Lukas 13:14 - ALA WENE HIVIS DIRUP WATUGWA

¹⁴ Andi ogagya lagagimu, ap Yakuri samban ogasagwima enasin ako it samban ogasagwi vaga Yesus en hwa ako sek okbagya higya lagagirik, aninis en avakwa yugirigya dugwit, “Yavup ogarup yiluk ndugwis 6 hudi denek werekma, ndugwis 6 hudi denek andi vaga edup sek okbigigapwak yiluk, wagu dogop andi sek. Eke, nit samban ogasagwi yi vaga edup sek okbigigapwak yiluk wagu dogobuk.”

Lukas 13:14 Iomraidhean Croise

Matius 12:2

Nenggek lagwi ako it ap Varisi menda en inil inigu lagagwarik, Yesus yugugu dugwit, “Samban ogasagwi vaga yi ogagek ndi ogagek ogarup moga wene hobalek hegek, it Hat hane welagwi menda en ugun ogasagwi yi hil yogisin!”

Markus 5:22

Homagu lagagwarik werekma, it ap Yakuri samban ogasagwima vagenombogo agarik menda ambi inis Yairus wagya lagagirik, Yesus avema seve yiluk,

Lukas 6:11

Inggis mondok sek agagi ovara, it andi, enendawi enaninis wisane agya dugwit, “Yesus nggarogo okbauk?” yiluk, wene mbanggugwa.

Lukas 6:7

Yesus wene mamulirigya hegek, it ap Ala wene vagago welagagwa menda inim, it ap Varisi menda inim, iren, enane wonggalogo At ovaga baguluk, “Yesus samban ogasagwi vaga yavup ogarup moga hegek ap sek ogagya hamwi a?” yiluk, inil vurek ogagagwa.

Lukas 8:41

Wugu lagagwama, ap ambi it Yakuri samban ogasagwima enasin inis Yairus, Yesus adema wagya lagagirik, avema seve yiluk, “An namwa niperen lasogom en, oma o,” yiluk, ane avuput vaga Yesus yugogogi.

Lakbogogi Wene 13:15

Hora yiluk werekma, it samban ogasagwima vagago agarwik menda akoen Ala wene Musa en dirup watigi wene inim, navi-navi wene dirup warek inim, bikhegek yugurugu lagagwarik, “Nit nenendawi aik wakbininaup wene ambi werek halok yuknerapwak yiluk, nenaswei andi, hemerisenes o,” yiluk, yagagwa.

Lakbogogi Wene 18:17

Yugirigya lagagimu, wibugu lagagwama, it ovok en it Yakuri samban ogasagwima enasin at Sotenes ako, vagago, wene amburup mbalisagwima andenam en watusigik, at Nggalio en, “It inovadombok,” iri lagagirik, asuk-at, mbup yagagi.

Lakbogogi Wene 18:8

It Yakuri samban ogasagwima enasin Kiripus ako inim, at abut ogwa at amwa agarwik menda ovok erogo inim, enendawi Nenowa Yesus ovaga vanggabaluk avyarat umbutugwa. Eke, it Korindus menda wisane at Paulus en yugeragagi ako hobaluk, avyarat umbutu lagagwama, ima wombabogogwa.

Oroma 10:2

Irenen Ala wene enendawi adenggen wisane erogo musek lagu dugwit, ogasagwi ovara, wene eyave dibaluk ogagetek halok, yukheraliga.