Lukas 10:9 - ALA WENE HIVIS DIRUP WATUGWA

⁹ Eke, avakwa andoma aup warek iniselok, sek okbugu dugwit, ‘Ala avema bigigaup vage henadema vanggo yi waga o,’ yiluk, yugurugu dogop.

Lukas 10:9 Iomraidhean Croise

Matius 3:2

“At mbogot vaga menda avema bigigaup ako vage horok ari wagarikmu hit weyak ogasagwi ako, henasam helok, hekbas,” yiluk, yugirigya lagagi.

Matius 4:17

Lagya lagagirik, Yesus en yugirigya dugwit, “At mbogot vaga menda avema bigigaup ako vage horok ari wagarikmu, hit weyak ogasagwi ako, henasam helok, hekbas,” yiluk, wene yugeregek laup ako, o andi hudi asinggigi.

Markus 4:30

Yugirigya lagagirik, ambi yugirigya dugwit, “At Ala avema bisaup ako andi, nano ndatak wakhaup embetep? At Ala avema bisaup ako ndatak wene wakhegek ngga yukheraik?” yugirigya lagagirik,

Markus 6:13

Nagu dugwit, yi madis ndi madis wisane nggigilogo wibugwis, aup edup enovaga amburup minyak saitun ndibisiluk sek oginipwis, oginivit nagu lagagwa.

Lukas 10:10

Eke, o kota ambima nunggumundikmu, it avakwa en wokhinipitek iniselok andi, weram sup ombok vaga wunggu dogomundik, yugurugu dugwit,

Lukas 10:11

‘Henovaga asogon ako andi, henovadombok, hinilup arovovok yiluk, nit henamwa dugwit, ninisok vaga mupwak hondo yagas ako horogo bigigelagwi. Ala avema bigigaup vage henadema vanggo yi waga, avyarat umbutu dogones,’ yiluk, yugerano.

Lukas 9:2

Awene yugirigya lagagirik, Ala avema bisaup wene yugeregek lagwi, avakwa aup edup iniselok, sek okbugwis, ogarit nagu dogopwak yiluk, lakbugu dugwit,

Yohanes 3:3

Yugugu lagagimu, At Yesus en wene onggo at yugugu dugwit, “Ap ambi saen ambi inim swi endaklagatek halok, Ala avema bisaligama il hayogonbuk, yiluk, mondok avyarat yukhisiga.”

Yohanes 3:5

Yugugu lagagimu, At Yesus en, “Avakwa ambi saen is vaga inim, Ala Averiniki vaga inim, swi endaklagatek halok, Ala avema bisaligama nunggusogom mondok dek o, yiluk, avyarat yukhisiga.

Lakbogogi Wene 28:28

“Anderogoma, Ala en nenagap wendarup wene yi ako andi, it weram Yakuri dek menda hulupwak yiluk yugeregek lasogom atma, it andi, hulusogom hinilup arovovok yiluk yukheraliga,” yiluk, yugeragagi. [

Lakbogogi Wene 28:31

alon dek dugwit Nenowa Inis Ombok Ala en denogo bagagi avema dogop wene ako yugirigya, Nenowa Inis Ombok Yesus Keretus wene mamulirigya, vagalogo yugirigya hegek, yeok-teok okbagetek welagagwa.