Lukas 11:9 - ALA WENE HIVIS DIRUP WATUGWA

^9-10 Anderogo hak, An wene ambi yukherayogon. It avakwa en nggino yuguguselok, wogirigya, belangguselok, havethedugwi, sogop dolen-dolen ogaguselok, sup hutbugu, ogasagwi. Ogasagwima, hiren Ala nggino yugugu dogop. Nggino yugugu hiniselok, Aren wokherayogon. Sek menda At ovaga belanggu dogones. Belanggu hiniselok, At elola en havethedasogom. Sup dolen-dolen ogagu dogones. Sup dolen-dolen ogagu hiniselok, Aren sup hurogo bigigayogon o.

Lukas 11:9 Iomraidhean Croise

Matius 21:22

Eke, hit yi menda ndi menda Ala nggino yugugu dugwit, henendawi At ovaga vanggabaluk avyarat umbutu hiniselok, wokhirigya hagup o,” yiluk, yugeragagi.

Matius 21:31

“Enasin ogarup endawi imbitigi ako aburi mberen atma, ambi saen ogagagi ombasagwi?” Yugirigya lagagimu, iren, “At hivis menda akoenat ogagagi higyo o.” Yugugu lagagwama, At Yesus en, “Andi halok, An wene ambi avyarat yukherayogon. Hit imam-imam enasini inim, ap ombok-ombok inim, Ala avema ao nonggegetek hinigik, it ap pemerintah enake yoparip wonggalisagwi menda inim, it akwa ugun yanenggek nelagwi menda inim, it enendak Ala avema nunggwisagwi.

Markus 11:24

Andi halok, hit samban ogagu dugwit, yi menda ndi menda Ala nggino yugugu dugwit, ‘Vage hedigi o,’ yiluk, avyarat ombasagwi andi vaga wokhirigya hasogom.

Markus 13:37

yiluk, An wene henendawi suam watu dogop yukheraliga yi, avakwa ovok erogoat yugeraliga o,” yiluk, yugeragagi.

Yohanes 14:13

Hiren An ninis vaga, ‘Anderogo okbininin o,’ yiluk, Ala nggino yugugu hiniselok, Abut An ogarimi vaga Nasin inis ombok arupwak yiluk, okbugugu neyagup.

Yohanes 15:16

Hiren An miknetetek. Ata, Anenat hit mikhinipu lagagirik, hit enggen wisane erogo mondok dogop menda yilin lagu dogovovok yiluk, denogo bigigis. Anderogo ogarit lagu dugwit, ‘Andi menda wokniru o,’ yiluk, An ninis vaga Nasin nggino yugugu hiniselok, Aren wokherayogon aro.

Yohanes 15:7

Hit An ninim hunik, eke An nane henendawima agarik andi vaga, ‘Nit andi menda woknerapwak,’ umbutu dugwit, nggino yuknugu hiniselok, andiat An wokhirigya neyagup.

Yohanes 4:10

Yugugu lagagimu, At Yesus en at yugugu dugwit, “Ala en onggodek we un wokhirup menda inim, eke, An ap yien, ‘Is nokniru o,’ yukhigis ako neyave inim, hat hilup enda, ‘Is avakwa iniluk oginivisiga menda ambi wokniru o,’ yiluk, nggino yukniklinmu en, An is iniluk oginivisiga menda-at wokhikli.”

Oroma 2:7

It avakwa ninen sek umbutu dugwit, “Ala en At abinak menda woknirigya, nenagayuk wutu, iniluk mondok dogop menda woknirigya, ogarupwak ai,” yiluk, enendawi sagain vaga hora yiluk, mbup yegetek sek adigat ogarit lendagwi. It avakwa anderogo ogasagwi ako, Ala en iniluk mondok dogop menda wogerayogon.

Iberani 11:6

Avakwa en Ala ovaga vanggabaluk, avyarat embetetek halok, Ala endawi mondok sek enombasigadek. Andi halok, saen Ala adema laup umbutuselok andi, “Ala avyarat agarik,” yiluk umbutwi, eke, “Nenendawi enggen vaga At ninilup aruguluk ogarusogom halok, At onggo woknerayogon,” yiluk, umbutwi, ogaguselok, At endawi sek enombasiga.

Iberani 4:16

yogak anggin ambi nenovaga agya halok, nenabwa imbita dugwit, aigwak aberen okbininggu haguluk, nenalon embetetek At Ala nenabwa en okbininaligama akoma horok ari nunggugu dogosogom.

Yakobus 1:5

Ogagya dogosogon ovara, hiren ogarup ambi hinunggut halok andi, Ala yugeres. Yugugu hiniselok, At Ala endawi sagain vaga yi ap ndi ap ovok erogo nggilup-nggilup erogo wogeraliga akoen ogarupwak yiluk, hinilup okhinivisogon o.

Yakobus 5:15

Eke, it enendawi Ala avyarat umbutu dugwit samban ogaguselok, Nenasin en ap aup warek ako legego sek okbayogon. At weyak ogagya halok, weyak ako dek okbayogon o.

1 Yohanes 3:22

Anderogo atma, At Ala en, “Yerogo ogarup, nderogo ogarup,” yiluk, yukneraliga menda wene inim, nit ogarup endawi sek ombasiga menda ako inim, wane-wane ogagu niniselok, nit yi menda ndi menda woknerapwak yiluk, nggino yugisagwi ako, At woknirigya dogosogon aro.

Wahyu 2:24

Eke, hit nin o Siyatira agipik ako, hwa ako ane inim, Sile ogasiga mbauk hwilago yagalagwi wene inim, hit musek lagatek hekbagagup andi, An wene ambi yi yukheraliga: ‘Anen anggin ambi henovaga bigigaup embetetek ovara,