Lukas 16:9 - ALA WENE HIVIS DIRUP WATUGWA

⁹ “Henangge-henayoparip wen vaga menda avakwa enendawi hunik okhinivupwak yiluk, yonggar-inigik nagu dogop. Anderogo ogagu hiniselok, dek agya halok, hivis o sekma andoma mondok-mondok dogovovok yiluk heyaga warogo wokhinivisogon, yiluk, yukheraliga.”

Lukas 16:9 Iomraidhean Croise

Matius 19:21

Yugugu lagagimu, Yesus en, “Avyak. ‘An ap eve sek adigat dogosogon,’ imbita heyalok, hat hangge ovok erogo onggo hunbaluk, it ap ininggidek menda ako wogerelak. Wogera lagya heyalok, hivis hangge-hangge eve sek menda mbogot vaga andoma hedelayogon. Anderogo ovok wogirigya dogomindik, ninim nagu dogoguluk, omano.”

Matius 6:19

Wene ambi inim yugirigya dugwit, “Wen vaga yoma henangge hudu-hudup libilit nunggwigya, isip bagya, it ap enonggop welagwi menda en sup masalogo baluk, henangge wa nunggugwi, ogasagwima yoma henangge wonggalogo batugu dogobuk.

Matius 6:24

Yugirigya lagagirik, ambi inim yugirigya dugwit, “Ap ambien asini mberen inim hondalek dugwit eneyavup ogagya dogop andi meyan. Iperen eneyavup ogarit lagya halok, ambi anggon imbita dugwit, ambi endawi hunik imbita dogosogon, eke ambien ogarup yugugu ako, seve erogo ogagya dugwit, ambien ogarup yugugu ako anggon imbita dogosogon. Hiren At Ala inim, henangge-henayoparip wen vaga menda ako inim, iperen henendawi dambulik vaga musek laup andi, meyan.”

Lukas 11:41

Dek! Henendawima ilim en it ap ininggidek wogorugu hiniselok andi, Ala en sek henombarisogon.

Lukas 12:33

Henangge vaga onggo hunggu dogomundik, ap ininggidek halok, yoparip wogeranes. It ap enonggop en wa nunggugwi, hudu-hudup libilit nunggwigya, ogasigadekma mbogot vaga andoma henangge eyave sek, dek arup dek ako menda yidik dogopwak yiluk, yum awi libik yagaligadek ako menda yikhidugu dogones.

Lukas 14:14

Enayonggo bagya heyalok andi, hendawi adenggen wisane hayogon. Eke, iren onggo wokhirup meyan atma, hivis, it avakwa sek menda hombagagwa ako iniluk okbisagwi hudi ako vaga onggo wokhugu hagup,” yiluk, yugogogi.

Lukas 16:11

Anderogo atma, henangge-henayoparip wen vaga menda ako des erogo vagago agipikbuk halok, eve sek menda vagago dogovovok yiluk, Ala en okbigigayogonbuk.

Lukas 16:13

“Ap ambien asini mberen enayeloman akluk, enake ogagya dogop meyan. Iperen enake ogarit lagya halok, ambi anggon imbita dugwit, ambi endawi hunik ombarisogon, eke, ambien ogarup yugugu ako ova seve yiluk ogagya dugwit, ambien ogarup yugugu ako anggon adigat ombarisogon. Hiren At Ala inim, henangge-henayoparip wen vaga menda ako inim, iperen henendawi dambubaluk musek laup andi, meyan,” yiluk, yugeragagi.

Lukas 16:4

Ata, weram wibaninggya halok, avakwa en an woknerapwak yiluk, yerogo ogarup sek ai?’ yiluk, endawi wenggenggigi.

Lakbogogi Wene 10:31

‘Korenelius wai. Hat samban ogagen akom Ala aruk hunggu, eke, avakwa ininggidek menda yonggar-inipu lagen ako Ala il heyakbagagya lagarikmu,

Lakbogogi Wene 10:4

Yugugu lagagimu, at Korenelius anggela wunggu lagagirik, alon en il vurek dugwit, “Nasin. Nggarogo yiluk wagen?” Yugugu lagagimu, at malaikat en “Dek o. Avakwa ininggidek halok yonggar-inipu, samban ogagya, ogasiga ako vaga At Ala il heyakbagagirikmu, hat vaga ape wenggelek agarik.

2 Korindus 4:17

Yogak anggin-mbanggin novaga asiga yi, hivis okbininaup wane-wane mondok dek. Hivis okbininaup ako andi, yogak anggin nenovaga asiga andi vaga, nit siyabininagwi ako mondok-mondok siyalek-at dogosogom. Anderogo atma, yogak okbininelagwi yi, “Un sidok madugat okbininelagwi,” ombasagwi.

Yudas 1:21

Anderogo ogagu dugwit, Nenowa Inis Ombok Yesus Keretus aigwak aberen mondok-mondok niniluk dogomenda okbininaup ako, okbigigapwak yiluk, abyam dugwit, Ala endawi hunik okhinivisiga ako okbigigik adigat ogagya hugu dogovovok yiluk, okhidugu dogones.