Lukas 12:32 - ALA WENE HIVIS DIRUP WATUGWA

³² Yugirigya lagagirik, At Yesus en, “Naburi wai! Henasin Ala en hit At avema dogop imbitigi ako, sek menda dikduk erogo okbigigaup endawi sek imbitigirikmu, henalon habuk.

Lukas 12:32 Iomraidhean Croise

Matius 14:27

Na yugu lagagwama, At Yesus en, “Henanggela wulubuk. An neyave-at wandiga atma, henalon habuk.”

Matius 20:16

“Anderogo atma, it hivis menda ako andi, enendak arusogom, eke, enendak menda ako andi, hivis arusogom,” yiluk, yugeragagi.

Matius 25:34

“Ogagya dogogurik, An neve ninis ombok akoen, it avakwa ninggis amotkan bisagwis ako yugirigya dugwit, ‘An Nasin adenggen henovaga bigigirikmu agipik o. An erom uvup werekma, hiren erom woknugwis, is uvup werekma, is woknugwis, ap huru werekma, woknitwis, nasum yirikdek werekma, yum yikbanunggwi, aup warek werekma, bikneya wagwi, An heda mago werekma, hit nadoma wagwi, ogagu lagagup. Anderogo atma, An Nasin en o mbogot wen ao wakhegetek hegek, hit hininis werek ombok dogovovok yiluk, mavorangge hak bigigis ako wane-wane, hit mondok siyalek dogovovok yiluk, omanes.’

Matius 7:15

Yugirigya lagagirik, ambi inim yugirigya dugwit, “It ap Ala wene huluk molalogo yukherelagwi menda akoen henambukmu unggu saoen, dibagu dogones. It ap andi ndomba elose ovagak okhedelok henadema wendagwi ovara, enendawi andi, yangge do ovagak enaninis wisane agarwik.

Lukas 10:21

Ndugwis andi vaga Yesus endawima Averiniki en adenggen wisane okbagya lagagimu, Ala heyaga watya dugwit, “Wen-mbogot andok Hat Nasin wa yukhisiga. Hat ogarup yi ako, it ap enendawi werek inim, enendawi anggat inim, inilup agu saoen, hwilakbaluk, avyak mariduk swi endago ovagak vagalogo yugeragagin atma wa. Anderogo ogarup hendawi sek imbita dugwit ogagagin atma, Nasin wa, yukhisiga o.”

Yohanes 18:36

Yugugu lagagimu, Yesus en at yugugu dugwit, “An Ninis ombok dugwit, navema bisaligama ako andi, o wen vaga yoma dek. Navema bisaligama o wen vaga yoma duklipmu en, An neyave wogogo it ap Yakuri wogorugu saoen yiluk, An naori inim ndup sumbutu duklip. An navema bisaligama ako andi, o adik ambi hunogoma agarik.”

Lakbogogi Wene 20:28

“At Nenowa Yesus amuya vaga Ala aburi homago enonggo bagagi ako andi, At andomba ovagak atma, malenombogo dogovovok yiluk, Averiniki en mikhinipigirikmu, hit henendawi suam wakhidugu dugwit, it inim des erogo yugurugu dogones.

Lakbogogi Wene 20:29

An hekbigiluk lagya neyagek, yangge do henanggelekma nunggu wagu dogomundik, hekbigigasogombuk aik hivit hinivusogom andi, an nilup aro.

Oroma 6:23

Weyak ogasagwi onggo andi, hambisagwi-at ovara, At Ala en onggodek un wokneragagi andi, Nenasin inis ombok Keretus Yesus ninim hunik dugwit, niniluk mondok-mondok dogop andi aro.

1 Korindus 1:21

At Ala endawi werek en iri dugwit, “It avakwa wen vaga menda nenendawi werek ombasagwi ako enendawi wenggelit nelagwi vaga, An yedok neyasogom mondok dek. Ata, it ap An nane yugerelagwi menda ako, avakwa en, ‘Andi ap wes enane ovagak,’ yiluk, umbutusigik ovara, it ninen wene ako avyarat umbutuselok andi, enagap wendarisogon o,” yiluk, Ala en ombasiga atma, yukheraliga.

Pilipi 2:13

At Ala en sek ogarup endawi ombasiga ako, hirenen, “Ogarup,” ombasagwi inim, eke, eyave ogasagwi inim, At Ala adigenat okbigigaliga.

2 Tesalonika 1:11

Andi atma, At Nenasin Ala en hit sek ogarit lagu dogovovok yiluk, heneyanggup yukheragagi ako, hit ndatak ogarit lagu hiniselok, “Sek ogagep o,” yukhirigya dogopwak yiluk, henake samban adigat ogasagwi. Eke, Yesus avyarat umbutu dugwit sek ogarup ombasagwi ako, ndatak ogarovovok yiluk, henanye okbugugu dogopwak en, henake samban adigat ogasagwi.

2 Tesalonika 1:5

Hit Ala avema dogop mikhedagagup halok, edup-mbedup okbigigelagwi andi, henendawi wadokdek dugwit welagwima, Ala en, “Hit sek atma, An werekma yoma nunggu warup sek aro,” yukherayogon atma, Ala en nenowak dilisogon ako andi, weyak dek segat nenowak ndilisogon yedok hagup.

Iberani 12:28

Anderogo atma, Ala avema bisaligama nit nenandok dogop imbitigi ako andi, yukul-wadok yagaligadekma, “Ala wa,” yiluk, hai watu dogosogom. Nenasin Ala andi, hali abya en yi menda ndi menda ovok vup erogo nenggek landiga hak atma, nenalon en agayuk wutu dugwit, At endawi sek ombasiga ako adigat ogarit lagu dogosogom o.

Yakobus 2:5

Nowa-nasin, hit an nendawi hunik ako, wene yi des erogo henaruk hunggu dogwes. It avakwa en, “Ap yi, ininggidek,” umbutusigik, Ala en miginipigi ako andi, it Yesus avyarat ombasagwi ako vaga Ala en it ininggis werek enombasiga. Eke, At Ala en iri dugwit, “It avakwa enendawi hunik okbanungguselok, navema bisayogon,” yiluk, nggatuk erogo yagagi ako, Ala avema bisaligama mavorangge hak andok okbisagiluk, miginipigi.

2 Peterus 1:11

Andi ogagu dogosogon halok, nenagap wendakninivisiga Nenowa Inis Ombok Yesus Keretus avema bisaligama mondok-mondok agarikmu akoma, At Ala en, “Hit andok okhedomanes o,” yiluk, hai warogo wokhinivisogon.

Wahyu 1:6

Eke, nit avakwa At avema dugwit, imam-imam hak At Asin Ala ake ogagu dogoguluk, denogo bininggigi. Anderogo okbininggigirikmu, At anye wisane atma, nit yi ovok erogo At inis adigat siyabagwi, At ane adigat hunggwis, mondok-mondok ogagu dogosogom o, yiluk, amin!

Wahyu 22:5

Andoma o hup asigadek, o dingga adigat hegek, At Ala abinak At ayelomani enovaga bugu dogosogom atma, it nagu dugwit, “O awiya arupwak yiluk, mo il wulu wagya, eke, hali yevetwis, ogarupwak ai,” embetetek-at inigis. Eke, it ap ininis ombok pemerintah ovagak dugwit, mondok-mondok avakwa wene yugurugu dogosogom.