Lukas 16:8 - ALA WENE HIVIS DIRUP WATUGWA

⁸ “Ayeloman ogagagi ako asin hunggu lagagirik, ayeloman at yewes okbagagi hegek ovara, endawi anggat vaga iya erogo wenggenggu lagagi halok, ayeloman adema ‘Wi!’ yugogogi.” Wene wakhegek ako yugirigya lagagirik, Yesus en At ane welagwi menda yugirigya dugwit, “It avakwa enendawi ugun wen vaga menda yogak agarwik ako it menda inim ogagu dugwit, enendawi anggat vaga iya erogo wenggelisagwi ovara, it Ala aburi enendawi awiya okbogogi ako andi, it wen vaga menda inim ogagu dugwit, enendawi dek dugwit, horogat wenggenggu sigis,” yiluk, yugeragagi.

Lukas 16:8 Iomraidhean Croise

Matius 12:32

Hiren An Ap-At Endaklagagis ako, henane wiyiknom-weyaknom erogo banilagwi halok, henomaduk andi, Ala en degerogo bigigaup ndak ovara, Ala Averiniki wiyiknom-weyaknom erogo bagu hiniselok, Ala en o yogak inim, hivis inim, henomaduk andi degerogo bigigayogonbuk. Mondok hunigat dogosogon,” yiluk, yugeragagi.

Matius 17:26

Yugugu lagagimu, Peterus en, “Ap huruat yugerelagwi.”

Lukas 16:10

“Ap ambien horogat ogarup menda adik ogagetek des erogo ogagya halok, ombok ogarup menda ogo ndatak des erogo ogagya dogosogon. Eke, ap ambien horogat ogarup menda des erogo ogagetek halok, ombok ogarup menda ogo ndatak des erogo ogarisogonbuk.

Lukas 16:4

Ata, weram wibaninggya halok, avakwa en an woknerapwak yiluk, yerogo ogarup sek ai?’ yiluk, endawi wenggenggigi.

Lukas 16:7

“Yugugu lagagirik, at ayeloman akoen at ambi yugugu dugwit, ‘Eke, hat ogo, nasin mbalegangge dirup warek wogorup andi maren agarik?’ Yugugu lagagimu, ap akoen, ‘Gandum 100 karung yidik dirup warek agarik.’ Yugugu lagagimu, ayeloman en, ‘Nasin mbalegangge dirup warek agarik yi, wogogo avoloma 80 karung adigat mbauk erogo dirup waru,’ yugogogi.”

Lukas 18:6

Yugirigya lagagirik, At Nenowa Yesus akoen “At ap wene owak sek erogo dilisigadek menda yagagi ako holes.

Lukas 20:34

Yugugu lagagwama, At Yesus en, “It avakwa yogak wema agarwik yi, ap en hwa hedugwi, akwa en ap hedugwi, ogasagwi.

Lukas 20:35

Anderogo ogasagwi ovara, At Ala en, ‘It avakwa sek menda enombasiga andi, ninim dogoguluk, hambuluk lendagwima en iniluk erogo mondok okbisayogon,’ ombasiga ako andi, Ala en mondok okbisagwi. Mondok okbugu dogogwimu inim dugwit, ap en akwa woginipwis, akwa en ap woginipwis, ogagu dogogupuk.

Yohanes 12:36

An awiya okbisaliga ako hinim dugwit, An naburi arovovok yiluk, henendawi awiya okbisaliga ako novaga vanggabaluk, avyarat nombares,” yiluk, yugeragagi. Wene ako yugirigya lagagirik, At Yesus ako avakwa hekbisiluk, At heyak banunggu saoen yiluk, hwilaklari lagagi.

1 Korindus 3:18

Hirenen, “An ovok nilup atma, nendawi werek,” ombakluk, okhedegek nelagwi vaga henambukmu dagalhedelagwi atma, anderogo ombarubuk. It avakwa wen vaga menda en, “Nit ovok ninilup atma, nenendawi werek aro,” yiluk, ombasagwi wane-wane, hit ambi anderogo umbutu hiniselok, Ala en henendawi werek henombasigadek. Ata, Ala en henendawi werek henombarupwak yiluk, wes ovagak akluk, dogones o.

Evesus 5:8

Hit endak o hwiserekma welagagup ovara, yogak Henowa Inis Ombok en ovok awiya erogo bigigirikmu, Ala aburi awiya vaga dugwit, ogasagwi hak, hit anderogoat ogarit lagu dogones.

Pilipi 3:19

It ap andien wen vaga menda adigat wenggenggwis, enagaum ake adigat okhedegek lagwi, enanggadi arup hegek nit iya atma yugwi, ogasagwi ako atok vaga it eneyave-at dek arusogom ovara,

1 Tesalonika 5:5

Hit ovok erogo avakwa o hup vaga dugwit ogasagwi ako hak dek. Ata, hit andi dingga vaga dugwit ogasagwi menda ako hit aro. Eke, it avakwa o hwiserekma vaga dugwit ogasagwi hak hit dek. Ata, it o awiya vaga dugwit, ogasagwi ako hak hiratma,

1 Peterus 2:9

hit andi, o hwiserekma welagagup ako hekbaluk, At Ala en At o awiya eve mondok iya-at agarikmu akoma dogovovok yiluk, henayonggo bigigu lagagirik, At mondok sek ogasiga menda sigam erogo yugurugu dogovovok yiluk, enogo bigigi. Aren “Hit An menda aro,” yiluk, enogo bigigu, imam-imam ovagak dugwit, At Nenasin Inis Ombok ake ogagu dogovovok yiluk mendek okbigigu, “Hit An naburi nake sek adik enek dogogup o,” yiluk, enogo bigigu, eke, hit hininis unggul At inis unggul menda salogo bigigu, ogagagi.

1 Yohanes 3:10

Ala aburi inim, Sile aburi inim, nano vaga ninilup arup ako yerogo: It avakwa sek ogagetek weyak adigat ogagwi, enowa-enaot inim enendawi hunik oginipitek enanggon umbutwi, ogaguselok andi, Ala aburi dek andi yedok-at iniselagwi.