Lukas 11:49 - ALA WENE HIVIS DIRUP WATUGWA

⁴⁹ Anderogo yiluk, At yi menda ndi menda ovok ilup agarik Ala akoen iri dugwit, ‘Navi-navi inim, lakbigik menda inim, lakbisa wagya neyalok, hit Iserali menda en nin initwis, nin anggin enovaga bisaguluk enamusek lagwi, ogagu hinisayogon o,’ yiluk, yagagi.

Lukas 11:49 Iomraidhean Croise

Matius 22:6

Eke, it ninen, at ayelomani yonggo lakbogogi ako, eneyave vakbisiluk, enanggadi warinipu dugwit, initugwa.

Lukas 24:47

Hit weyak ogasagwi ako henasam helok, henomaduk mbobagu hiniselok, Ala en henomaduk degerogo bigigayogon o,’ yiluk, wene ako At inis vaga, eve endak o Yerusalem en yi awi ndi awi ovok erogo yugeregek wunggu dogosogom o, yiluk, Ala wene dirup watugwa ako yiat okbenanggao.

Yohanes 16:2

It Yakuri samban ogasagwima en weram wibigigasogom. Eke, it henarusogom akoen, ‘Nit Ala ake segat hinitup,’ yiluk, yup ako vage horok ari wasogon.

Lakbogogi Wene 1:8

Hit ako Averiniki henovaga wambu wagya dugwit, At anye okbugugu hegek, o Yerusalem inim, o Yudea ovok erogo inim, o Samaria inim, yi awi ndi awi atok-atokma andoma ovok erogo inim, An ogarit nagu lagagis hinil neyagu lagagup wene ako yugeregek nagu dogop,” yiluk, yugeragagi.

Lakbogogi Wene 11:27

Andoma mamulirugusigik, it navi Ala en yugirigya hegek yugerelagwi menda nin o Yerusalem en o Andiyokia unggugwa.

Lakbogogi Wene 22:20

Eke, Hat havok yugirigya lagagi Sepanus ako, watusigik, an andenam dugwit, “At ogo Warup,” nendawi imbita dugwit, sogwesum weram menda nggolalek andenam vagago welagagis,’ yiluk, yugogogis.”

Lakbogogi Wene 7:57

Yugirigya lagagimu, it akoen enaruk nggedalhedelok enane ombok erogo yandyak-handyak yagan lagu dugwit, at Sepanus mbikit vagari lagagwarik,

Lakbogogi Wene 8:3

Ayup yagusigik ovara, at Saulus en it Ala aburi ako ap inim akwa inim dek okbisilin lagya dugwit, o ambima nunggwigya, nggigilogo bisa wulu wagya, ambima nunggwigya, nggigilogo bisa wulu wagya, ogarit wogonombolok heda marogo lembaga mabiselagwima akoma bisa lagek ogagya lagagi.

1 Korindus 1:24

Anderogo yagalagwi ovara, nit Ala neneyanggup yukneragagi Yakuri menda inim, Yunani menda inim, akoen wene andi hobaluk, “Ala anye inim, endawi werek inim, andi Keretus aro,” umbutu dugwit, yugerelagwi.

1 Korindus 1:30

At Ala enat nit Keretus Yesus ninim hunik okbininggigirikmu agurik. Ninim hunik dugwit, At Keretus ogagagi vaga At Ala endawi mondok werek yedok helagwi. Nenendawi sek erogo okbininggu, Ala aburi At ake dogoguluk, denogo bininggu, eke, heda marek welagagup ako, nenonggo mbalogo baluk, heda visilogo bininggu, ogagagi ako andi, Keretus aro.

Evesus 4:11

At nenadigetap andok okbininggigi ako, it nin lakbigik menda dogopwak yiluk andok okbugu, nin andi navi Ala ane yugurugu dogopwak yiluk andok okbugu, nin andi Sek Wene yi awi ndi awi hunogoma yugeregek nagu dogopwak yiluk andok okbugu, nin andi o ambekma Ala aburi des erogo vagenombogo dugwit, Ala wene yugurugu dogopwak yiluk andok okbugu, ogagagi.

Kolose 2:3

Ala endawi werek dugwit, yi wene ndi wene mondok ilup andi, At endawi hwilago welagagi ovara, Keretus adigat en sigam erogo yukneraliga.

Wahyu 16:6

It Hat Ala haburi hake denek inim, navi-navi inim, enamuya wilogo initugwa ako, onggo avakwa enamuya yi, is ovagak nunggu dogopwak yiluk, okbigin atma, segat ogagen o,” yiluk, iri higi.

Wahyu 18:20

Yuknugu lagama, ane ambi iri dugwit: “Hit mbogot vaga agipik menda, henadenggen umbutu dogones! Hit Ala aburi ake denek inim, Sek Wene yugeregek lagu lagagup lakbigigigi inim, navi-navi inim, it o kota Babel yien hit anggin okbugugu lagagwa ako Ala en owak ndilogo onggo okbigas atma, henendawi adenggen umbutu dogones,” yiluk, iris ako naruk hunggis.