Lukas 14:23 - ALA WENE HIVIS DIRUP WATUGWA

²³ “Yugugu lagagimu, asin akoen ayeloman yugugu dugwit, ‘Andi halok, avakwa o weram sup nandogon-handogonma ugun agarwik ako an namwa hobo-hobo ogari nunggu warupwak yiluk, hane anye vaga eneyanggup erogo bisa wagya dogwen.

Lukas 14:23 Iomraidhean Croise

Matius 21:43

“Andi halok, Ala avema bigigaup hirat welagagup ovara, avema bigigayogonbuk. Ata, hit henavoloma, enggen sek menda yiliga hak, it avakwa ininis unggul adik hunogoma menda en, Ala endawi ombasiga menda des erogo ogagu dogosogom halok, At avema bisayogon.

Matius 5:41

Ap ambien ane anye vaga, ‘Sup horok satu kilometer andenam banilales,’ yiluk, yukhirigya halok, hiren sup o adumu dua kilometer-at balales.

Lukas 14:22

“Yugugu lagagimu, woginiviluk wagya lagagirik, asin yugugu dugwit, ‘Nasin. Yuknigin ako woginiviluk wagi ovara, hora yup nggolo wisane agarik.’”

Lukas 14:24

Isogo naguluk, endak enayonggo bagi ako ovok erogo an nagasogo isago na nunggu warup mondok dek,’ yugogogi,” yiluk, yugeragagi.

Lukas 24:29

sovabaluk, yugugu dugwit, “Mo il huruk iri dugwit o hup asogon atma, ninim dogosogom o,” yugugu lagagwama, inim dogogiluk, enamwa nonggagagi.

Lakbogogi Wene 16:15

hwa ako at amwa agarwik menda inim ima wombabogogup. Ima wombabugu lagagumu, at hwa akoen, “Hiren, ‘Hwa yi, Nenowa Yesus avyarat embetas o,’ nembetep halok, an namwa ninim dogoguluk omanes,” yiluk, hunik adigat yuknirigya lagagimu, “E o,” yiluk, amwa nonggagagup.

Lakbogogi Wene 18:6

Yugirigyama, it ako inim ogot hudugu dugwit, wiyiknom-weyaknom erogo bagu lagagwama, Paulus en, “Hit degerogo bigigaup andi, an novavut vaga dek o. Hit henovadombok okhedasogom vaga degerogo bigigayogon. Eke, an yogak en it ap weram Yakuri dek menda yugeregek nagu dogosogon,” yiluk, it dibapwak yiluk, yum mupwak davulagagi ako yumbulogo enovaga lakbalagagi.

Lakbogogi Wene 28:28

“Anderogoma, Ala en nenagap wendarup wene yi ako andi, it weram Yakuri dek menda hulupwak yiluk yugeregek lasogom atma, it andi, hulusogom hinilup arovovok yiluk yukheraliga,” yiluk, yugeragagi. [

Lakbogogi Wene 9:15

Yugogogi ovara, Nenasin en at Ananias yugugu dugwit, “Elak! Ap andi it weram Yakuri dek menda inim, it enasini ap ombok ininis werek menda inim, it Iserali ovok erogo inim, An ninis inilup erogo yugirigya dogopwak yiluk, nayeloman denogo bagirikmu, yugirilak.

Oroma 10:18

Anderogo ovara, it Iserali menda ovok erogo Sek Wene ao hunggitek-at welagagwa halok, yukheraliga ombasagwi? Dek. “It enane ako o wen vaga yoma ovogat wigaliluk lagya, wene yugerelagwi ako, o venak-venak atokma ari lagya, ogagagi o,” yiluk, dirup warek andi vaga it ovok hunggugwarikmu yukheraliga o.

2 Korindus 5:11

Nit Nenowa Inis Ombok nenalon ombarup ako ninilup atma, yi avakwa ndi avakwa Nenowa Yesus avyarat ombarupwak yiluk, yugerelagwi. Nit nenendawi nenovavut nggarogo dugwit, yugerelagwi ako andi, Ala ilup. Eke hit ogo, henendawi en “It Paulus melen enendawi anderogo aro,” nenombasagwi, ombasiga.

2 Korindus 5:20

Anderogo halok, nit Keretus avoloma ane wolok yugeregek nelagwi. At Ala en ane anye erogo yukheraup hak nirat nenane anye erogo yukherelagwi. At Yesus inis vagalogo “Ala hinim ogorek dogobuk. Hinim dambules,” yiluk, nirenen yukherelagwi.

2 Korindus 6:1

At Ala en yugugu hegek Yesaya en dirup watigi ako iri dugwit: “Anen hit henane naruk hulup imbitigis vaga, naruk hunggu, Hat hagap wendarup hudi vaga yonggat-heyagya, ogagagis o,” yiluk, yagagi. Anderogo yagagi atma, hit ninim Ala eyavup ndatak ogarit lagu ninigik, At nenabwa en sek okbininaliga ako, “Un enam warogo okbisaliga higi,” hinimbita haoen, nenendawi, “Ai,” umbutu dugwit, wene yi yukherelagwi. Hit henane aruk hulup imbitigi ako andi, yogak aro, eke, henagap wendarup imbitigi ogo, yogak atma, yukheraliga.

Kolose 1:23

Keretus andi ogagagi ako vaga, Ala hinim dambulogo bigigirikmu, Sek Wene Keretus avok hit hunggu lagagupik, avyarat umbutu dugwit, “Ala en anderogo okbininayogon higi,” yiluk, henape wenggelek agipik ako, hekbabuk. Ata, o owak ngguvulik hak Keretus vaga henendawi vanggabaluk, wene avyarat umbutugup ako, henendawi wadokdek dugwit, musek lagu dogones. Eke, Sek Wene yi awi ndi awi ovok erogo wigalit landiga ako andi, an Paulus ninimat yugirigya dogogiluk, Ala ayeloman ogarogo baninggigi.

Kolose 1:28

Anderogo atma, naswei. Hit nenaburi ovok erogo Keretus hinim hunik dugwit, henendawi ovok hoda agep halok, “Ala adema wokhenombolok bigiga laup,” umbutu dugwit, Keretus ogagya lagagi wene yukhirugu dugwit, henaruk watwis, nenendawi mondok werek dugwit, yukhirugwi, ogarit lendagwi.

2 Timotius 4:2

Ala wene yugeregek lagya dogwen. O sek hegek, o weyak hegek, ugun yugirigya dogonyok yiluk, vipuk erek dogwen. “E o,” yupwak yiluk yugirigya, weyak ogaguselok enanggadi watya, enendawi aik wakbugu, ogagya dugwit, hendawi mondok hora yiluk mamulirigya dogwen.