivi-nggami inim, yo mur amburup inim, hudilogo wogogogwa.

Markus 5:33

Yugirigya lagagimu, at hwa ako “Sek oknetas higi,” imbita lagagirik, alon en owak dede iri dugwit, At avema seve yiluk, at ogagagi ako vagalogo yugogogi.

Lukas 17:17

Ap ako Yesus, “Wa!” yugugu lagagimu, At Yesus en, “It ap eneyave 10 sek aga akora? Eke nin eneyave 9 ako nggoma lagao?

Lukas 5:8

Simon Peterus en mburis ako sovanggya menda higya lagagirik, Yesus avema seve yiluk, “Ai, Nasin. An ap weyak ogasiga menda atma, baniluk wilin o,” yiluk, yugogogi.

Yohanes 4:9

Yugugu lagagimu, hwa Samaria menda en At yugugu dugwit, “A! Hat ap Yakuri menda, eke, an hwa Samaria menda atma, is nggarogo adik nokhirik?” yiluk, yugogogi. (Anderogo yugogogi ako andi, avakwa Yakuri menda inim, avakwa Samaria menda inim, is owak ambiat vaga nelagwidek atma yiluk, yugogogi.)

Yohanes 5:23

Nasin en An avakwa enowak dilogo onggo okbisaup andok mondok okbaninggigi ako andi, avakwa en Ala agayuk wisagwi hak, Abut An ogo wane-wane nagayuk wutu dogopwak yiluk, mondok okbaninggigi. It ap en Ala Abut An nagayuk wutitek halok andi, At lakbani wagagi An Nasin ako agayuk wisagwidek o, yiluk, mondok avyarat yukheraliga.”

Yohanes 8:48

Yugirigya lagagimu, it Yakuri menda en Yesus yugugu dugwit, “‘Hat ap Samaria menda madis hendawima nonggagas,’ yukhugup ako andi, avyarat ai?”

Lakbogogi Wene 1:8

Hit ako Averiniki henovaga wambu wagya dugwit, At anye okbugugu hegek, o Yerusalem inim, o Yudea ovok erogo inim, o Samaria inim, yi awi ndi awi atok-atokma andoma ovok erogo inim, An ogarit nagu lagagis hinil neyagu lagagup wene ako yugeregek nagu dogop,” yiluk, yugeragagi.

Wahyu 19:10

Yuknugu lagama, an Yohanes en malaikat ako avema seve yiluk, inis siyabagiluk ogagyaim, aren yuknugu dugwit, “Moga! An siyabanubuk! An inim, hat inim, hat haswei wene Yesus en yugirigya lagagi ako vagago agarwik inim, nit ovok ndatak Ala ayelomani agurik. Ala Averiniki en nenendawima yuknirigya hegek yugurugu dugwit, wene Yesus en yagagi ako yugeralagwi. Anderogo atma, Ala avema seve yiluk, At adigat inis siyabagya dogwen,” yiluk, yuknugu higi.

Wahyu 4:10

Ogagusigik, it enanggok ap ombok-ombok eneyave 24 akoen At mondok-mondok iluk itok agarik wene yugeraligama kursi sek vaga horaik agarik ako, avema seve yiluk, inis siyabagu dugwit, “Nenasin Ala wa. Hat hendawi wenggebaluk, ‘Yi menda ndi menda ovok erogo werek ogarisogon o,’ yiluk, ogagagin. Hat hadigat mondok eve ombok agindik atma, yi avakwa ndi avakwa ovok Hat havema seve yiluk, hinis siyabagagwi, hai wakhitwi, ogagu dogopwak,” yiluk, nggudit-nggudit mendarek yirik ako, nggolalogo At avema bawagu sigis.

Wahyu 5:14

Ndawi watusigik, it iniselagwidek menda eneyave 4 akoen, “Avyarat yagao o,” yiluk, “Amin,” yugwi, eke, it enanggok ap ombok-ombok 24 akoen enavema seve yiluk, ininis siyabugwis, ogagu sigis.