Lukas 12:15 - ALA WENE HIVIS DIRUP WATUGWA

¹⁵ Yugugu lagagirik, Yesus en avakwa yugirigya dugwit, “Henangge wisane agarik ako vaga hiniluk dogosogombuk atma, ap enangge hogop-hogop umbutu hinisaoen, henendawi suam watu dugwit, dibagu dogwes,” yugeragagi.

Lukas 12:15 Iomraidhean Croise

Markus 7:22

ap ogwa werek hwa agun werek hegek ogagwi, ap enangge hogop umbutwi, yi weyak ndi weyak ogagwi, henane agil-amok vaga ap enendawi wugwi, henendawi hwa vaga adigat wenggelek dugwit, ugun-ugun ogarit lagwi, haterek-anderek yugwi, mbidarogo bugwis, an iya umbutwi, ap wes okhidugwi,

Lukas 12:16

Yugirigya lagagirik, wene wakhegek vaga yugirigya dugwit, “Ap inggi werek ambien awiangge wen mudis vaga yagagirikmu, enggen yugup wisane agagi.

Lukas 16:14

Yugirigya lagagimu, it ap Varisi en Yesus wene yugeragagi ako hunggu lagagwarik, yoparip enendawi hunik atma, Yesus aganda yagagwa.

Lukas 21:34

Yesus en wene ambi yugirigya dugwit, “Bagas sakno bagoma mbikit sopalandiga hak, ‘Ndugwis andi vaga anderogo okhinivisogon,’ yiluk, wene yukhirigi ako, hit avakwa o wen vaga yoma ovok erogo ndugwis ambi vaga mbikit supuk erogo okbigiga wasogon atma, henendawi suam wakhidugu dogones. Yi menda ndi menda henagaum dek heda nenggek nagwis, amburup nenek oginivisiga menda nenggek nagwis, ‘Nangge nggarogo okhedaik o,’ yiluk, henendawi anggin wisane wenggelit nagwis, ogagu dugwit, henendawi ugun obak hinisaoen, henendawi suam wakhidugu dogones.

Lukas 8:14

“Awi yoangga hedangga aik werek anggelekma wombagagi ako andi, it avakwa wene enaruk hulisagwi ovara, eneyave dogop vaga enendawi anggin vaga wenggelit lagwi, ininggi werek okhedaup adigat enendawi wenggelit lagwi, wen vaga sek dogop adigat enendawi wenggelit lagwi, ogarit lagu dugwit, wene yugup ako mbalogo wombalisagwi aro. Enggen eve sek menda mondok yiligadek.”

Kolose 3:5

Anderogo atma, naswei. Henendawi weyak ogarup okhinivisiga ako, ovok erogo mondok degerogo bagu dogones. Akwa ugun oginivit lagwi, wanggis wugwi, henendawi ninggya ako ugun musek lagwi, weyak ogarup adigat hogop umbutwi, yi menda ndi menda hogop adigat umbutwi, ogarup andi moga. Henendawi yi menda ndi menda hedaup hogop adigat ombasagwi ako andi, huvuwak inis adup ogasagwi wane-wane aro.

2 Timotius 3:2

O andi hudi ogarup ako, avakwa enendawi enanggidik agwi, yoparip adigat hogop ombarit lagwi, “Wi!” vok yuknerapwak yiluk wogobategek lagwi, enendawi siyabategek lagwi, avakwa wiyiknom-weyaknom erogo bigik lagwi, inisa-enasin enane des erogo hunggitek nagwis, wogeraup ovara, wa yegetek lagwi, Ala wene sagalogo baik lagwi, ogagu dogosogom.

Iberani 13:5

At Ala en iri dugwit: “An hekbigigu, ugun wilirogo bigigu, ogarisogonbuk o,” yiluk, yagagi atma, yoparip adigat hogop-hogop embetek nelagwi vaga yoparip andi, ayeloman agu hinisaoen, dibagu dogones. Henangge nano menda ambi agarik halok, “Yi ovogat werek,” yiluk, henendawi seyalek dugwit, adenggen vaga nagu dogones.

2 Peterus 2:14

Andi ogagu dugwit, it inil adik ambi hunogoma belagwidek. Ata, akwa ugun yanenggek menda ako adigat inil wogonombolok nagu dugwit, ugun-ugun oginivit nagwis, “A! Yi ovogat ogagi atma, ovogat nagaum arisogon,” yiluk, yagalagwidek, ogarit adigat lendagwi. Lagu dugwit, it ap enendawi ao hoda agetek ako, enavup salok yupwak yiluk, nomalogo wogiviluk heda bagoma akoma biselendagwi. It yi menda ndi menda hedaup hogop ombasagwi menda atma, andi menda hedasogom yiluk, it avakwa woknerapwak yiluk, enendawi anggat dugwit yugeralagwi atma, Ala en mondok vudilogo bogogirikmu agarwik.

2 Peterus 2:3

It ap mamulerelagwi andien ambi hedaguluk, henambukmu unggu dugwit, enane ugun huluk molalogo yukhirugu dogosogom. Anderogo yukherelagwi ovara, it ogasagwi vaga At enowak dibaluk weyak enovaga bisaup o muk erogo hologo bagagi Ala ako andi, ugun map donggalek dugwit nggungguk nogo yiligadek. Ata, eneyave degerogo bisagiluk mondok hanjalek agarik.