Lukas 15:10 - ALA WENE HIVIS DIRUP WATUGWA

¹⁰ Andi ndatak ap weyak ogasiga menda ambiat en weyak ogagya lagagi ako asam higya dugwit, mbobagya halok, it Ala yonggo lakbisa wandiga menda malaikat akoen enendawi adenggen umbutu dogosogom, yiluk, yukheraliga o,” yugeragagi.

Lukas 15:10 Iomraidhean Croise

Matius 10:32

“Hiren avakwa inivaga, ‘Yesus andi, Nenowa aro,’ yiluk, sigam erogo yugu hiniselok, An ogo Nasin mbogot vaga menda ivaga en, ‘It ap yi, An naori aro,’ yiluk, sigam erogo yisogon ovara,

Matius 18:10

Yugirigya lagagirik, ambi inim yugirigya dugwit, “It avyak maridugi inadigetap enomalaikat agarwik akoen An Nasin mbogot vaga menda adema mondok-mondok vagalogo yugisagwi atma, hiren avyak maridugi yi, meyan henanggon inimbutu hinisaoen, henendawi dibagu dogones. [

Matius 18:14

Anderogo wane-wane Henasin mbogot vaga menda endawi imbita dugwit it avyak mariduk yi andi, ambiat ogo yelemele yup mondok anggon ombasiga o,” yiluk, yugeragagi.

Lukas 12:8

Wene yugirigya lagagirik, ambi yugirigya dugwit, “Hiren avakwa inivaga, ‘Yesus andi Nenowa aro,’ yiluk, vaganggu hiniselok, An Ap-At Endaklagagis akoen it Ala yonggo lakbisa wandiga menda malaikat ako inivaga, ‘It avakwa yi, An naori aro,’ yiluk, vagalisogon.

Lukas 12:9

Eke, hit avakwa inivaga, ‘Yesus andi, ninunggut,’ yugu hiniselok andi, An ogo, it Ala yonggo lakbisa wandiga menda malaikat ako inivaga, ‘It avakwa yi An ninggurat,’ yiluk, iri neyagup, yiluk, yukheraliga.

Lukas 13:5

Mondok dek. It enomaduk ndatak aro. Anderogo ovara, hit weyak ogasagwi ako henasam helok, mbobagetek hiniselok, hit ogo, anderogoat dek okbugugu hagup, yiluk, yukheraliga,” yugeragagi.

Lukas 15:11

Yugirigya lagagirik, wene ambi iri dugwit, “Ap ambi aburi mberen welagagi.

Lukas 15:7

Andi wane-wane, ap eneyave 99 umbutu dugwit, ‘Nenendawi mondok sek adigat halok nenomaduk mbobaup dek,’ ombasagwi halok, it mbogot vaga agarwik enendawi adenggen horogat ombarusogom ovara, it ap weyak ogasagwi menda ambien weyak ogagya lagagi ako, asam helok, mbobagya halok andi, it mbogot vaga agarwik ako enendawi adenggen ombok erogo umbutu dogosogom o, yiluk, yukheraliga,” yugeragagi.

Lukas 15:9

Eke, havethedelok, aswei inim, at inim agarwik menda inim, homakbisiluk, ‘Nayoparip bolagagi ako havethidigirikmu, ninim adenggen ogarusogom,’ yiluk, yugeraliga akora?

Lukas 7:47

Andi vaga hwa yi, weyak wisane ogagya laga ovara, omaduk degerogo bagirikmu, mondok endawi hunik iya erogo oknetas. It avakwa weyak horogat ogagu lagagwa ako enomaduk degerogo bugu halok andi, enendawi hunik horogat ombasagwi.”

Lakbogogi Wene 11:18

Yugirigya ako enaruk hobaluk, it ogo enanedek mbup yagagwa. Mbup yugu lagagwarik, “Andi halok, Ala en it weram Yakuri dek menda ako ogo, it weyak ogasagwi menda enasam helok mbobaluk Yesus ambetaga laguselok, mondok iniluk dogop hologo bogogi higyo,” yiluk, Ala siyabagagwa.

Lakbogogi Wene 5:19

Mabogogwarikmu o hup akoma werekma, Ala yonggo lakbisa wandiga menda malaikat ambi wagya lagagirik, lembaga sogop hurogo wibisiluk yugirigya dugwit,

2 Korindus 7:10

It wen vaga menda en enangge idi menda ambi dek agya halok, enendawi wakhedegek lagu dugwit, atok vaga hambit lendagwi. Anderogo ovara, nit andi, Ala en, “It enendawi wakhedapwak,” yiluk okbininaliga ako andi, nit weyak ogasagwi ako nenasam helok, mbobagu niniselok, Ala en nenagap wendarogo niniluk dogosogom yiluk, okbininaliga. Anderogo atma nenendawi anderogo wakhedelagwi andi, segat yiluk, nit nenendawi uwa mbalusogombuk.

Vilemon 1:15

Eke, yogak at hadema wandiga ako andi, ap enayeloman onggo hunik menda ovagak hadema wandigadek. At Onesimus endak winggigi ako andi, un sidok hekbagaluk winggigi ai? Eke, yogak andi, hat haswe hiperen henendawi hunik adigat dogoguluk wandiga atma, mondok-mondok hinimat dogopwak yiluk woman. At niperen andi, nenendawi mondok hunik ovara, hat hayeloman onggo hunik menda atma, eke, at ogo, Keretus inim endawi hunik dugwit, hadema warisogon atma, naswe, hekbabuk.

Iberani 1:14

Eke, it malaikat andi nggarogo ogasagwi menda ombasagwi? Dek o. It ako avakwa enanggela ninil iniselagudek ako ovagak dugwit, Ala eyavup ogasagwi atma, Ala en avakwa enagap wendaginivup yiluk, enogo bogogi ako, yonggar-inivupwak yiluk, yonggo lakbisa wandiga menda it aro.