Lukas 10:3 - ALA WENE HIVIS DIRUP WATUGWA

³ “Eke, hit andi, elales. Hit ndomba eyagi ovagak yi, it avakwa yangge do ovagak werekma, enanggelekma lakbigigaliga.

Lukas 10:3 Iomraidhean Croise

Matius 10:16

Wene ambi inim yugirigya dugwit, “Hit ndomba ovagak yi, it avakwa yangge do ovagak agarwikmu enadema lakbigigaliga o. Lakbigigamindikmu enanggelekma dugwit, mbas il anggeket okbaluk agarik hak, hit henovavut anderogo dugwit ogagwi, swa suwa ovavut sagain agarik hak, hit henovavut anderogo dugwit ogagwi, ogagu dogones.

Matius 10:22

Avakwa ovok erogo adem An nane wagagup vaga enanggon adigat henombarusogom ovara, o hivis atok vaga henendawi wadokdek dogomwi halok, henagap wendakhinivugwi.

Matius 7:15

Yugirigya lagagirik, ambi inim yugirigya dugwit, “It ap Ala wene huluk molalogo yukherelagwi menda akoen henambukmu unggu saoen, dibagu dogones. It ap andi ndomba elose ovagak okhedelok henadema wendagwi ovara, enendawi andi, yangge do ovagak enaninis wisane agarwik.

Lukas 10:4

Lakbigigaligama, henayoparip wonggalek inim, yerek-terek wokhiruguselok yekhedamunda yum inim, henaropato ambi adik inim, andi wolok labuk heneyave adigat elales. Eke, suvaga lagu dugwit, it avakwa iniselok, heyaga wakbigik labuk.”

Yohanes 10:12

it ap ninen, ‘Yi nit nenandomba dek,’ yiluk, des erogo malenombogo agarwikbuk. It ap andi, un onggo hedasogom, umbutu dugwit, it akoen andi, yangge do wagya inil hugu lagarwik, ndomba nggelabisiluk, hoda wilisagwi. Wunggusigik, yangge do akoen ndomba aik hivirinipu dugwit, sak okbisaliga.

Yohanes 15:20

Asin sovalek hegek, ayeloman siyalek agarikbuk, yiluk, yukheragagis ako dibas. It wen vaga menda en An weyak okbanunggu lagagwa atma, hit ogo, anderogoat weyak okbugugu dogosogom. Eke, it ninen An nane wugu lagagwa halok, hit ogo, henane wugu dogosogom.

Yohanes 16:2

It Yakuri samban ogasagwima en weram wibigigasogom. Eke, it henarusogom akoen, ‘Nit Ala ake segat hinitup,’ yiluk, yup ako vage horok ari wasogon.

Lakbogogi Wene 20:29

An hekbigiluk lagya neyagek, yangge do henanggelekma nunggu wagu dogomundik, hekbigigasogombuk aik hivit hinivusogom andi, an nilup aro.

Lakbogogi Wene 9:16

Eke, at Saulus ako, An ninis yugeregek lagyaim, anggin-mbanggin okbagu dogop ako Anen yugugu dogosogon,” yiluk, abi vaga yugugu hagagi.

Lakbogogi Wene 9:2

yugugu dugwit, “Nasin wai. O kota Ndamasik it Yakuri samban ogasagwima enasini en inil hapwak yiluk, haren it avakwa Yesus ane musek laguselok, vagago heda magenombolok Yerusalem warigiluk, dirup ambi warogo wokniru.”