Lukas 16:2 - ALA WENE HIVIS DIRUP WATUGWA

² yiluk, asin ako yugugu lagagwama, ayeloman ako yanggup yugogogi wagya lagagimu, yugugu dugwit, ‘Hat ogarit landiga avok hunggis ako, nggarogo yuknirimi? Hat yogak an nawi malogo ambi inim dogop dekma, hat yoma dugwit, ogarit lagya lagen ako mbilinogo yukniru.’”

Lukas 16:2 Iomraidhean Croise

Matius 12:36

Avakwa enane un enam warogo adem dek hegek yagalagwi ako ovok erogo hivis enowak dilinivup hudi vaga henadik-henadik wene sigam vagalogo yugurusogom atma,

Matius 20:8

“Yugirigya lagagirik, andien, o hup agya lagagimu, at eyavup werek akoen at ayeloman yavup kepala ako yugugu dugwit, ‘It ap yavup ogasagwi ako yanggup yugirigya dogomindik, waguselok, it hivis nunggu wagao ako onggo enendak wogirigya, eke, enendak nunggu wagao ako onggo hivis wogirigya, ogaru.’

Lukas 12:20

“Yagagi ovara, At Ala en, at ap ako yugugu dugwit, ‘Hat ap wes yi, wai! Yogak o hup yi vaga hat henendawi An wa warisogonma, hat vipuk erogo bagen ako hivis saen andok arimi embeten?’ yiluk, yugisogon.”

Lukas 12:42

Yugugu lagagimu, At Nenowa Yesus en, “Andi halok, Ap ombok ayeloman ambi endawi werek yavup dikduk ogagya halok andi, at asin ap ombok akoen at ayelomani nin andi yugirigya dogopwak yiluk, mondok okbagagi. Mondok okbaluk, winggigi. Wunggu hegek, ayeloman akoen, it nin ako enagarom wogeraup agya halok, enagarom des erogo wogeragagi.

Lukas 16:1

Andien, hivis At Yesus en At ane welagwi menda ako yugirigya dugwit, “Ap inggi werek ambi ayeloman bendahara at ayoparip vagago welagagi. Vagago werekma, avakwa en, ‘Dek. Hayeloman akoen hangge-hangge ovok degerogo okbalin landiga,’

Lukas 16:3

“Yugugu lagagimu, ayeloman ako endawi wenggenggu dugwit, ‘Nasin en o malogo dogobuk, yuknigarikmu, an nggarogo ogarik? Nanyedek atma, wen bavunggu dogop andi, meyan. Eke, nambenggino yugeregek lagya dogop andi ogo, nalon haliga.

Oroma 14:12

nit ovok nenadik-nenadik ogasagwi ako, Ala en, “Vagalogo yukneres o,” yiluk, yuknirigya halok, vagalogo yugurusogom.

1 Korindus 1:11

Nowa-nasin. Wene andi, it avakwa hwa Kelowe amwa en wagu lagarwik, yuknugu dugwit, “It avakwa andoma, ir-it winimuk yagalagwi o,” yiluk, yukniri wagu lagaoma, yukheraliga.

1 Korindus 4:2

Ap ombok ambien ayelomani ambi ogagu dogop andok okbisiluk, ogarit lagusigik, “An yugirigi dibaluk, ogagu samwi a dek a?” yiluk, il dombabisaliga.

1 Korindus 4:5

Andi halok, it avakwa enowak dilup hologo bagagi hudi ao horok ari wagetek hegek, hiren avakwa enowak dilogo weyak enovaga lobalogo bugu dogobuk. Ata, Nenowa Inis Ombok wagya dogomindik, nit avakwa nenendawima mbauk ombasagwi hwilago agarik ako sigam erogo bagya, eke, nenagose ombasagwi ako ombokma en vagalogo yuknirigya, ogarisogon. Ogarisogon halok, wagetek hegek avakwa enowak dilogo weyak enovaga lobalogo bugu dogobuk. At wagya hudi vaga Ala en nenadik-nenadik ogasagwi ako wane-wane adenggen nenovaga bininayogon.

1 Timotius 4:14

Endak, it Ala aburi enasini akoen hunggul sovabagagusigik, Averiniki en yukhugu hegek, “Hat hivis Ala eyavup ambi anderogo ogagya dogop,” yiluk, Averiniki anye wokhogogi ako, moma erogo hekbaup andi moga.

1 Timotius 5:24

It ap nin andi, enavut mbanggitek hegek, it weyak ogasagwi ako sigam agarik atma hekbiselagwi ovara, it nin andi, enomaduk hwilago agarik atma, hivis sigam arisogon.

1 Peterus 4:10

At Ala en ogagu dogop nenadigetap andok okbininggigi ako, “Ala endawi hunik en andok okbaninggigi atma, nendawi hora yiluk avakwa enake ogarit lagya dogosogon o,” yiluk, hikirat ambien at ambi sek okbagek ogagu dogones.

1 Peterus 4:5

Ovara, At Ala en, avakwa niniluk menda inim, hombagagwa menda inim, nit ovok nenowak diligiluk mbagarek agarik atma, it anderogo ogasagwi menda ako Ala en, “Sigam yukneres,” yugirigya halok, sigamat yugurusogom.

Wahyu 20:12

Dek agya lagama, avakwa hombagagwa menda ininis werek inim, ininis dek inim, wene yugeraligama adema mendek inigis. Andoma inigik, mbuku nin adik-adik mbiganggu dugwit, mbuku ambi avakwa mondok-mondok iniluk okbisaup ininis dirup warek menda mbiganggu higi. Mbiganggu lagarik, avakwa hombagagwa ako hambegetek iniluk dugwit enandogon ogagu lagagwa mbuku vaga dirup warek ako bikhegek enowak dilogo onggo wane-wane okbugu higi.