Lukas 13:3 - ALA WENE HIVIS DIRUP WATUGWA

³ “Mondok dek. It enomaduk andi it nin ndatak welagao. Anderogo ovara, hit weyak ogasagwi ako henasam helok, mbobagetek hiniselok, hit ogo, anderogo dek okbugugu hagup, yiluk, yukheraliga.

Lukas 13:3 Iomraidhean Croise

Matius 12:45

andien, wunggu lagarik, at madis ako weyak ovara, madis mondok weyak menda eneyave 7 wonggabisiluk, woginiviluk eyami vaga nunggu waga. Nunggu wagya lagarik, akoma inim dugwit, ap ako endak madis ambiat endawima werekma ambukum weyak welagagi ovara, hivis madis wisane erogo hobo-hobo ari nunggugu dugwit, ap ako evelela weyagat dogosogon. Anderogo ndatak, hit ap yogak agipik weyak adigat ogarit nelagwi yi, anderogoat okhinipu hagup,” yiluk, yugeragagi.

Matius 22:7

Initao yugwi ako, at ap inis ombok ako aruk hunggu lagagirik, aninis wisane en aori enayegen werek lakbugu lagagimu, ayelomani initugwa ako enarogo bugwis, enawi hali bagwi, ogarit lagagwa.”

Matius 3:2

“At mbogot vaga menda avema bigigaup ako vage horok ari wagarikmu hit weyak ogasagwi ako, henasam helok, hekbas,” yiluk, yugirigya lagagi.

Lukas 13:2

Yuguri wagu lagagwama, At Yesus en, “It ap Galilea menda nin enomaduk horogat halok, hekbugu, eke, it enetas andi, enomaduk wisane ogagu lagagwarikmu, anderogo enatya, ogaga embetep?”

Lukas 13:4

O Siloam o adup valek ndun iri dugwit, it ap 18 hudi sopalinipigi ako andi, it avakwa ugun Yerusalem agarwikmu andi, weyak ogagetek enomaduk horogat inigik, eke, it sopalinipigi andi, enomaduk wisane erogo ogagagwarikmu, sopalinipigi embetep?

Lukas 13:5

Mondok dek. It enomaduk ndatak aro. Anderogo ovara, hit weyak ogasagwi ako henasam helok, mbobagetek hiniselok, hit ogo, anderogoat dek okbugugu hagup, yiluk, yukheraliga,” yugeragagi.

Lukas 24:47

Hit weyak ogasagwi ako henasam helok, henomaduk mbobagu hiniselok, Ala en henomaduk degerogo bigigayogon o,’ yiluk, wene ako At inis vaga, eve endak o Yerusalem en yi awi ndi awi ovok erogo yugeregek wunggu dogosogom o, yiluk, Ala wene dirup watugwa ako yiat okbenanggao.

Lakbogogi Wene 3:19

Des iri lagagimu, Henasin Ala en hit henomaduk degerogo bugugu halok, henendawi adenggen ugun dogovovok yiluk, henasam helok henomaduk mbobagu dogomundik Yesus ambetaga lagu dogwes. Anderogo ogagu hiniselok, henake denogo bagagi Keretus ako andi, Yesus atma, lakba wasogon.”