Lukas 11:41 - ALA WENE HIVIS DIRUP WATUGWA

⁴¹ Dek! Henendawima ilim en it ap ininggidek wogorugu hiniselok andi, Ala en sek henombarisogon.

Lukas 11:41 Iomraidhean Croise

Matius 26:11

It ininggidek andi, hinim mondok dogogup ovara, An andi, hit hinim mondok dogosogonbuk.

Matius 5:42

Ap ambien ‘Andi menda wokneres,’ yukhirigya halok, at wogeres. Eke, ‘Henangge andi sidok wokneres,’ yukhirigya halok, henanggon en henelokwe nomo yubuk, yiluk, yukheraliga,” yugeragagi.

Lukas 12:33

Henangge vaga onggo hunggu dogomundik, ap ininggidek halok, yoparip wogeranes. It ap enonggop en wa nunggugwi, hudu-hudup libilit nunggwigya, ogasigadekma mbogot vaga andoma henangge eyave sek, dek arup dek ako menda yidik dogopwak yiluk, yum awi libik yagaligadek ako menda yikhidugu dogones.

Lukas 16:9

“Henangge-henayoparip wen vaga menda avakwa enendawi hunik okhinivupwak yiluk, yonggar-inigik nagu dogop. Anderogo ogagu hiniselok, dek agya halok, hivis o sekma andoma mondok-mondok dogovovok yiluk heyaga warogo wokhinivisogon, yiluk, yukheraliga.”

Lukas 18:22

Yugugu ako At Yesus hunggu lagagirik, “Wene andi ovok erogo ogasiga ovara, ambiat andi, ogagetek heyagi ako yukhisogon. Hat hangge ovok erogo onggo hunbaluk, it ap ininggidek menda ako wogerelak. Wogera lagya heyalok, hivis hangge-hangge eve sek menda mbogot vaga andoma hedelayogon. Anderogo ovok wogera lagya dogomindik, ninim nagu dogoguluk, omano,” yiluk, yugogogi.

Lukas 19:8

Yugu lagagwama, at Sakius en it wisane inivaga Nenowa Yesus yugugu dugwit, “Ai Nasin. An nangge-nangge higirogo ap ininggidek halok, wogerayogon. Eke, ap yewes okbugu lagi ako, enangge ambi dek okbugu lagi halok, avoloma 4 hudi wogirigya, ap ambi adik angge dek okbugu lagi halok, avoloma 4 hudi wogirigya, ogarisogon o.”

Lakbogogi Wene 10:15

Yugugu lagagimu, ambi inim at yugugu dugwit, “Dek o. At Ala en ugun nunggu dogop bagagi hegek, haren ‘Naup moga’ yubuk,” yiluk,

Lakbogogi Wene 11:29

Yugeragagi ako erom uvup agya lagagimu, it Yesus ane wogogwa menda o Andiyokia akoma en enendawi umbutu dugwit, “Nit nenadik nenangge agarik bikhegek, wonggabaluk, nenaswei Ala aburi o Yudea agarwik ako enake lakbisasogom,”

Lakbogogi Wene 24:17

“Eke, tahun maren hudi o hunogoma welagagirik, an naswei Yakuri menda enabwa en un wogeraup inim, Ala ake bago inim, wolok neyami vaga o Yerusalem wogera lagagis.

2 Korindus 8:12

Nenangge dekma, wogigitek niniselok andi, Ala en anggon nenombasigadek. Ata, eyave werek halok wogugwis, “Wogorup ovara eyave dek atma, ai,” umbutwi, andi ogo wogisagwi atma, endawi sek ombasiga.

Evesus 4:28

Hit henonggop welagwi ako, ambi inim henonggop wugu dogobuk. Ata, hininggis vaga adigat okbetaluk nunggwi, it avakwa enangge-enangge dek iniselok yonggar-inipwis, ogagu dogovovok yiluk, yavup ambi ogarup-at vakbaluk, hininggis anye vaga okhedegek lagu dogones.

Titus 1:15

It avakwa enendawi sek adigat dugwit weyak ombasagwidek, Averiniki enendawima yi sek, yi weyak, yugirigya hegek ogasagwi halok, yi menda ndi menda Ala en “Naup moga dek,” yiluk, yagagirikmu, it huluk wene yagalagwi menda en, “Naup moga,” yugusigik nungguselok, enendawi weyak asigadek. Sek aro. Eke, it avakwa Yesus avyarat embetetek weyak adigat ogasagwi halok andi, it ambi nano vaga enendawi sek okhedabuk. It ogarup enendawima wenggelisagwi inim, enendawi ombasagwi inim, andi weyak adigat dogosogon.

Iberani 13:16

Eke, anderogo ogagu dugwit Ala ake warogo wogisagwi hak, At ake avakwa sek okbugwis, yonggar-inipwis, ogagu niniselok, Ala endawi sek nenombasiga atma, hinunggut erogo babuk. Ata, okbisilin nagu dogones.

Iberani 6:10

Hit Henasin Ala andi, atma nggedok ogasiga menda atma, hit henendawi hunik en At eyavup ogarit lagu dugwit, henaswei Ala aburi yonggar-inipu lagagup inim, yogak ao yonggar-inivisagwi inim, At inggut arisogonbuk.

Yakobus 1:27

Nenasin Ala ivaga At ane dibaluk eyave mondok sek adigat ogagu dogop andi, it avyak hwavyak wenavorangge inim, akwa sogwa inim, enendawi wakhiduguselok, enabwa en yonggar-inipwis, eke it avakwa enendawi weyak en weyak ogarupwak yiluk, henendawima manggu saoen, hwalogo dugwit suam watwis, ogagu dogwes.