Lukas 16:23 - ALA WENE HIVIS DIRUP WATUGWA

²³ Saba lagu lagagwama, hali hunikmu ari lakluk, andoma yagan watya dugwit, il ilik higya lagagimu, o adumu andoma ap Lasarus Averakam iperen horaik enogogi.

Lukas 16:23 Iomraidhean Croise

Matius 11:23

“Eke, hit avakwa Kapernaum menda yi, ‘Nit ap ombok atma, mbogot vaga siyabininayogon,’ yiluk, yagalagwi yi? Mondok dek. Nggarogo ogarubuk menda hit henamwa ogagya hegep ako, o Sodom andoma ogagya duklipmu en, o kota ako dek okbagetek, o yogak ogo aoat duklip ovara, ogagya inil hegetek atma, enasam hegetek halok, Ala en degerogo bogogi ako wane-wane, hit ogo degerogo bigigayogonbuk yiluk yagalagwi? Dek o. It hambuluk lendagwima o yagamu erogo mbo wombabigigayogon, umbutu dogones.

Matius 18:9

Hinil venak vikit weyak ogarup okhinipu halok, hulirogo baluk mbo hanes. Hinil mberen hegek, hali abya wuluk-herek adigat yagaligama mbo lakbigigaup andi weyak. Ata, hinil venak ambi dek okbaluk, venak adigat iniluk oginivisigama nunggup halok andi sek,” yiluk, yugeragagi.

Matius 23:33

“Hit mbas idup aburi endago menda yi! Ala en henowak dilogo hali abya wuluk-herek adigat yagaligama andoma lakbigigu halok, hit nggarogo hoda wulumwi? Mondok meyan.

Matius 5:22

yogak Anen yukhirigya dugwit, ‘Hit sanien henaninis henaswemuni enovaga bugu hiniselok andi, henowak dilogo weyak onggo henovaga bigiga hagup, yiluk, yukheraliga o. Hit ambien henaswe ambi yugugu dugwit, “Hat mondok meyan heyagi,” yiluk, adem dek hegek yugugu hiniselok andi, weyagat yusogom atma, henowak dilupwak yiluk, it ap wene amburup mbalisagwi menda enadema wokhenombolok lasogom. Eke sanien “Hat mondok nggabelekdek yundup erek,” yugugu hiniselok andi, hali abya wuluk-herek yagaligama akoma mabigigaup-at, ari landiga.”

Matius 5:29

Hinil venak amot vikit weyak ogarup okhinipu halok, hulirogo mbo hanes. Heneyave apik hegek, hali abya wuluk-herek adigat yagaligama mbo lakbigigaup andi weyak. Ata, heneyave venak vikit degerogo baluk, venak adigat Ala avema nunggup halok andi sek o.

Matius 8:29

Ap mberen ako Yesus wagya hugu lagagwarik, enane ombok vaga At yugugu dugwit, “Ala Abut wai. Hat nggayok bininagiluk nenadoma wandiga? Nit nenarup andi ao hegek, Hat nit nenendak nenarigiluk wandiga ai?” yugogogwa.

Lukas 16:24

Inugu lagagirik, At ane ombok vaga yugugu dugwit, ‘Nasin Averakam wai! An hali abya edup wisane en yagan wasiga atma, nabwa nimbita dugwit, ap Lasarus en inggis atok vaga is erabaluk, nabya eraba warupwak yiluk, yuguru o!’”

Lukas 8:28

Aren Yesus higya lagagirik, avema seve iri lagagirik, ane ombok vaga, “Yesus wai! At Mondok Siyalek Adigat Agarik Ala Abut Hat Yesus yi, an nggarogo okbanigiluk wagen? An edup-mbedup okbaninggya heyaoen yiluk, yukhisiga,” yugogogi.

2 Peterus 2:4

It malaikat ako menda en weyak ogagu lagagwama, Ala enabwa en hekbogogi embetep? Dek o. “Hivis enowak dilogo bisayogon o,” yiluk, hali abyama nggilin elola akeragamu dogopwak yiluk, mbusi heda magogo o hwiserekma wombabogogirikmu agarwik akora?

Wahyu 20:10

Eke, at avakwa enambukmu dagasiga menda Sile ako, vagarogo hali abya wuluk-herek adigat yagaligama at yangge aninis werek endak daga waga inim, at aswe hivis daga waga huluk wene yagan lagya lagagi ako inim, iperen werekma akoma mabagya higi. Mabagya lagama, hup-dingga hali edup en mondok-mondok yagan yagavek-nggodek yugu sigis.