Lukas 16:15 - ALA WENE HIVIS DIRUP WATUGWA

¹⁵ Aganda yagu lagagwama, At Yesus en it yugirigya dugwit, “Hiren avakwa sek henombarupwak yiluk, henanggangga hedelagwi ovara, Ala en andi, henendawi ombasagwi ako ilup agarik. Yi menda ndi menda iya ombasagwi andi, At Ala anggon ombasiga,” yiluk, yugeragagi.

Lukas 16:15 Iomraidhean Croise

Matius 23:5

“Iren yi menda ndi menda ogasagwi ovok erogo ako andi, ‘Avakwa inil neyapwak o,’ yiluk, ogarit nelagwi. Anderogo ogarit nagu dugwit, ‘An Ala wene des erogo ogasiga menda,’ yiluk, hiwene dirup warogo enembet vaga obak erogo hondabaluk heda matwis, enasum atok vaga nggagalogo baluk sivinogo wombabagwi, ogasagwi.

Matius 6:16

Yesus en wene ambi inim yugirigya dugwit, “Hiren Ala ake yiluk, erom hunis dugwit, samban ogagu hiniselok andi, it ap enendawi enagavoval ovagak dugwit ogasagwi akoen, ‘Nit Ala ake yiluk, erom hunis dugwit, samban ogagya neyapwak en,’ yiluk, enelose abwa edok erek dugwit okhedelagwi hak, hit anderogo dugwit, samban ogagu dogobuk. It ap anderogo ogasagwi vaga avakwa vok yagalagwi ako, it onggo anderogoat hedelagwi atma yiluk, avyarat yukheraliga o.

Matius 6:2

“It ap enendawi enagavoval ovagak dugwit yagalagwi ako, ‘Avakwa en an iya nombarupwak yiluk,’ samban ogasagwima inim, suvaga inim, ‘Anderogo ogagyo,’ yiluk, yugeregek nelagwi atma, henangge avakwa ininggidek menda wogurugu dugwit, it ogasagwi hak hit anderogo ogarubuk. It ap anderogo ogasagwi vaga avakwa en vok yugerelagwi ako, onggo anderogoat hedelagwi, yiluk, avyarat yukheraliga.

Matius 6:5

Wene ambi inim yugirigya dugwit, “It ap enendawi enagavoval ovagak dugwit yagalagwi akoen, avakwa inil inisapwak en yiluk, samban ogasagwima inim, sup venakodek-venakodekma inim, andenam mendek dugwit, samban ogarup enendawi hunik ombasagwi hak, hit samban anderogo ogagu dogobuk. It ap anderogo ogasagwi vaga avakwa en vok yagalagwi ako, onggo andiat hedelagwi o, yiluk, avyarat yukheraliga.

Lukas 10:29

Yugugu lagagimu, ap ako, an sek-sek nombarupwak yiluk, Yesus yugugu dugwit, “Eke, nendawi hunik oginivigen it ninim agirik andi sa?”

Lukas 11:39

Ap Varisi ako imbita lagagimu, At Nenowa Yesus akoen, “Hit ap Varisi menda en henagas owak sogolowak inim, henowalup inim, agap weram adigat hurisagwi ovara hegek, henendawi ilim andi avakwa enangge haurogo hedaup inim, yi weyak ndi weyak ogarup inim, henendawima ovok erogo mbin erek agipik.

Lukas 18:11

Iperen Ala awi valekma nunggugu lagagwarik, ap Varisi akoen mendek yiluk, samban okhidigya dugwit, ‘Ai, Nasin Ala! It avakwa enonggop welagwi menda inim, weyak ogasagwi menda inim, wanggi welagwi menda inim, eke, ap pemerintah enake yoparip wonggalisiga menda yi ako inim, an anderogo hak dek atma, wa yukhisiga.

Lukas 18:14

“Iperen samban anderogo ogagagwa ovara, at samban endak ogagagi ako dek. Ata, hivis ogagagi ako adigat Ala en, ‘Ap andi, endawi sek higi o,’ imbita hegek, amwa lagagi. Andi, ap ambi endawi siyabatigya halok, sovabagya, eke, endawi sovabatigya halok andi, siyabagya, ogagya hagup o, yiluk, yukheraliga,” yugeragagi.

Lukas 18:21

Yugugu lagagimu, ap akoen, “Wene andi an madukma en des erogo ogagya lagagis,” yiluk, yugogogi.

Lukas 18:9

Yugirigya lagagirik, it avakwa nin enendawi en, “Avakwa nin andi, mondok meyan, eke, nit andi, Ala wene dibaluk, sek adigat ogasagwi o,” umbutu lagagwarikmu, Yesus en wene wakhegek yi yugirigya dugwit,

Lukas 20:20

It Ala wene vagago welagagwa menda inim, it ap imam-imam enasini inim, akoen Yesus inil wolok nagu dogopwak yiluk, enaori lakbogogwa. Enaori lakbogogwa akoen, “Nit ap avyarat nenombarupwak,” ombakluk, enane enagavoval yagan nagu lagagwa. Enane enagavoval yagan nagu dugwit, “Yesus ane yupum-ndupum yimi vaga yidibaluk, eyave vagarogo at Gubernur akoen awene mbalup at ovadombok atma, awene mbalupwak yiluk, balasogom,” umbutugwa.

Lukas 20:47

“It ap andi, akwa sogwa enangge dek okbugwis, avakwa iya nenombarupwak yiluk, samban adup erogo ogagwi, ogasagwi andi vaga, it avakwa nin enomaduk onggo horogat enovaga bugu dugwit, it ap andi, enomaduk onggo anggin ombok erogo enovaga bisayogon,” yiluk, yugeragagi.

Yohanes 2:25

It avakwa enendawi ombasagwi ako andi, Yesus ilup agarik atma, ap ambien at ambi ogagya avok vagalogo At yugurup mondok dek aro.

Yohanes 21:17

Elap mberen vaga yugugu lagagirik, eke, elap ambi inim yugugu dugwit, “Yohanes abut Simon wai. Hat An hendawi hunik okneraliga a, dek a?” Yugugu lagagimu, At Yesus elap henggam vaga, “Hat An hendawi hunik okneraliga a, dek a?” yugogogi ako vaga, at Peterus endawi burup iri dugwit, “Nasin. Hat yi wene ndi wene hilup atma, an nendawi hunik okheraliga ako Hat hilup aro.” Yugugu lagagimu, At Yesus en, “Nandomba malenombogo dogwen.

Lakbogogi Wene 1:18

(At Yudas weyak ogagagi onggo yoparip wogogogwa ako vaga wen onggo bagagirikmu andenam at ape samup yi wambigya lagagirik, agaum bulagya dugwit, alor ovok erogo hudilogo wulu wagagi.

Lakbogogi Wene 1:24

okbugu lagagwarik, samban ogagu dugwit, “Nenasin o. At Yudas ninim Hat heyavup ogarit nagu dogosogom yiluk denogo bininggigin ovara, hekbininiluk at laup embetarikmu akoma-at ari lagarikmu, yi avakwa ndi avakwa enendawi ombasagwi ovok hilup atma, it ap mberen denogo bugup yi, at avoloma denogo baup embeten ako, yuknerano,” yiluk, samban ogagagwa.

Lakbogogi Wene 15:8

Avakwa enendawi Ala ovok ilup atma, it ap weram menda ogo, Averiniki nit wokneragagi ako hak, it wogeragagi. Andi vaga, Ala en it ap weram Yakuri dek menda At aburi okbigas ako yedok helagwi.

Oroma 3:20

Anderogo atma, avakwa Musa wene ako ogasagwi vaga Ala en, “Hat ap segat,” yiluk, yisogon mondok dek. Ata, “An weyak ogasiga-at higi,” yiluk, yedok hugu dogopwak yiluk, Musa wene ako agarik.

Oroma 8:27

Averiniki akoen Ala endawi ombasiga musek At aburi adik denek enake samban ogasiga atma, avakwa enendawi dibisiliga Ala akoen Averiniki ombasiga ako ilup-at agarik.

1 Korindus 4:5

Andi halok, it avakwa enowak dilup hologo bagagi hudi ao horok ari wagetek hegek, hiren avakwa enowak dilogo weyak enovaga lobalogo bugu dogobuk. Ata, Nenowa Inis Ombok wagya dogomindik, nit avakwa nenendawima mbauk ombasagwi hwilago agarik ako sigam erogo bagya, eke, nenagose ombasagwi ako ombokma en vagalogo yuknirigya, ogarisogon. Ogarisogon halok, wagetek hegek avakwa enowak dilogo weyak enovaga lobalogo bugu dogobuk. At wagya hudi vaga Ala en nenadik-nenadik ogasagwi ako wane-wane adenggen nenovaga bininayogon.

1 Peterus 3:4

Ata, hwa andogon eve sek endawi horaik ako, adik agetek mondok vagago halok, At Ala en, “Hwa yi, mondok sek aro!” yiluk, endawi hunik ogasiga atma, hit henandogon anderogoat dogones.

1 Peterus 5:5

Anderogo wane-wane, hit apsawe en ogagu dogop wene ambi yukherayogon. Henasini en enane yukhiruguselok, henaruk des erogo hobaluk ogagu dogones. Andi, Ala wene dirup warek ambi iri dugwit: “It avakwa enendawi wogobetelagwi halok andi, Ala en it inim ogorek agarik ovara, enendawi sovalek agarwik halok andi, enabwa en sek okbisaliga o,” yiluk, yagagi Ala wene dirup warek agarik atma, hit ovok erogo henendawi sovalek dugwit, yonggat-yonggat ogagu dogones.

Wahyu 2:23

Hwa andi, eyagi at ane welagwi menda ako it ovok erogo enarit lagya neyasogom. Enarit lagya neyalok, it An naburi yi awi ndi awi homasagwi menda ako ovok erogo, ‘Nit nenendawi ombasagwi inim, nenendawi hobaluk ogarit lendagwi inim, ovok erogo dibininiluk onggo wane-wane wokneraliga Yesus andi, Arat higyo,’ yiluk, An neyave inilup arusogom.