Lukas 11:43 - ALA WENE HIVIS DIRUP WATUGWA

⁴³ Hit Varisi menda yi, it Yakuri samban ogasagwima akoma ap ombok-ombok hora yagalagwima hora yugwi, o pasar ogasagwima nit adigat vok yuknerapwak yiluk, nagwis, ogagu dogop henendawi hogop adigat ombasagwima, anggin henovaga arugup!

Lukas 11:43 Iomraidhean Croise

Matius 11:16

“Eke, it avakwa o yogak agarwik yi, nano vaga wal okhaik? Dek o! Avyak maridugi avakwa pasar ogasagwima hora yiluk, wene onggo-onggo yugu dugwit:

Lukas 20:46

“It Ala wene vagago agarwik menda akoen henambukmu unggu saoen, henova hwalogo dogones. Enasum adup segedok yikbetaluk, avakwa pasar ogasagwima andoma en nit adigat vok yuknerapwak yiluk nagwis, it Yakuri samban ogasagwima akoma ap ombok-ombok hora yagalagwima hora yugwi, isogo isagu dugwit, ap ombok-ombok hora yagalagwima hora yugwi, ogarup adigat enendawi sek ombasagwi.”

Oroma 12:10

Henowa-henasin henendawi hunik oginivisagwi hak, henaswei Yesus inim hunik agarwik menda hinim nendawi-hendawi hunik oginupu dogones. Navema-havema dugwit, at ambi inis siyabagek ogagu dogones.

Pilipi 2:3

Hit yi menda ndi menda ogagu dugwit, ambi hedaguluk okbugwis, eke, “Siyabanupwak,” umbutu dugwit ogagwi, anderogo ogagu dogobuk. Ata, henendawi sovalek dugwit, “An andi, meyan, eke, naswe andi, iya,” umbutu dugwit, anderogoat oginipu dogones.

3 Yohanes 1:9

Ala aburi gereja andoma homasagwima ako, enake dirup maduk ambi warogo lakba wagagis ovara, ap Diotereves akoen, “Enanggelekma ap ombok an nadigat dogosogon,” yiluk, endawi hogop imbita dugwit, nane wegetek.