Lukas 12:11 - ALA WENE HIVIS DIRUP WATUGWA

¹¹ It avakwa Yakuri samban ogasagwima homago inim, it ap ininis werek inim, it ap ombok-ombok inim, enadema wokhiniviluk bigiga laguselok, henendawi anggin dugwit, henagap wendakhedaup ako, ‘Wene ngga yugerami,’ yiluk, henendawi wenggelubuk.

Lukas 12:11 Iomraidhean Croise

Matius 23:34

Andi halok, Anen it ap Ala en yugirigya hegek yukherelagwi menda navi inim, ap enendawi werek menda inim, ap yugatheralagwi menda inim, henadema lakbisa warimindikmu, nin hirenen enatwis, nin yo winik vaga lobalogo bugwis, nin hit samban ogasagwima akoma nabirok vaga enatwis, it nin o kota ambima en o kota ambima enamusek haryogo wibugwis, okbisagup o.

Matius 6:25

“Andi halok, hiren, ‘Niniluk dogoguluk, nenagas-nenagarom nano namwi? Eke, neneyave sek dogoguluk, nenasum nano yikhedamwi?’ yiluk, henape wenggenggu dugwit henendawi anggin dogobuk, yiluk yukheraliga. Nelagwi menda andi iya, eke, hiniluk dogop andi horogat ombasagwi? Yikhedelagwi menda andi iya, eke, heneyave sek dogop andi, horogat, umbutu dugwit, henendawi anggin agipik? Dek.

Matius 6:27

Hit ambi vage hambup amor ari wagya hegek, ‘Niluk ambi inim dukluk, hambup sek ai,’ yiluk, henendawi anggin wenggelisagwi vaga, ndatak okbigigayogon ombasagwi? Dek o.”

Matius 6:28

“Anderogo dek hegek, nggarogo yiluk henagap vaga yikhedaup menda adigat henendawi anggin agipik? Yo hundumbuk mot inggya lagarik agare enggen yiliga ako dibas. At Salomo ap mondok ombok yum pakian sek adigat yirik halok, avakwa en, ‘Wi,’ yiluk, vok yugu lagagwa ako ovara, at andi horogat. Yo hundumbuk agare enggen halok andi, yavup ogagya, digi danggya, ogasigadek ovara, Ala en okbagya hegek, agare enggen mondok sek adigat yiliga atma yiluk, yukheraliga o.

Matius 6:31

Ogarisogon atma, henendawi anggin dugwit, ‘Nenagas-nenagarom nano namwi?’ Eke, ‘Nenasum nano yikhedamwi?’ yiluk, andi adigat henendawi wenggelit nelagwi andi moga.

Matius 6:34

Heveret ogarup hegek, yogak henendawi anggin dogobuk. Heveret ogarup menda ako andi, heveret-at henendawi wenggelup. Yogak ogarup henendawi wenggelup ako andi, anggin mondok iya atma, hutun ogarup inim henendawi wenggenggu dogop andi moga o,” yiluk, yugeragagi.

Lukas 12:22

Yugirigya lagagirik, Yesus en At ane welagwi menda ako yugirigya dugwit, “Niniluk dogoguluk, nenagas-nenagarom nano namwi? Eke, neneyave sek dogoguluk, nenasum nano yikhedamwi?’ yiluk, henape wenggenggu dugwit henendawi anggin dogobuk, yiluk yukheraliga.