Lukas 12:5 - ALA WENE HIVIS DIRUP WATUGWA

⁵ Hit henalon ombasagwi ako, An hurimbis yukherayogon. At heneyave mondok henakbaluk, hali abya wuluk-herek yagaligama lakbigigaup andok ako, henalon umbutu dogones. At mondok henalon umbutu dogones o, yiluk, yukheraliga.

Lukas 12:5 Iomraidhean Croise

Matius 10:28

It avakwa en heneyave andi hinitu dugwit, henendawi inim hinirusogombuk atma, heneyave adigat hinisagwi ako andi henalon enombarubuk. Ata, heneyave inim henendawi inim, hali abya wuluk-herek yagaligama degerogo lakbigigaup andok Ala akoat, henalon umbutu dogones.

Matius 25:41

“Yugirigya dogogurik, andi okbaluk, it ninggis hwarenggan bisayogon ako yugirigya dugwit, ‘Hit Ala en vudilogo bigigas yi, An erom uvup werekma, erom woknigitek, is uvup werekma, is woknigitek, ap huru werekma, woknetetek, nasum yirik dek werekma, nasum yikbanenggetek, aup warek, heda mago werekma, bikneya lagatek, anderogo okbanunggu lagagupuk atma, yoma en wunggu dogomundik, at Sile aori ovok erogo inim, hali abya wuluk-herek adigat yagaligama andoma An Nasin en it dogopim ogarogo bogogirikmu akoma-at elales,’ yiluk, yugeragwis.”

Matius 25:46

yugirigya dogogurik, it ap ako, weyak ogasagwi onggo mondok-mondok yagan watu dogopwak yiluk, lakbisagwis ovara, it enendawi sek adigat menda ako halok andi, iniluk mondok-mondok dogopwak yiluk, okbisagwis o, yiluk, yugeragwis,” yugeragagi.

Matius 5:22

yogak Anen yukhirigya dugwit, ‘Hit sanien henaninis henaswemuni enovaga bugu hiniselok andi, henowak dilogo weyak onggo henovaga bigiga hagup, yiluk, yukheraliga o. Hit ambien henaswe ambi yugugu dugwit, “Hat mondok meyan heyagi,” yiluk, adem dek hegek yugugu hiniselok andi, weyagat yusogom atma, henowak dilupwak yiluk, it ap wene amburup mbalisagwi menda enadema wokhenombolok lasogom. Eke sanien “Hat mondok nggabelekdek yundup erek,” yugugu hiniselok andi, hali abya wuluk-herek yagaligama akoma mabigigaup-at, ari landiga.”

Markus 13:23

Andi halok, henendawi suam watu dogwes. Ogarup ako ao ogagetek hegek, wene endak ovok erogo sigamat yukhirigi o,” yiluk, yugeragagi.

1 Tesalonika 4:6

Nit weyak ogagu dogopwak yiluk, At Ala en mikninipigibuk. Ata, weyak ogagetek At ake adik denek dogoguluk, mikninipigirikmu, nit endak nenane anye vaga yukhirugu lagagup ako ndatak, it avakwa weyak anderogo ogaguselok, Ala en onggo adik hologo okbininiliga atma, henaswei weyak okbugu dugwit, wanggis waup moga.

Iberani 10:31

At iluk agarik Ala akoen it weyak ogasagwi onggo enape wenggelekdekma enovaga horakbayogon ako andi, mondok alonedok erek enamup-enamup okbugu hasogom.

2 Peterus 2:4

It malaikat ako menda en weyak ogagu lagagwama, Ala enabwa en hekbogogi embetep? Dek o. “Hivis enowak dilogo bisayogon o,” yiluk, hali abyama nggilin elola akeragamu dogopwak yiluk, mbusi heda magogo o hwiserekma wombabogogirikmu agarwik akora?

Wahyu 14:7

Lagya dugwit, “Mbogot inim, wen inim, is ombok yanggadek laut inim, iliris wulu wandigama inim, At Ala en adigat ogagagi atma, At avema seve yiluk, At inis siyabagu dogones. Yogak Ala en henowak dilhinivup vage horok vanggo yagarikmu, henalon en At Ala agayuk wutu dugwit, At avema seve yiluk, inis siyabagu dogones,” yiluk, ane ombok vaga yagan lagya higi.

Wahyu 15:4

Nenasin o, Hat hadigat sek adik denek atma, avakwa ovok erogo Hat hagayuk wutwis, Hat hinis siyabagagwi, ogarusogom o. Hat mondok atma nggedok adigat ogasiga ako, sigam asiga atma, yi avakwa ndi avakwa ovok erogo havema seve yi wakluk, hinis siyabagagu dogosogom o,” yiluk, ndawi watu sigis.

Wahyu 20:14

Andi ogagya lagarik, it nin iniluk okbisaup mbuku ako vaga ininis warek dek halok, hali abyama akoma mabugu dugwit, hambisagwi adem inim, Hambuluk Lendagwima inim, ovok erogo vagarogo hali abya wuluk-herek adigat yagaligama akoma mabugu sigis. “Ndugwis mberen hambup,” yiluk, dirup warek ako andi, ambi, un iniluk dukluk, hambisagwi, eke, ambi, hivis hali abyama mondok-mondok mabisayogon ako, andi aro.