Lukas 12:4 - ALA WENE HIVIS DIRUP WATUGWA

⁴ Yugirigya lagagirik, ambi yugirigya dugwit, “Ai naswei. An wene ambi yukherayogon. Avakwa en heneyave adigat henasagwi ako andi, henalon ombarubuk. Henakbaluk, nggarogo okbigigaup ombasagwi? Dek.

Lukas 12:4 Iomraidhean Croise

Matius 10:28

It avakwa en heneyave andi hinitu dugwit, henendawi inim hinirusogombuk atma, heneyave adigat hinisagwi ako andi henalon enombarubuk. Ata, heneyave inim henendawi inim, hali abya wuluk-herek yagaligama degerogo lakbigigaup andok Ala akoat, henalon umbutu dogones.

Yohanes 15:13

Avakwa en enaswei enendawi hunik oginivisagwi andi, un horogat ovara, ap ambien aswei enagap wendarogo enake hambigya halok andi, aswei mondok endawi hunik eve ombok erogo imbita dugwit, ogasiga atma, aswei endawi hunik ogasiga andi mondok iya yiluk ombarup.

Lakbogogi Wene 20:24

Anderogo ovara, An neyave niluk dogop iya dek. Ata, Ala nenabwa en un onggodek okbininaliga menda Sek Wene yugirigya dogogiluk, Nowa Inis Ombok Yesus en yavup andok okbaninggigi ako, hekbagetek atok weralogo ogarup andi adigat iya ombasiga atma, ogarit landiga.”

Lakbogogi Wene 4:13

Yugirigya lagagimu, it homagagwa en Peterus Yohanes ako, sekolah ogagetek it ap ugun menda welagagwa ovara, enalon dek dugwit, yugurugwi ako yedok inigu lagagwarik, “Yesus inim nagu lagagwa yiat inigup o,” yiluk, vok yugeragagwa.

Pilipi 1:28

It hinim ndup agarwik ako eneyave henalon habuk. Henalon embetetek nelagwi andi vaga, it hinim ndup agarwik akoen, “Iya! It avyarat yagalagwi atma, nit andi, degerogo bininaup higyo,” yiluk, yugwi, eke, hit andi, avyarat At Ala enat henagap wendakhinivisogon hinilup agwi, ogarusogom o.

Yakobus 2:23

Anderogo ogagagi vaga, Ala wene dirup warek yi: “Ap Averakam en At Ala ovaga vanggabaluk avyarat imbitigi andi vaga, Ala en ‘Ap yi, endawi sagain mondok segat higi o,’” yiluk, Ala wene dirup warek ako atma des iri lagagimu, At Ala en, “Ap Averakam ako andi, An naswe aro,” yiluk, yagagi.

1 Peterus 3:14

Anderogo ogasagwidek ovara, hit sek ogarit nagu hinigik idup-mbidup anderogo okbigiguselok, Ala en adenggen henovaga bigigayogon. Henalon hapwak yiluk okhinipusim, henalon en henendawi anggin dogobuk.

Wahyu 2:10

At Sile en hit henavut mbaligiluk, avakwa enendawi nomalhinipu lagagimu, hit nin heda marogo mabiselagwima mabugugwis, eke nogo 10 vaga anggin-mbanggin okbigigasogom ovara, henalon habuk. Anggin-mbanggin anderogo okbugugusigik, hiren ‘Hambilaup sek aro,’ yiluk, An nane mondok vagago dogosogom halok, mondok-mondok hiniluk dogop menda nggudit-nggudit mendarek hak onggo yikbigigayogon o.