Lukas 12:18 - ALA WENE HIVIS DIRUP WATUGWA

¹⁸ “Imbita lagagirik, ‘Yerogo ogasogon. An o maduk yi, masalogo bagya dogomindik, o ombok erogo vabaluk, nangge inim, yagagis enggen yugup ako inim, andoma ba nunggwigya dogosogon.

Lukas 12:18 Iomraidhean Croise

Matius 6:26

Swa mbogot vaga nelagwi andi dibas. Iren awi yakhidugwi, eke enggen heralogo ndanggi vaga beta nunggugwi, anderogo ogasagwidek ovara, hit Henasin mbogot vaga menda enat enagarom wogeraliga. Swa andi, At endawi hunik horogat hegek, Ala en enagarom wogeraliga ovara, hit andi, At endawi mondok hunik wisane atma, wokherayogonbuk yiluk yagalagwi?

Lukas 12:17

Enggen yugup wisane agya lagagimu, endawi imbita dugwit, ‘Yagagis enggen yugup mbalogo baup o dek atma, nggarogo ogarik?’”

Lukas 12:19

Ba nunggwigya dogomindik, nangge wisane wonggalek agarik ako ninggya neyagek yi tahun ndi tahun ogarupwak yiluk, yogak sat yanggal hidigya dugwit, erom ninggya, amburup ninggya, nendawi adenggen adigat yagan lagya, ogagya dogosogon, yiluk, nendawi en imbita dugwit ogasogon o,’ yagagi.”

Lukas 12:21

“Anderogo atma, it avakwa enangge wen vaga menda adigat wisane okhidugu dugwit ovara, enangge eyave mbogot vaga menda okhedegetek iniselok, at ap andi ndatak aro,” yiluk, yugeragagi.

Lukas 12:24

Swa ngguragas ogasagwi ako dibas. Awi yakhidugwi, enggen mbanggwis, andi ogasagwidek. Eke, enggen mbalogo ndanggi vaga beta nunggwisagwima ogo, dek adigat ovara, At Ala en enagarom wogeraliga. Swa andi, At endawi hunik horogat hegek, Ala en enagarom wogeraliga ovara, hit andi, At endawi mondok hunik wisane atma, wokherayogonbuk yagalagwi? Wokherayogon aro.

Lukas 18:4

“Yugugu lagagi ako ap owak dilisiga menda ako en endak anggon imbitigi ovara, yuguri lagek adigat ogagya lagagimu, hivis endawi wenggenggu dugwit, ‘An Ala nalon ombasigadek, eke, avakwa ogo enane nalon ombasigadek ovara,

Lukas 18:6

Yugirigya lagagirik, At Nenowa Yesus akoen “At ap wene owak sek erogo dilisigadek menda yagagi ako holes.

Yakobus 3:15

Hit henaswe ambi aninis okbagu dugwit, henendawi lakot yagan nagwis, “An ombasiga adigat ogarup,” umbutu dugwit, ogarit nagwis, ogagu hiniselok, mondok nadok-hadok agya dugwit, yi weyak ndi weyak ovok erogo agya helagwi ako andi, At endawi werek mbogot vaga agarik Ala akoen henendawima okbugu hegek ogasagwidek. Ata, at Sile en it avakwa wen vaga menda enendawima okbugu hegek, henendawi ninggya halok, eyave-at ogagu hinisaliga.

Yakobus 4:13

Avyak! Hit wene mbanggu dugwit, “Yogak a, heveret a, o kota andoma lagu dogomundik, yoparip wonggalhedaguluk, yi menda ndi menda hunit lagu ninigik satu tahun-at ogarusogom o,” yiluk, yagalagwi ako, henendawi dibagu dogwes.

Yakobus 4:15

Andi halok, hiren yugu dugwit, “Nenasin en sek imbita halok, neneyave sek dugwit, ‘Yerogo ogarup nderogo ogarup,’” yugu dogop andi sek.