Lukas 10:35 - ALA WENE HIVIS DIRUP WATUGWA

³⁵ “Eke, hutun at ayoparip mbusi perak mberen wogogo ap nogo yilagwima awi werek ako wogugu dugwit, ‘Ap yi malogo dogwen. Malogo dugwit, wokhigis yi ako dek agya halok, hat hangge ambi lobalogo hunggu dogomi halok, an wagya dogomindik, avoloma wokhisogon,’ yugogogi,” yiluk, Yesus en ap Ala wene vagago welagagi menda ako yugogogi.

Lukas 10:35 Iomraidhean Croise

Matius 18:28

“Hekbagagi ovara, ayeloman ako weram wunggu lagagirik, aswe ambi at mbalegangge yoparip horogat un 100 denari wogogogi ako higya lagagirik, inggis vaga adonggop honak watya dugwit, ‘Nayoparip mbalegangge wokhigigis ako avoloma wokniru.’ Ap ako ane anye vaga yugugu lagagimu,

Matius 20:2

Wunggu lagagirik, avakwa havedogo anggur yagoma akoma lakbugu dugwit, ‘Ndugwis ambiat vaga ogagu hiniselok, yavup onggo ndugwis ambiat wogerelagwi hak, onggo yoparip denari ambiat wokheraup sek a?’ Yugirigya lagagimu, iren ‘Segat,’ yugugu lagagwama, eyavumu lakbogogi.”

Lukas 10:34

adema lagya lagagirik, agap libik-lobak erek ako hotbaluk, anggur agas inim, amburup adik menda inim, eralogo heda makbagya lagagirik, eyave wogogo at anggom keledai vaga hora okbaluk avakwa nogo yilagwima hunogoma ba nonggagagi. Ba nunggwigya lagagirik, andoma malogo welagagi.”

Lukas 10:36

Yugugu lagagirik, “Ap henggam ako it avakwa inim dugwit, enendawi hunik ombasagwi ovagak ap onggop welagwi menda en watugwa ako, ap ambi saen endawi hunik okbagagi ombasiga?”

Lukas 14:13

Ata, isogo isagya dugwit, ininggidek halok, inisok venak-venak weyak halok, enerambo weyak halok, inil mbuk halok, enayonggo bagya dogop.

Oroma 16:23

At Nggayus en an neve woknitya, Ala aburi ovok erogo at amwa homagu dogopwak yiluk woginipu, ogasiga akoen wa yukheraliga. At ap Eratus o kota yoma bendahara yoparip vagago agarik ako, nit nenaswe Kuwatus iperen en wa yukherelagwi. [