Lukas 11:1 - ALA WENE HIVIS DIRUP WATUGWA

¹ Ndugwis ambi vaga At Yesus o ambima samban ogagagi. Samban ogagya lagagimu, At ane welagwi menda ambien Yesus yugugu dugwit, “Nasin. Ap Yohanes en At ane welagwi menda samban ogarupwak yiluk, mamuleragagi ako hak, nit samban ogaruguluk, Hat mamulneran.”

Lukas 11:1 Iomraidhean Croise

Lukas 10:42

Ambiat mikbaluk, ogarup andi sek. Eke, hat haot Maria en sek ogarup mitarikmu, An, ‘Moga,’ yugisogonbuk,” yiluk, yugogogi.

Lukas 11:2

Yugugu lagagimu, At Yesus en, “Hit samban ogagu dugwit, Ala yerogo yugugu dogop: ‘Nenasin! Hat hinis mondok adik denek agindik atma, siyabagalagwi o. Nit Hat havema dogoguluk, okbininima.

Lukas 6:12

O andi vaga Yesus samban ogarigiluk, hulikmu inggigi. Inggya lagagirik, o hup Ala yugugu hegek, o yanggo yagagi.

Lukas 7:13

Nenowa Yesus en hwa ako higya lagagirik, abwa wisane imbita dugwit, “Yup yarubuk,” yugogogi.

Lukas 7:19

wagu lagagwama, it yugirigya dugwit, “At warup ako Arat waga a, ata adik ambi wasogon yiluk sok hugu dogomwi a? Yesus ako hemethelales,” yiluk, At Nenasin adema lakbogogi.

Lukas 9:18

Andien, hivis ndugwis ambi vaga Yesus adikmu samban ogagyama, At ane welagwi menda ako adema wagu lagagwama, Yesus en enaigwakma wigya dugwit, “It avakwa en An sa numbutu dugwit, yagalagwi?”

Lukas 9:28

Wene andi yugirigya lagagirik, samban ambi okbaluk, Yesus en Peterus o, Yohanes o, Yakobus o, woginiviluk samban ogaruguluk, ndom vaga unggugwa.

Iberani 5:7

O endak At Yesus ako ap-at agya lagagirik o wen vaga yoma nagu dugwit, hambup alon en Asin agap wendarupwak yiluk, yup aik sagi-rago erogo yagagi ako, At Asin ane adigat hobaluk ogagya lagagirikmu, Abut en samban ogagagi ako Ala aruk hunggigi.

Yudas 1:20

Anderogo ovara, naswei nendawi hunik hit andi, henendawi hoda arupwak yiluk, wene eve adik denek hit avyarat umbutugup wene ako adigat ogarit lagu dogones. Ala Averiniki henendawima dugwit samban ogagu dogones.