Lukas 11:34 - ALA WENE HIVIS DIRUP WATUGWA

³⁴ Hit heneyave indwa yevedek ovagak awiya ako andi, hinil-at. Hit hinil sek agipik halok, heneyave ovok erogo awiya dogogup. Eke, hit hinil weyak werek halok andi, heneyave ovok erogo o hwiserek ovagak dogogup.

Lukas 11:34 Iomraidhean Croise

Markus 4:12

Andi: ‘Inil helagwi ovara, yedok hegetek, enaruk hulisagwi ovara, enendawima dibelagwidek, enasam helok, yi weyak ndi weyak hekbaguselok, At Ala en degerogo bagya haoen,’ yiluk, wene atok wakhegek vaga yugeraliga o,” yiluk, yugeragagi.

Markus 7:22

ap ogwa werek hwa agun werek hegek ogagwi, ap enangge hogop umbutwi, yi weyak ndi weyak ogagwi, henane agil-amok vaga ap enendawi wugwi, henendawi hwa vaga adigat wenggelek dugwit, ugun-ugun ogarit lagwi, haterek-anderek yugwi, mbidarogo bugwis, an iya umbutwi, ap wes okhidugwi,

Markus 8:18

Hit hinil werek ovara, hegetek dugwit, yagalagwi? Henaruk werek ovara, henaruk hunggitek dugwit, yagalagwi? Erom roti 5 vaga avakwa 5.000 homago ako ugurogo wogeragagis ako, henendawi moma akluk, yagalagwi? Erom roti ugurik higitlagagi ako, wonggalogo mburiyum maren hudi yedogo bagagup? Yugirigya lagagimu, it ako, “Dek o. Mburiyum 12 hudi yedogo bagagup.”

Lukas 11:35

Andi halok, henendawima awiya agarik ako dek agya dugwit, o hwiserek ovagak agya haoen, dibagu dogwes.

Lakbogogi Wene 13:11

Yogak hat hil dogop! At Nenasin Ala en anggin hovaga bagasogon! Hil mbuk akluk, o awiya hil hegetek heyagek, ndugwis maren hudi dogogun,” yiluk, ao yugugu hegek, il agur-agut agya lagagirik, hwis agagi. Il hwis iri lagagimu, “An ninggis vakbanupwak o,” yiluk, inggirenden vaga haverinipigi.

Lakbogogi Wene 2:46

It ako enendawi ambiat akluk, ndugurek-ndagarek Ala awi valekma mbumbumu homari nunggugwi, enendawi sagain vaga adenggen dugwit enamwa adik-adik erom ugurogo baluk nunggwi,

Lakbogogi Wene 26:18

It o hup ovagak agarwik ako, inil venggenogo bisiluk, awiyama nunggu wagwi, eke, at Sile avema bogogirikmu en wulukluk, Ala avema nunggu wagwi, ogarupwak yiluk, lakbagasogon. It ako enendawi novaga vanggabaluk avyarat numbutuselok, enomaduk Ala en degerogo bisiluk, At aburi denogo bogogirikmu inim lobalogo bisapwak yiluk, lakbagasogon,’ yuknogogi,” yiluk, yugeragagi.

2 Korindus 1:12

Nit avakwa wema menda enanggelekma ogarit lagu dugwit, dibaluk ogarit lendagwi, ovara, hit Korindus menda henanggelekma dugwit andi, mondok iya erogo dibaluk ogarit lagu lagagup. Andi, it avakwa wen vaga menda nenendawi werek ombakluk yagan nelagwi hak nit yagan lagatek, eke, sek adigat ogagu dugwit, wene atok hwilagago yukheregetek. Ata, Ala endawi hunik en anye okbininggu hegek, mondok avyarat halok adigat sigam vagalogo yukhirugu lagagup ako adigat wenggelagya halok, “Sek ogagyo atma, wi!” yiluk, nenendawi adenggen wisane agurik.

2 Korindus 11:3

Mbas ane agil-amok wisane vaga, hwa Hawa yugugu dugwit, at ambukmu inggigi wane-wane, it ap adik en enane agil-amok wisane yukhuruguselok, enane hunggu dogobuk. Hit henendawi sagain dugwit, Keretus ane adigat musek lagu dogosogom yiluk, avyarat umbutugup ako hekbaluk, nomalogo wokhinivuluk lagu saoen, nalon imbita dugwit, yukheraliga.

2 Korindus 4:4

It avakwa wema menda enasin Sile akoen, it Ala avyarat embetetek menda andi, enendawima o hup ovagak okbogogi. It enendawima o hup ovagak okbogogirikmu, irenen Sek Wene awiya okninivisiga ako yedok hegetek agarwik. At Ala elose wane-wane mondok siyalek Keretus wene ako, mondok dibagetek-at agarwik.

Evesus 1:17

At Nenowa Inis Ombok Yesus Keretus Asin Ala mondok winimen siyalek agarik akoen, hit henendawi werek okbugugu, Ala ogasiga ako yedok havovok yiluk, hinilup okbugugu, ogasiga Averiniki ako, ambi inim wokherapwak yiluk, henake samban ogasiga.

Evesus 6:5

Hit avakwa enayeloman onggo hunik menda yi wai. Hiren, “Nasin yi, Keretus ovagak atma,” yiluk, henalon vaga enagayuk wutu dugwit, henendawi sek sagain vaga enane hobaluk, eneyavup ogagu dogones.

Kolose 3:22

Hit avakwa enayeloman onggo hunik menda yi ako, henasini enendawi sek henombarupwak yiluk, inil inigik adigat ogagu dogobuk. Ata, Nenowa agayuk wutu dugwit, it yukherelagwi ako ovok erogo “E o,” yiluk, henendawi sek vaga eneyavup ogarit lagu dogones.