Lukas 10:28 - ALA WENE HIVIS DIRUP WATUGWA

²⁸ Yugugu lagagimu, At Yesus en, “Sek yegen. Yegen ako ndatak ogagya heyalok, hiluk mondok-mondok dogogun.”

Lukas 10:28 Iomraidhean Croise

Matius 19:17

Yugugu lagagimu, Yesus en ap ako yugugu dugwit, “At sek adigat agarik ako ambiat hegek, nggarogo yiluk, ‘Sek menda nggarogo ogarik,’ yiluk, An hemetneyaliga? Hiluk mondok dogop menda hedaup, imbita heyalok, yerogo ogarup nderogo ogarup, wene hobalek akoat mondok wane-wane ogagya dogwen.”

Markus 12:34

Yugugu lagagimu, At Yesus en ap ako endawi werek en iri higya lagagirik, “Hat heyave Ala avema vanggabetaliga higi o,” yugugu lagagimu, it ovok akoen, ambi inim At hemethaup enalon en mbup yagagwa.

Lukas 7:43

Yugugu lagagimu, Simon en, “Dek. Ap mbalegangge ombok welagagi akoen mondok endawi hunik imbitigi ai?” yugugu lagagimu, Yesus en, “Yegen andi aro.”

Oroma 10:4

Musa wene ako At Keretus en atma des erogo bagagi atma, nit avakwa ovok erogo nenendawi Keretus ovaga vanggabaluk avyarat umbutu niniselok, Ala en nit sek o, yiluk, wokninivisiga.

Oroma 3:19

Andi halok, Ala en, “Yerogo ogarup, nderogo ogarup,” yiluk, wene Musa yugogogi ako ovok erogo it wokbaluk ogasagwi andi, it enake yugeraliga, andi nit ninilup. Eke, it yi ap ndi ap o yoma agarwik ovok erogo enane degerogo bisiluk, “Nit ovok erogo weyak ogasagwi onggo okbininayogon higyo,” yiluk, yedok hapwak yiluk, wene Musa yugogogi helagwi.

Oroma 7:10

narogo baninggigi. Ala en Musa wene ako niniluk dogopwak yiluk, yugogogi ovara, an andi, wene andi vaga mondok narogo baninggigi.

Nggalatia 3:12

Musa wene ogasagwi inim, eke nenendawi Ala ovaga vanggabaluk avyarat ombasagwi inim, mberen andi adem ndatak dek. Musa wene ogasagwi adem andi, enadik enanye vaga vanggabaluk ogasagwi atma, Ala wene endak dirup warek ambi iri dugwit, “Ogagu dogop wene ako andi mondok vagago dugwit, des erogo ogarit lendagwi vaga iniluk-at dogosogom o,” yiluk, dirup warek agarik atma, ap ambi Musa wene ako vaga vanggabaluk ogagya halok, andi ovok erogo mondok des erogo adigat ogarit lagya dogopwak.