Lukas 16:17 - ALA WENE HIVIS DIRUP WATUGWA

¹⁷ Anderogo ogasagwi ovara, wen inim, mbogot inim, dek arup andi, ndak ovara, Ala wene Musa en dirup watigi ako andi, nin maduk ambiat warek ogo mondok dek arisogonbuk.”

Lukas 16:17 Iomraidhean Croise

Matius 5:18

Mbogot-wen ao dek agetek hegek, Ala Wene Musa en dirup watigi andi, huruf ambi titik ogarek ako ao atma agetek hegek, dek arisogonbuk, ata, ovok erogo mondok ndatak-at arisogon o, yiluk, avyarat yukheraliga.

Lukas 21:33

Wen inim, mbogot inim, dek arugwi ovara, An nane andi, dek arisogonbuk mondok-at dogosogon o,” yiluk, yugeragagi.

Oroma 3:31

Anderogo halok, nit avyarat ombasagwi andi vaga Musa wene ako degerogo belagwi ombasagwi? Dek o. Nit avyarat ombasagwi vaga wene andi anye erogo belagwi.

1 Peterus 1:25

Nit avakwa neneyave anderogo hak ovara, Nenasin ane andi, mondok itok agarik o,” yiluk, Ala wene endak dirup warek ako, Sek Wene yukheragagup yi aro.

2 Peterus 3:10

At Nenowa warup ako andi, “Ndugwis andi vaga warisogon,” embetetek inigik, ap onggop waliga ako hak enape wenggelekdekma warisogon. Eke, wagya halok, mbogot ane sukup iri dugwit dek agya, saut-dadiwap mbogot vaga agarik menda ovok hali ninggya, wen yi inim, wen vaga agarwik inim, ovok erogo dek agya, ogagya hagup.

Wahyu 20:11

Anderogo inugu lagirik, Ala wene yugeraligama kursi sek ombok yanggwi mudu ovagak ako vaga At eyave horaik higi. Horaik hegek, wen-mbogot At elokwema eve degat agya lagama, andi okbaluk, hivis avoloma ambi ari wagya hegetek, mondok-mondok degat agya higi.

Wahyu 21:1

Anderogo ogagya higya lagirik, werekma, wen-mbogot endak agarik ako inim, is ombok yanggadek laut ako inim, dek agya hegek, avoloma wen-mbogot swi ogarek ari wagya higi.

Wahyu 21:4

Mbogot-wen endak ogarek ako vaga dugwit, enendawi anggin hugu lagagwa ako, dek agarikmu, swi ogarek ako vaga Enasin Ala inim dugwit, yup ninil owangga degerogo bisamindikmu, hambugwi, dewene yugwi, enendawi wakhidugwi, edup hugwi, ogagu dogosogom mondok dek,” yiluk, iris naruk hunggis.