Lukas 17:1 - ALA WENE HIVIS DIRUP WATUGWA

¹ Yugirigya lagagirik, Yesus en At ane welagwi menda ako yugirigya dugwit, “Hit weyak ogarovovok yiluk, henendawima nomalhinivi warisogon ovara, at henendawima nomalhinivi wandiga ako andi, anggin ovaga arugwi!

Lukas 17:1 Iomraidhean Croise

Matius 16:23

Yugugu lagagimu, At Yesus il ambukmu endenogo Peterus yugugu dugwit, “Hat Sile-at heyagi! Ala endawi ombasiga ako ndatak ombasigadek, ovara, avakwa enendawi ombasagwi ndatak imbita dugwit yuknisiga atma, harenen An sup monggalogo baniliga atma, hat yenam en wilitak!” yugogogi.

Matius 18:7

It avakwa wen vaga menda yoma en, it nin weyak ogarupwak yiluk oginivisagwi atma, anggin enovaga arugup! Weyak ogarup okhinivisiga ako andi, mondok agarik ovara, it ap en hit weyak ogarupwak yiluk okhinipuselok andi, anggin enovaga arugup!”

Lukas 16:31

“Yugugu lagagimu, Averakam en, ‘It howa-hasin akoen Musa yagagi wene inim, it navi-navi enane inim, hulisagwidek halok, ap ambi hambuluk lendagwima en iluk akluk, yugeralagya halok ogo, it weyak ogasagwi ako enasam helok, mbobasogombuk,’ yugogogi,” yiluk, Yesus en yugeragagi.

Oroma 14:13

Anderogo atma, nitnirat navok-havok yugu dogop andi moga. Ata, nit ambi ogarusogom vaga nenaswei helep inisok himbit nggwes erogo nggedek wombabugwis, enarup monggalogo bugwis, ogagu saoen yiluk, dibagu dogosogom.

Oroma 16:17

Naswei-narupwi wa. Hit wene mamulhiruguselok wagagup ako it nin waup enanggon en hekbaluk, avakwa enendawi ogorogo bilin nagwis, it avakwa avyarat umbutugwa ako enendawi avut endenogo bigik nagwis, anderogo okhinivit wagu saoen, henova hwalogo dogovovok yiluk, yukheraliga. It ap andi, hinim dambunggitek henadigat dogones.

1 Korindus 10:32

An avakwa ovok erogo enadenggen ombarupwak yiluk, enake yi ogagek ndi ogagek ogagya dugwit, an sek dogwegen yiluk, okhedaligadek o. Ata, Ala en it wisane erogo enagap wendarupwak yiluk, an sek okbigik landiga. Anderogo wane-wane, hit ogo, it Yakuri menda inim, Yunani menda inim, Ala aburi yi awi ndi awi homasagwi ako ovogat sek okbigik lagu dugwit, weyak erogo bisaguven yiluk, dibaluk, okbigik lagu dogones.

1 Korindus 11:19

Hit haterek-anderek yegetek en sanien wene dibaluk ogasagwi andi adem sigam aklip. Ovara, hit haterek-anderek wisane yagalagwi andi vaga, it nin Ala wene adem dibaluk ogasagwi andi, sigam aga.

1 Korindus 8:13

Anderogo atma, an naliga vaga naswei nggedek wambisagwi halok, anenenat weyak erogo bugu neyaoen, an wam madis anggom mondok nenggetek-at dogosogon.

1 Timotius 4:1

At Averiniki en sigam erogo iri dugwit, “O hivis arup hudi vaga ap en avakwa enambukmu dagaguluk, madis en huluk wene yugirigya hegek mamulirugusigik, it ninen wene ako dibaluk, musek lagu dugwit, Yesus avyarat umbutugwa ako mondok hekbasogom o,” yiluk, yagaliga.

Wahyu 2:14

Anderogoat yugu hinigis ovara, wene ambi yipi-nipi ogagu hinigis ako andi, yukheraliga. O endak erogo at Mbileam en it avakwa Iserali menda Ala wene mbobaluk madis anggom warek nunggwi, eke, akwa ugun-ugun oginivit lagwi, ogagu dogopwak yiluk, at Mbileam en ap Mbalak mamulogogi. Mamulugu lagagimu, ap Mbalak en Iserali menda mamuleragagi. Wene ako, hit An naburi o Veragamus agipik henanggelekma it ambetap hinim homarisagwi ninen wene ako menda musek lendagwi.

Wahyu 2:20

maduk ambi yipi-nipi ogagu hinigirikmu, yukheraliga. Hwa Isebel akoen ane huluk iri dugwit, ‘An navi, Ala Averiniki en yuknugu hegek Ala wene yukheraliga menda aro,’ yiluk, yukheraliga ovara, hit mberigitek, ‘Sek aro,’ yiluk hekbagu hinigirikmu, mondok An nanggon oknitya halok yukheraliga. Hwa akoen An nayelomani eneyave wisane nomaliniviluk lagya dugwit, akwa ugun-ugun oginivit lagwi, eke, madis anggom warek nunggwi, ogarit lagu dogopwak yiluk, mamuleraliga ako An mondok nanggon.