Lukas 12:45 - ALA WENE HIVIS DIRUP WATUGWA

⁴⁵ Eke, ayeloman akoen endawima imbita dugwit, ‘An nasin arabu dukluk wasogon ai,’ yiluk, at asin ayelomani nin ap inim akwa inim yo yawi enatya, yi menda ndi menda ugun nenggek adigat lagya, amburup nenek oginivisiga menda ninggya dugwit, nenek ogarit lagya, ogarit lagya halok andi, nggayok larup ombasagwi?

Lukas 12:45 Iomraidhean Croise

Matius 22:6

Eke, it ninen, at ayelomani yonggo lakbogogi ako, eneyave vakbisiluk, enanggadi warinipu dugwit, initugwa.

Lukas 12:44

Asin en ayeloman ako anderogo ogagyama adema wagya halok, angge-angge ovok erogo vagago dogopwak yiluk, andok okbayogon, yiluk, avyarat yukheraliga.

Lukas 12:46

Ayeloman akoen, ‘Nasin ndugwis andi vaga wasogon,’ eke, ‘Mo il andi vaga wasogon,’ embetetek endawi ugun obak werekma at asin ako wagya dogomindik, ayeloman ako eyave libik-ndendok erogo it ap avyarat ombasagwidek menda bisaligama akoma-at lakbayogon.”

Lukas 21:34

Yesus en wene ambi yugirigya dugwit, “Bagas sakno bagoma mbikit sopalandiga hak, ‘Ndugwis andi vaga anderogo okhinivisogon,’ yiluk, wene yukhirigi ako, hit avakwa o wen vaga yoma ovok erogo ndugwis ambi vaga mbikit supuk erogo okbigiga wasogon atma, henendawi suam wakhidugu dogones. Yi menda ndi menda henagaum dek heda nenggek nagwis, amburup nenek oginivisiga menda nenggek nagwis, ‘Nangge nggarogo okhedaik o,’ yiluk, henendawi anggin wisane wenggelit nagwis, ogagu dugwit, henendawi ugun obak hinisaoen, henendawi suam wakhidugu dogones.

Yohanes 2:10

“Avyak! It ninen anggur agas ai weyak menda endak man erogo wogirugu lagarwik, wisane erogo nungguselok, andi okbaluk, hivis amburup aidek weyak menda wogerelagwi. Anderogo ovara, hat andi, anggur agas ai weyak menda hivis wokneraup yiluk, vagago welagen heyagi o,” yiluk, yugogogi.

Lakbogogi Wene 2:18

O hivis andi vaga, it An nayelomani akwa inim, ap inim, it ogo ovok erogo An Naveriniki enovaga wombabisa warisogon atma, An nane yugeregek nagu dogosogom.

Oroma 16:18

It ap anderogo ogarit nelagwi menda ako andi, Nenowa Inis Ombok Keretus eyavup ogarit nelagwidek. Ata, enagaum ake adigat belalit nagu dugwit, “Yerogo ogarusogom o, nderogo ogarusogom o,” yiluk, enane hulugat agil-amok vaga it ap enendawi ugun weyak ogarup embetetek menda ako enendawi nomalivisagwi atma, hinim dambulubuk.

2 Korindus 11:20

It avakwa en enayeloman okhinupwis, henangge mondok degerogo nenggek lagwi, enavema sovalogo bigugwis, siyabatigya dugwit, weyak okbigugwis, henelose vaga hinitwis, ogagusigik, “Sek aro,” yiluk, mbuverek hinigis.

1 Tesalonika 5:7

It avakwa nogo yilagwi menda ako andi, o hup-at nogo yilagwi. Eke, it amburup nenek okninivupwak yiluk, nelagwi menda ako andi, o hup-at nelagwi ovara,

2 Peterus 2:13

Iren avakwa nin weyak oginivisagwi andi vaga, Ala en onggo weyak oginivisogon. It enendawi ninggya ako musek nagu dugwit, enalon en mbauk erogo ogarup ombasagwidek dingga sigamat ogarit nagu dogop enendawi hunik okhedelagwi. It hinim dambulik erom nunggu dugwit, enendawi ninggya ako musek lagu dugwit, hit weyak okhinivup enendawi hunik atma, it ap andi enawin omap mudis enagap vaga agarik ako hak, it anderogoat agarwik o.

2 Peterus 2:19

Avakwa ovok erogo andi, yi menda ndi menda anye werek menda avema sovabuguselok, anye werek menda andi ayeloman heda mago ovagak agarwik. Anderogo wane-wane, it ap andi, it weyak ogarup oginivisagwi menda andi ayeloman heda mago ovagak dugwit, “Hit ninim ugun-ugun ogagu dogop sek hegek, nano yiluk mumoga adigat yagalagwi yi,” yiluk, yugeralagwi.

Wahyu 16:6

It Hat Ala haburi hake denek inim, navi-navi inim, enamuya wilogo initugwa ako, onggo avakwa enamuya yi, is ovagak nunggu dogopwak yiluk, okbigin atma, segat ogagen o,” yiluk, iri higi.

Wahyu 18:24

It Ala aburi adik denek inim, navi-navi inim, initugwa ako, eke, yi avakwa ndi avakwa wen vaga agarwik initugwa ovok erogo enamuya winggigi onggo it o kota andi vaga agarwik ako, ovok erogo dek okbisayogon.