Lukas 16:26 - ALA WENE HIVIS DIRUP WATUGWA

²⁶ Eke, ambi, it ap yoma en hat hadoma wagwi, andoma en nit nenadoma wagwi, ogarup ombasagwi ako meyan hapwak yiluk, ilim andoma nggedek ombok bagagi.’”

Lukas 16:26 Iomraidhean Croise

Matius 25:46

yugirigya dogogurik, it ap ako, weyak ogasagwi onggo mondok-mondok yagan watu dogopwak yiluk, lakbisagwis ovara, it enendawi sek adigat menda ako halok andi, iniluk mondok-mondok dogopwak yiluk, okbisagwis o, yiluk, yugeragwis,” yugeragagi.

Lukas 12:59

Heda marogo mabiselagwima mabuguguselok, at enowak dilisiga menda akoen, ‘Onggo anderogo baup,’ yiluk, yukheragagi ako mondok ovok erogo bagetek hegek, andoma en mondok wibigigasogombuk, yiluk, yukheraliga,” yugeragagi.

Lukas 16:25

“Yugogogi ovara, Averakam en at yugugu dugwit, ‘Nabut. Hat hiluk dugwit, sek adigat welagagin. Eke, Lasarus yi andi, edup-mbedup ovaga welagagi ako hape wenggelu. Yogak Lasarus yoma dugwit, endawi seyo yagas ovara, hat andi, yagan wasiga.

Lukas 16:27

“Yugugu lagagimu, ap inggi werek akoen, ‘Eke, andi halok nasin. An nowa-naot eneyave 5 nasin amwa agarwik atma, yagan wasagwima yoma wagu saoen, an nasini enamwa hurimbis yugeralapwak yiluk, ap Lasarus andi, lakbanyok yiluk, yukhisiga.’”

Yohanes 3:36

It avakwa enendawi Ala Abut ovaga vanggabaluk, avyarat umbutuselok, mondok-mondok iniluk-at dogosogom. It mondok-mondok iniluk dogosogom ovara, it nin andi, Ala Abut ane hobaluk, ogagetek iniselok andi, iniluk dogosogombuk. Ala aninis enovaga-at dogosogon o,” yiluk, yugeragagi.

Wahyu 20:10

Eke, at avakwa enambukmu dagasiga menda Sile ako, vagarogo hali abya wuluk-herek adigat yagaligama at yangge aninis werek endak daga waga inim, at aswe hivis daga waga huluk wene yagan lagya lagagi ako inim, iperen werekma akoma mabagya higi. Mabagya lagama, hup-dingga hali edup en mondok-mondok yagan yagavek-nggodek yugu sigis.

Wahyu 22:11

Yugeregek lagya heyagek ovara, it weyak ogagu dogop ombasagwi halok, weyagat okhidugu dogopwak. It ogarup dek menda hegek ugun-ugun ogarit lagu dogop ombasagwi halok, it andi ogo, ugun-ugunat ogarit lagu dogopwak. Eke, it nin weyak ogagetek sek adigat ogagu dogop ombasagwi halok, sek adigat ogarit lagu dogopwak. It nin Ala ake sek adik denek dogop ombasagwi halok, Ala ake adik denek-at, dogopwak o,” yiluk, yuknugu higi.