Lukas 15:2 - ALA WENE HIVIS DIRUP WATUGWA

² Adema wagu lagagwama, it Varisi menda inim, it Ala wene vagago agarwik menda inim, iren Yesus it ap weyak ogasagwi menda inim inigu lagagwarik, enanggon umbutu dugwit, “Ap yi, avakwa weyak ogasagwi menda woginipu lagarik, inim erom naliga hinil yokhanes!” yagagwa.

Lukas 15:2 Iomraidhean Croise

Matius 11:19

Eke, An Ap-At Endaklagagis yi erom inim, anggur agas inim, ugun nenggek nagu neyalok, avakwa en yugu dugwit, ‘Erom inim, is anggur agas inim, ovadek en nenggek nagu dugwit, it ap pemerintah enake yoparip wonggalisagwi menda inim, ap weyak ogasagwi menda inim, it inim hunik oginivit landiga yi, hinil hanes o,’ yiluk, yagalagwi. Anderogo yagalagwi ovara, Ala endawi werek en ombasiga ako andi, it ogasagwi ovok erogo ogagwi vaga, segat hugu dogosogom o,” yiluk, yugeragagi.

Matius 9:11

Inim erom nunggwi ako it ap Varisi menda en inigu lagagwarik, Yesus ane welagwi menda ako yugurugu dugwit, “Henowa ngguru yi, it ap pemerintah enake yoparip wonggalisagwi menda inim, it weyak ogasagwi menda inim, nggarogo yiluk inim dambulik dugwit, erom naliga?” yiluk, yugeragagwa.

Lukas 15:3

Yugu lagagwama, At Yesus wene wakhegek vaga it yugirigya dugwit,

Lukas 19:7

It avakwa en Yesus iperen lagwi inugu lagagwarik, enanggin-enanggon yugu dugwit, “Ap weyak ogasiga menda inimat amwa lendagwi yi bigisanes!”

Lukas 5:30

it ap Varisi menda inim, ap Varisi menda Ala wene vagago welagagwa menda inim, iren Yesus ane welagwi menda ako enanggin-enanggon yiluk, yugurugu dugwit, “A! It pemerintah enake yoparip wonggalisagwi menda inim, it weyak ogasagwi menda nin inim, hit nggarogo yiluk hinim dambulik dugwit erom is nelagwi?”

Lukas 7:34

Eke, An Ap-At Endaklagagis yi erom inim, anggur agas inim, ugun nenggek wagya neyalok, hiren yugu dugwit, ‘Erom inim, is anggur agas inim, ovadek en nenggek lagya dugwit, it ap pemerintah enake yoparip wonggalisagwi menda inim, ap weyak ogasagwi menda inim, it inim hunik oginivit landiga yi, hinil hanes o,’ yiluk, yagalagwi [atma, Anen, ‘Hit avyak ndatak agipik,’ yiluk, yukheraliga.

Lukas 7:39

Ap Varisi menda, “Yesus ninim erom naup,” yugogogi akoen hwa ako ogagya higya lagagirik, endawi imbita dugwit, “Hwa yi, weyak ogasiga menda atma, ap Yesus yi ako navi avyarat duklipmu en, ‘Hwa weyak ogasiga menda en vaknitya higi,’ yiluk, andi vage yedok helap,” imbitigi.

Lakbogogi Wene 11:3

“Hat nggarogo yiluk it enagamut mbalekdek menda enamwa nunggwigya lagindik, hinim dambulik dugwit erom nenggen?” yiluk, yugogogwa.

Nggalatia 2:12

At Peterus weyak ogagagi ako yerogo: Endak, at Yakobus en aori lakbisa wagagi ako, ao wagetek inigik, at Peterus akoen o Andiyokia wagya lagagirik, ap weram Yakuri dek menda inim erom ugunat nunggugwa. Inim nunggugwa ovara, it ap Yakobus en lakbisa wagagi ako, wagwi il inugu lagagirik, Peterus en, “It yi andi, enagamut mbalinivisagwi menda atma, nggarogo nombarumwi?” yiluk, alon en it weram Yakuri dek menda inim erom nenggetek higilogo ari winggigi.

1 Timotius 1:15

“Avakwa weyak ogasagwi menda ako enagap wendarigiluk, Keretus Yesus o yoma wambu wagagi,” yiluk, yagalagwi ako andi, avyarat wene atma, waup segat. Avakwa ovok erogo weyak ogasagwi ovara, an ako mondok eve weyak ogagya lagagis,