Lukas 12:1 - ALA WENE HIVIS DIRUP WATUGWA

¹ It Ala wene vagago agarwik menda inim, ap Varisi menda inim, Yesus vagaruguluk, enaninis en aigwakma dirit-darit wugusigik, it avakwa eneyave wisane ininggis dinggilup meyan homakbaluk, hobo-hobo en enovaga sep yagan wagagwa. Sep yagan wagusigik, At Yesus en At ane welagwi menda enendak yugirigya dugwit, “It ap Varisi akoen enendawi enagavoval amulisagwi yukherelagwi. Enagavoval amulisagwi yukherelagwi ako andi ragi roti virisiga menda hak atma, wene andi menda henendawima nunggwigya haoen, hit henova hwalogo dogones.

Lukas 12:1 Iomraidhean Croise

Lukas 11:44

Avakwa inunggut inigik, hiren weyak ogarupwak yiluk, enendawi nomalisagwi atma, anggin henovaga arugup.”

Lukas 12:56

Wen-mbogot elese dibaluk, ‘Andi anderogo asogon higi o,’ yiluk, hinilup ovara, yogak yi hudi vaga arup ako hit nggarogo yiluk dibagetek, ‘Wi! Ala anderogo ogasiga higi,’ yiluk, yegetek-at agipik? Hit henagavoval ovagak yagalagwi yi!” yiluk, yugeragagi.

Lukas 5:1

Andien, hivis ndugwis ambi vaga At Yesus ako inamut Nggenesaret yanggadek omban vaga mendek werekma, it avakwa wisane Ala wene enaruk huluguluk, hobo-hobo homari wagu lagagwa.

Lukas 5:15

Aruk warogo lakbalagagi ovara, Yesus ogarit landiga wene ako evenuk wigak iri lagagimu, yi avakwa ndi avakwa wisane At ane hunggwis, edup-mbedup halok eneyave sek okbugu, ogarupwak yiluk, At adema homari wagu lagagwa.

Lukas 6:17

At Yesus ap miginipigi ako inim hulikmu en wambu wagu lagagwarik, o huris vaga andoma mbup yagagwa. Mbup yugu lagagwama, At ane welagwi menda wisane inim, avakwa nin evena o Yudea en, o kota Yerusalem en, o Tirus Sidon is yanggadek laut omban vaga akoma en,

Lakbogogi Wene 21:20

Mbilinogo yugeragagi ako enaruk hunggu lagagwarik, Ala siyabagagwa. Siyabagu lagagwarik, it Ala aburi enasini ako Paulus yugugu dugwit, “Nenaswe, Paulus wai. It Yakuri menda yi ap ndi ap wisane Yesus avyarat umbutugwa ovara, it ovok Ala wene Musa dirup watigi ako enendawi andi adigat wenggelek dugwit, ogarit lagwi yi, inisaliga?

1 Korindus 15:3

Anderogo atma, an wene wagagis ako hit “Wene yi mondok iya,” yiluk, ombarovovok yiluk yukhirigya lagagis ako eyave yi: Ala wene dirup warek wane-wane, nit weyak ogagu niniselok, At Keretus nit nenake-at hombagagi.

Iberani 12:22

Hit yogak ndom Sion At iluk agarik Ala ako awi kota Yerusalem mbogot vaga akoma wagagup wane-wane-at agipik. It yi malaikat ndi malaikat nininggis dinggilup meyan mondok wisane erogo wonggalek dugwit, enadenggen vaga ogasagwi inim,

Yakobus 3:17

Eke, At endawi werek mbogot vaga agarik akoen hologo bininaliga ako andi, adem ombok andi, nit nenendawi weyak agetek mondok sek adigat dogop. Aswe ambetaga andi, avakwa sek ugun dambulik dogopwak yiluk, moga yugurugwi, nenendawi sagain vaga yugurugwi, yukniruguselok, “E o,” yiluk, ogarit lagwi, nenaigwak aberen avakwa sek okbugwis, yo enggen eyave yiklandiga ako hak, nit anderogoat sek ogarit lagwi, ap ambi sek okbagwi, ap ambi weyak okbagwi, ogagetek wane-wane okbugwis, nenendawi lakot dugwit yugeregetek, nenendawi sagain vaga adigat yugurugwi, ogagu dogopwak yiluk, okbininaliga.

1 Peterus 2:1

Andi halok, hit weyak ogasagwi menda andi mondok hekbaluk dogones. Huluk wene yagalagwi inim, enagavoval yagalagwi menda inim, haterek-anderek yagalagwi inim, navok-havok yagalagwi inim, andi ovok erogo hekbagu dogones.