Lukas 12:42 - ALA WENE HIVIS DIRUP WATUGWA

⁴² Yugugu lagagimu, At Nenowa Yesus en, “Andi halok, Ap ombok ayeloman ambi endawi werek yavup dikduk ogagya halok andi, at asin ap ombok akoen at ayelomani nin andi yugirigya dogopwak yiluk, mondok okbagagi. Mondok okbaluk, winggigi. Wunggu hegek, ayeloman akoen, it nin ako enagarom wogeraup agya halok, enagarom des erogo wogeragagi.

Lukas 12:42 Iomraidhean Croise

Matius 13:52

Yugugu lagagwama, At Yesus en, “Andi halok, it Ala wene vagago agarwik menda ovok erogo At mbogot vaga avema bisaup wene ako welagwi halok andi, ap o andok ambien angge-angge endawi hunik swi menda inim, endak menda inim, baligama en wogera wilisiga ako wane-wane aro,” yiluk, yugeragagi.

Matius 20:8

“Yugirigya lagagirik, andien, o hup agya lagagimu, at eyavup werek akoen at ayeloman yavup kepala ako yugugu dugwit, ‘It ap yavup ogasagwi ako yanggup yugirigya dogomindik, waguselok, it hivis nunggu wagao ako onggo enendak wogirigya, eke, enendak nunggu wagao ako onggo hivis wogirigya, ogaru.’

Lukas 12:43

Hivis it enasin ako wagya dugwit, at ayeloman ambi ako anderogo dikduk ogagya halok, asin ako endawi adenggen ombarisogon.

Lukas 7:13

Nenowa Yesus en hwa ako higya lagagirik, abwa wisane imbita dugwit, “Yup yarubuk,” yugogogi.

Lukas 7:19

wagu lagagwama, it yugirigya dugwit, “At warup ako Arat waga a, ata adik ambi wasogon yiluk sok hugu dogomwi a? Yesus ako hemethelales,” yiluk, At Nenasin adema lakbogogi.

Lakbogogi Wene 20:28

“At Nenowa Yesus amuya vaga Ala aburi homago enonggo bagagi ako andi, At andomba ovagak atma, malenombogo dogovovok yiluk, Averiniki en mikhinipigirikmu, hit henendawi suam wakhidugu dugwit, it inim des erogo yugurugu dogones.

1 Timotius 5:17

Ala aburi enasini enavok ambi yisogon. It ap Ala aburi enasini enagayuk werek ovara, sek erogo vagenombogo iniselok, ambi inim onggo enagayuk wurup andi sek aro. It Ala wene ombok vaga yugurugwi, wene mamulirugwi, mondok hunik adigat ogaguselok andi, evenuk ambi inim onggo enagayuk wutu dogopwak.

2 Timotius 4:2

Ala wene yugeregek lagya dogwen. O sek hegek, o weyak hegek, ugun yugirigya dogonyok yiluk, vipuk erek dogwen. “E o,” yupwak yiluk yugirigya, weyak ogaguselok enanggadi watya, enendawi aik wakbugu, ogagya dugwit, hendawi mondok hora yiluk mamulirigya dogwen.

Titus 1:7

It ap Ala aburi vagenombogo dogop ako andi, Ala eyavup ogasagwi atma, weyak ogaguselok avakwa enane enovaga bisaguven, sek adigat ogarit lagu dogopwak o. It ombasagwi adigat ogarup umbutwi, enaninis mbikit agwi, amburup nenek oginivisiga menda enagaum erogo nunggwi, war-wat yugwi, avakwa enayoparip hedaguluk, yewes okbugwis, ogasagwi halok, ap andi menda mondok okbisabuk.

Iberani 13:17

It henasini ako, hivis Ala en yugirigya dugwit, “Avakwa enendawi nggarogo malenombogo welagep,” yiluk, yugerayogon atma, it inilup dugwit, henendawi des erogo malhenombogo agarwik atma, enavema dugwit, enane yukherelagwi ako, des erogo hunggu dogones. It enane hunggitek hiniselok, it enendawi anggin dugwit, un enam warogo malhenombogo dogosogom atma, enendawi adenggen vaga malhenombogo dogopwak yiluk, enane des erogo hunggu dugwit, sek okbugu dogones.

Iberani 13:7

It henasini o endak Ala wene yukhirugu lagagwa ako, henape wenggenggu dugwit, it avyarat umbutu dugwit sek ogarit lagu dugwit, hambit nagu lagagwa ako, dibaluk, hit anderogo wane-wane avyarat umbutu dugwit ogarit nagu dogones.

Iberani 3:5

At Musa en, “An Ala ayeloman atma,” yiluk, ake ogarit lagya dugwit, hivis ogarup wene avakwa inilup arupwak yiluk, Ala awi valekma des erogo At ake ogagya lagagi ovara,

1 Peterus 4:10

At Ala en ogagu dogop nenadigetap andok okbininggigi ako, “Ala endawi hunik en andok okbaninggigi atma, nendawi hora yiluk avakwa enake ogarit lagya dogosogon o,” yiluk, hikirat ambien at ambi sek okbagek ogagu dogones.