Lukas 15:5 - ALA WENE HIVIS DIRUP WATUGWA

⁵ Eke, havethidugu lagipik, henomado vaga sambinbaluk henendawi adenggen en hai warit

Lukas 15:5 Iomraidhean Croise

Lukas 15:32

Eke, hat haot yi andi, hombagagi ndatak ovara, iluk aga o. Eke, bolagagi ovara, havethidigi atma, nenendawi adenggen dugwit, isogo yi sek isagyo,’ yugogogi,” yiluk, Yesus en it avakwa yugeragagi.

Lukas 15:4

“Hit ambi henandomba eneyave 100 werekma, ambiat bolagya halok, 99 adigat ludak angga nenggek nelagwima nenggek nagusigik, ambiat bolagagi ako hekbagetek enggek wambegek belalit nagu dugwit, havethedelagwi akora?

Lukas 15:6

henamwa wolok lagu lagipik, henaswei, henowa-henaot inim, wonggabisiluk, ‘Nandomba bolagagi ako belalhidigya lagirik havethidigirikmu, hit ninim adenggen ogarusogom,’ yiluk, yugerelagwi akora?

Lukas 19:9

Yugugu lagagimu, At Yesus en, “Hat ogo hombao Averakam Ala ovaga vanggabaluk avyarat imbitigi ako hak, hat yogak An novaga vanggabaluk avyarat nembeten andi vaga, hat haburi hinim yogak yi vaga Ala en henagap wendakhinipas.

Lukas 23:43

Yugugu lagagimu, At Yesus en at yugugu dugwit, “Yogak hambuluk, lendagwima o mondok segedokma akoma hat niperen dogosogom o, yiluk, avyarat yukhisiga o,” yugogogi.

Yohanes 15:11

“Wene yukheraliga yi, An nendawi adenggen ombasiga ako ndatak, hit henendawi adenggen umbutu dogop, eke henendawi adenggen ombogat hugu dogovovok yiluk, yukheraliga.

Evesus 2:10

At Ala enat sek ogarogo bininggigirikmu, nit At menda-at agurik. Nit ao endaklagatek ninigik sek ogarit lagu dogop Ala en o muk erogo imbitigi ako, Keretus Yesus ninim hunik dugwit ogarit lagu dogoguluk, ogarogo bininggigi.

Evesus 3:7

At Ala anye mondok iya erogo okbaninggya dugwit, At ayeloman akluk Sek Wene Keretus avok ako yugirigya dogogiluk, endawi hunik en andok okbaninggigi.

2 Timotius 2:26

Ala en anderogo okbugu halok, Sile ombasiga menda ogagu dogopwak yiluk, heda magogo bogogi hegek, enendawi werek akluk, heda mago ako visilogo wunggu dogosogom.

Iberani 12:2

Eke, endak nit avyarat umbutu dugwit Ala wene waguluk nenendawi vipuk erogo bininggu, eke, avyarat umbutu niniselok, nenendawi mondok hoda erogo bininggu, ogasiga andi, Yesus atma, At adigat ninil vurek dugwit amusek nagu dogosogom. Avakwa enanggadi erogo yo winik vaga inirisagwi ako, At Yesus en, “An anderogo nanggadi erogo narup nanggon,” imbitigibuk. Ata, “Hivis nadenggen ombok hayogon atma, yogak un sidok anderogo okbanup sek aro,” yiluk, endawi wadokdek dugwit, yo winik vaga hambigya lagagirik, iluk akluk, Ala wene yugeraligama akoma Ala inggis amotkan hora yi inggya lagagirik, agarik.

1 Peterus 1:5

Henangge vakhenombogo agarik hedalaguluk hit ako andi, At Ala ovaga vanggabaluk, avyarat umbutu hiniselok, atok vaga henagap wendarup imbitigi ako, hivis anderogo yedok okbigigagiluk, yogak At anye vaga nggetok erogo vakhenombogo agarik.