Lukas 13:19 - ALA WENE HIVIS DIRUP WATUGWA

¹⁹ Dek. Ala avema bisaup ako andi, ap ambien yo vudok enggen wogogo eyavumu yagagi ako wane-wane. Vudok enggen yatya lagagimu, avuduk inggya dugwit, yo ako ombok agagi. Ombok agya lagagarik, abwak vaga yirwa-ndirwa enawi valheda nunggugu lagagwa o,” yugeragagi.

Lukas 13:19 Iomraidhean Croise

Matius 17:20

Yugugu lagagwama, “Henendawi des erogo avyarat nembetetek ako vaga ogarup meyanat welagep. Hit henendawi novaga vanggabaluk avyarat nombasagwi ako, yo vudok enggen maduk ovagak duklipmu en, ndom yi yugugu dugwit, ‘Yoma en higilogo o andoma elak,’ yiluk, yugugu hinigik, higilogo o andoma lagya helap. Henendawi mondok avyarat numbutu hiniselok, hit ogarup ombasagwi ako ambi ogarup meyan andi dek, ovok erogo ogagu dogogup o.” [

Markus 4:30

Yugirigya lagagirik, ambi yugirigya dugwit, “At Ala avema bisaup ako andi, nano ndatak wakhaup embetep? At Ala avema bisaup ako ndatak wene wakhegek ngga yukheraik?” yugirigya lagagirik,

Lukas 17:6

Yugugu lagagwama, At Nenowa Yesus en it yugirigya dugwit, “Hit henendawi novaga vanggabaluk, avyarat nombasagwi ako yo vudok enggen maduk ovagak duklipmu en yo wane ombok yi, ‘Hadem hen hedelok is endawima yaklarilak,’ yugugu hiniselok, yaklari lagya helap,” yiluk, yugeragagi.

Lakbogogi Wene 2:41

Yugirigya lagagimu, it avakwa en at ane wogogwa ako ima wombabogogwa. O andi vaga inim hondalari nonggagagwa ako, eneyave dambulik ap wisane 3.000 hudi agagwa.

Lakbogogi Wene 21:20

Mbilinogo yugeragagi ako enaruk hunggu lagagwarik, Ala siyabagagwa. Siyabagu lagagwarik, it Ala aburi enasini ako Paulus yugugu dugwit, “Nenaswe, Paulus wai. It Yakuri menda yi ap ndi ap wisane Yesus avyarat umbutugwa ovara, it ovok Ala wene Musa dirup watigi ako enendawi andi adigat wenggelek dugwit, ogarit lagwi yi, inisaliga?

Lakbogogi Wene 4:4

Mabogogwa ovara, it wene ako yugurugusigik hunggugwa ako eneyave wisane Yesus Ala abut denek avyarat umbutugwa. It ap adigat avyarat umbutugwa andi eneyave ovok dambulik 5.000 hudi agagwa.

Oroma 15:19

Ala Averiniki en nanye okbaninggya hegek, inilup arup enalon werek menda ogagya, nggarogo ogarubuk menda ogagya, ogarit lagya lagagis ako, andi adigat mbilinogo yukheraliga. Anderogo ogarit lagya dugwit, Yerusalem avilis ambot andoma en Ilirikum hudi Sek Wene Keretus avok ako ovok erogo yugeregek lagya lagagis.

Wahyu 11:15

Yuknugu halok, nil werekma, malaikat 6 akoen ane ombok ogasiga trompet ako ane ogagu lagaoma, ambi akoen trompet ako ane ogaga. Ogagya lagama, it mbogot vaga andoma en enane ombok yugu dugwit, “O wema andoma avakwa ovok erogo pemerintah enavema agarwik ako, At Nenasin Inis Ombok Ala inim, Arenen denogo mondok okbagagi Keretus inim, iperen enane hunggu dogoguluk, enavema ari wagao. Ari waguselok, Keretus akoen Enowa Inis Ombok dugwit, mondok-mondok wene yugirigya dogosogon o,” yiluk, yugu sigis.