Lukas 15:7 - ALA WENE HIVIS DIRUP WATUGWA

⁷ Andi wane-wane, ap eneyave 99 umbutu dugwit, ‘Nenendawi mondok sek adigat halok nenomaduk mbobaup dek,’ ombasagwi halok, it mbogot vaga agarwik enendawi adenggen horogat ombarusogom ovara, it ap weyak ogasagwi menda ambien weyak ogagya lagagi ako, asam helok, mbobagya halok andi, it mbogot vaga agarwik ako enendawi adenggen ombok erogo umbutu dogosogom o, yiluk, yukheraliga,” yugeragagi.

Lukas 15:7 Iomraidhean Croise

Matius 18:13

Eke, havekhidigya halok andi, ndomba eneyave 99 yelemele yegetek ako vaga endawi adenggen horogat imbita dugwit, ambiat yelemele yagas ako havekhedayogon vaga endawi adenggen wisane ombasiga o, yiluk, yukheraliga.

Matius 3:8

Hit weyak ogasagwi ako, henasam hegep halok, yo enggen sek menda yiliga andi hak, ndatak ogagu dogones.

Lukas 15:10

Andi ndatak ap weyak ogasiga menda ambiat en weyak ogagya lagagi ako asam higya dugwit, mbobagya halok, it Ala yonggo lakbisa wandiga menda malaikat akoen enendawi adenggen umbutu dogosogom, yiluk, yukheraliga o,” yugeragagi.

Lukas 15:29

owa akoen asin yugugu dugwit, ‘Haruk hulu. An yi tahun ndi tahun heyavup ogasiga. Eke, ogagya dugwit, “Yerogo ogarup, nderogo ogarup,” yuknisiga ako nanggon mondok yagaligadek ogarit adigat landiga ovara, kambin eyak ambiat an naswei ninim nenendawi adenggen dugwit, isarogo naguluk, wokneraligadek ovara,

Lukas 15:32

Eke, hat haot yi andi, hombagagi ndatak ovara, iluk aga o. Eke, bolagagi ovara, havethidigi atma, nenendawi adenggen dugwit, isogo yi sek isagyo,’ yugogogi,” yiluk, Yesus en it avakwa yugeragagi.

Lukas 15:6

henamwa wolok lagu lagipik, henaswei, henowa-henaot inim, wonggabisiluk, ‘Nandomba bolagagi ako belalhidigya lagirik havethidigirikmu, hit ninim adenggen ogarusogom,’ yiluk, yugerelagwi akora?

Lukas 15:8

Anderogo yugirigya lagagirik, ambi yugirigya dugwit, “Hwa ambi yoparip 10 vagago werekma, ambiat bolagya halok, indwa yevetbaluk, mupwak horogo lakbagek ogagya dugwit, mbup yegetek belanggu lagarik, havethedaliga akora?

Lukas 16:15

Aganda yagu lagagwama, At Yesus en it yugirigya dugwit, “Hiren avakwa sek henombarupwak yiluk, henanggangga hedelagwi ovara, Ala en andi, henendawi ombasagwi ako ilup agarik. Yi menda ndi menda iya ombasagwi andi, At Ala anggon ombasiga,” yiluk, yugeragagi.

Lukas 5:32

Anderogo ndatak, Anen it ap ‘An sek’ ombasagwi menda eneyanggup yugeragiluk wagatek. Ata, it weyak ogasagwi menda enasam helok, enomaduk mbo bapwak yiluk, eneyanggup yugera wagagis o,” yiluk, yugeragagi.

Oroma 7:9

Endak andi, Musa wene ako, an ninggut dugwit, nendawi ugun seyalek nagu lagagis ovara, ogarup moga wene ako sigam agya lagagimu, weyak ogarup okneraliga adem ako nendawima wenggelagya lagagirik,