Lukas 12:39 - ALA WENE HIVIS DIRUP WATUGWA

³⁹ “Hit dibas! At ap awi werek en, ap onggop waliga menda ako mo il andi vaga wasogon, ilup aklip en, ‘Sup lakbaluk, nangge onggop wa nunggu wagu saoen,’ yiluk, nogo yigitek mondok-mondok suam watya duklip.

Lukas 12:39 Iomraidhean Croise

Matius 24:42

“Anderogo atma, Henasin An ako, o ngga vaga warup hinunggut atma, henendawi suam watu dogones.

Matius 6:19

Wene ambi inim yugirigya dugwit, “Wen vaga yoma henangge hudu-hudup libilit nunggwigya, isip bagya, it ap enonggop welagwi menda en sup masalogo baluk, henangge wa nunggugwi, ogasagwima yoma henangge wonggalogo batugu dogobuk.

2 Peterus 3:10

At Nenowa warup ako andi, “Ndugwis andi vaga warisogon,” embetetek inigik, ap onggop waliga ako hak enape wenggelekdekma warisogon. Eke, wagya halok, mbogot ane sukup iri dugwit dek agya, saut-dadiwap mbogot vaga agarik menda ovok hali ninggya, wen yi inim, wen vaga agarwik inim, ovok erogo dek agya, ogagya hagup.

Wahyu 16:15

Andi higya lagirik, Nenasin en yuknugu dugwit, “Dibas! An ap onggop waliga ovagak mbikit supuk erogo warisogon atma, avakwa ombokma en henagap mbedan nagu hiniselok, henanggadi agu hinisaoen, henova hwalogo dogones. Henasum mondok nggetalogo yikbetaluk, An nabyam werekma, An wagya neyalok, henendawi adenggen okhinipu hagup o,” yiluk, yuknugu higi.

Wahyu 3:3

It endak Sek Wene An navok ako mamulhirugusigik, henaruk hobaluk wagagup ako henape wenggeles. Henape wenggebaluk, henomaduk mbobagu dogomundik, wene hunggugup akoat des erogo vagago dogovovok yiluk yukheraliga. Eke, hiren henanye erogo hiniluk okhedegetek halok andi, ap onggop wagiluk wandiga hak, An hinunggut hinigik, supuk erogo hit Saridis menda anggin henovaga bigigagiluk henadema wasogon.