Lukas 10:6 - ALA WENE HIVIS DIRUP WATUGWA

⁶ Ap enawi werek ako enendawi sek vaga, ‘Yi nit nenaswei aro,’ yiluk, wokhinipuselok, enadenggen enovaga bisamwi ako enovaga asogon. Eke ap ako enendawi weyak en wokhinivup enanggon umbutuselok andi, enadenggen enovaga bisamwi ako, enovaga asogonbuk sugulogo hit henovaga-at okhedelok, wilitalo.

Lukas 10:6 Iomraidhean Croise

Lukas 10:5

“Avakwa enamwa ambima nunggugu dogomundik, endak heyaga wakbugu dugwit, ‘Wa! Ala en adenggen ombok erogo henovaga okbugugu dogopwak o,’ yiluk, yugerano.

Lukas 10:7

It avakwa en hit wokhinivup umbutuselok, enamwa hinim andoma-at dogop. It ap yavup ogasagwi yavup onggo waup sek atma, hinim dugwit, henagarom yi menda ndi menda menakhiruguselok, andi nunggu dogop. Ya nogo yigik nda nogo yigik yagan nagu dogobuk.”

Evesus 5:6

It Ala wene sagabaluk, weyak andi menda ogarit lendagwi halok, Ala aninis enovaga bisaliga atma, it ugun inunggut agarwik akoen enane amburup werek agil-amok yagan wagu dugwit, henambukmu unggu saoen, dibagu dogwes.

2 Tesalonika 3:16

Yogak nenendawi ugun wadokdek adenggen okbininaliga menda Nenowa Inis Ombok akoen yi ogagek ndi ogagek ovok erogo ogarit lagu hinigik, henendawi ugun wadokdek adenggen dogovovok yiluk, okbigilin lagya dogopwak. Hit ovok erogo Nenowa hinimat dogosogon o.

Yakobus 3:18

It avakwa enendawi ambiat dambubiselagwi akoen enendawi ambiat dambulik dogopwak yiluk okbigik nagu dugwit, enggen yupwak yiluk awi angge yasagwi ako hak, avakwa sek adigat ogagu dogopwak yiluk, enendawima mabigik nelagwi o.

1 Peterus 1:14

Hit endak Ala hinunggut dugwit, henendawi en ninggya halok ugun-ugun ogarit nagu lagagup ako, hekbaluk, asin iri halok, abut hobaluk wane-wane ogasiga hak, Henasin Ala en iri halok adigat ogarit lagu dogones.