Lukas 16:22 - ALA WENE HIVIS DIRUP WATUGWA

²² “Andien, ndugwis ambi vaga ap ambenggino yagaliga menda ako hombagagi. Hambigya lagagimu, it malaikat akoen eyave wolok Averakam adema balagagwa. Balagagwa hegek, hivis ap inggi werek ako ogo hombagagi. Hambigya lagagimu, eyave wen sabalagagwa.

Lukas 16:22 Iomraidhean Croise

Matius 18:10

Yugirigya lagagirik, ambi inim yugirigya dugwit, “It avyak maridugi inadigetap enomalaikat agarwik akoen An Nasin mbogot vaga menda adema mondok-mondok vagalogo yugisagwi atma, hiren avyak maridugi yi, meyan henanggon inimbutu hinisaoen, henendawi dibagu dogones. [

Matius 24:31

Eke, ane ombok ogasagwi menda trompet ako ane ogagya hegek, Anen it nayelomani malaikat ako lakbisa wagya neyalok, wagu dogomundik, An naburi enogo miginipigis ako o adem venak-venak en, o mbogot atok-atokma en, ovok erogo wonggalogo bisa warugup o,” yiluk, yugeragagi.

Matius 8:11

Avakwa wisane liris-ambut en wagu dogomundik, nenombawi Averakam ogo, Isak ogo, Yakup ogo, inim At mbogot vaga menda avema bisaligama isogo isago naguluk, homari warusogom ovara,

Markus 8:36

Hit yi awi ndi awi ovok erogo andok okhidugu dogomundik, heneyave yelemele yusogom halok, nggayoklarup embetep?

Lukas 12:20

“Yagagi ovara, At Ala en, at ap ako yugugu dugwit, ‘Hat ap wes yi, wai! Yogak o hup yi vaga hat henendawi An wa warisogonma, hat vipuk erogo bagen ako hivis saen andok arimi embeten?’ yiluk, yugisogon.”

Lukas 16:21

At akoen, ‘Ap inggi werek ako agarom ninggya dugwit, iluvulu wambigya ako, naik ai,’ imbita lagagi. Eke, yangge wagu dugwit, at amu ako enabya vaga melan nunggu lagagwa.”

Yohanes 1:18

Avakwa en andi, Ala mondok inil helagudek ovara, Ala Abut adik ambengga ako, At eve Ala-at, Asin inim mondok hunik dugwit, Ala avok vagalogo yukneragagi.

Yohanes 13:23

Inil vuvu yugu dugwit, ap At ane waliga menda ambi Yesus endawi hunik welagagi ako Yesus iperen horaik herarek werekma,

Yohanes 21:20

Yugugu lagagimu, lagu dugwit, at Peterus elose endenogo yokhigya lagagirik, At Yesus ane waliga menda ambi endawi hunik ako enamusek wagya il hagagi. At andi, endak erom nunggusim, Yesus iperen herarek horaik werekma, “Nasin wai. Saen harupwak yiluk, yugerayogon?” yugogogi ako arat.

Iberani 1:14

Eke, it malaikat andi nggarogo ogasagwi menda ombasagwi? Dek o. It ako avakwa enanggela ninil iniselagudek ako ovagak dugwit, Ala eyavup ogasagwi atma, Ala en avakwa enagap wendaginivup yiluk, enogo bogogi ako, yonggar-inivupwak yiluk, yonggo lakbisa wandiga menda it aro.

Iberani 2:14

Aren, “Avakwa andi An naburi,” yiluk yagagi andi, nit avakwa neneyave wen vaga hambisagwi menda wane-wane okhedagagi andien, At eyave hambigya dugwit, hambisagwi menda adem andok agarik Sile ako, At Yesus en anyedek erogo sovalogo baluk,

Yakobus 1:11

Andi, mo daga wagya dugwit, mo idup en yoangga-hedangga dis iri dugwit, mbuk agya lagarik mbililis erogo wambigya dugwit, elose weyak asiga hak, it ap ininggis werek okhedaguluk ogarit laguselok, eneyave anderogoat dek arusogom o.

1 Peterus 2:24

Nit endak weyak ogagu lagagup ako, yogak ambi inim ogagetek dugwit, sek adigat ogarit lagu dogoguluk, At eyave yo winik vaga hambigya dugwit, nit weyak ogasagwi menda ako ovok erogo wogogi. Eke, At agamut libik-ndendok erogo watugwa ako vaga nit sek okbininggigi.

Wahyu 14:13

Anderogo yuknugu lagama, mbogot vaga en wene ambi inim yuknugu dugwit, “Yogak en, it ap Nenasin Inis Ombok inim hunik dugwit hambisagwi ako, enendawi adenggenat umbutu dogosogom o, yiluk, dirup waru,” yuknigas. Yuknugu lagama, Ala Averiniki en, “Avyarat. It hambuguselok, iniluk dugwit, sakdida oginipu hegek yavup ogarit lendagwi ako, Ala en inggut akluk hekbisayogonbuk atma, enendawi adenggen umbutu dugwit, sat yanggal hidugu dogosogom o,” yiluk, iris naruk hunggis.