Lukas 16:13 - ALA WENE HIVIS DIRUP WATUGWA

¹³ “Ap ambien asini mberen enayeloman akluk, enake ogagya dogop meyan. Iperen enake ogarit lagya halok, ambi anggon imbita dugwit, ambi endawi hunik ombarisogon, eke, ambien ogarup yugugu ako ova seve yiluk ogagya dugwit, ambien ogarup yugugu ako anggon adigat ombarisogon. Hiren At Ala inim, henangge-henayoparip wen vaga menda ako inim, iperen henendawi dambubaluk musek laup andi, meyan,” yiluk, yugeragagi.

Lukas 16:13 Iomraidhean Croise

Matius 4:10

Yugugu lagagimu, Yesus en, “Hat Sile yi, heve elak. Ala en, ‘Henasin Ala avema seve yiluk, At adigat siyabagwi, At yagaliga halok adigat dibaluk ogarit lagwi, ogagu dogones,’ yiluk, yagagi dirup warek agarik.”

Matius 6:24

Yugirigya lagagirik, ambi inim yugirigya dugwit, “Ap ambien asini mberen inim hondalek dugwit eneyavup ogagya dogop andi meyan. Iperen eneyavup ogarit lagya halok, ambi anggon imbita dugwit, ambi endawi hunik imbita dogosogon, eke ambien ogarup yugugu ako, seve erogo ogagya dugwit, ambien ogarup yugugu ako anggon imbita dogosogon. Hiren At Ala inim, henangge-henayoparip wen vaga menda ako inim, iperen henendawi dambulik vaga musek laup andi, meyan.”

Lukas 11:23

An ninim dambulik agurikbuk halok andi, ninim ndup-at agarwik. Eke, an ninim homakbiselagwidek akoen, haryogo ndindis erogo wibiselagwi aro,” yiluk, yugeragagi.

Lukas 14:26

“Hit hinisai-henasini inim, henabut-henogwa inim, henowai-henaori inim, eke, hit henadik heneyave inim, henendawi inim hunik ombok erogo dugwit, An ninim henendawi hunik horogat dugwit, An nadema wagu hiniselok, An nane welagwi menda arusogom mondok dek o.

Lukas 16:12

Eke, hiren ap ambi angge des erogo vagago welagetek halok, hit henadik henangge vagago dogovovok yiluk, Ala en wokherayogon embetep? Dek aro.”

Lukas 16:9

“Henangge-henayoparip wen vaga menda avakwa enendawi hunik okhinivupwak yiluk, yonggar-inigik nagu dogop. Anderogo ogagu hiniselok, dek agya halok, hivis o sekma andoma mondok-mondok dogovovok yiluk heyaga warogo wokhinivisogon, yiluk, yukheraliga.”

Lukas 9:50

Yugugu lagagimu, At Yesus en, “‘Moga,’ yugurubuk. It hinim ogorek dek halok andi, hit menda aro,” yugeragagi.

Yakobus 4:4

Hwa ambien ap ya hedegek nda hedegek ogarit landiga hak ogasagwi yi, it avakwa wen vaga menda weyak ogasagwi inim, weyak ombasagwi inim, ako hinim henendawi hunik okhidugu hiniselok, Ala hiperen ogot hedelagwi ako hinunggutmu, ogasagwi? Anderogo atma, ap ambi, “It ap wen vaga menda weyak ogasagwi inim, weyak ombasagwi inim, ako ninim hunhedayogon o,” imbita dugwit, ogagya halok, Ala inim ogot hedaliga.