Lukas 10:24 - ALA WENE HIVIS DIRUP WATUGWA

²⁴ Andi, hit hinil helagwi ako, it o muk welagagwa Ala en yugirigya hegek yugeraliga menda navi-navi inim, it ap ombok-ombok ininis werek inim, it wisane en, ‘Ninil helao ale,’ umbutu lagagwa ovara, ao halok, hegetek welagagwa. Eke, hit hulisagwi ako, it ogo, ‘Nenaruk hulup hogop ale,’ umbutu lagagwa ovara, hunggitek-at welagagwa, yiluk, yukheraliga o,” yugeragagi.

Lukas 10:24 Iomraidhean Croise

Matius 13:16

“Ovara, hit andi, hinil hugwi, henaruk hunggwis, ogasagwi atma, henendawi adenggenat umbutu dogones.

Lukas 10:23

Yugirigya lagagirik, At ane welagwi menda il biginigu lagagirik, enadikmu yugirigya dugwit, “An ogarit lagya hit hinil neyalagwi ako, it avakwa huguselok, hit hinim henendawi adenggen erogo hugu dogosogom.

Lukas 10:25

Andien, hivis ndugwis ambi vaga ap Ala wene vagago welagagi menda ambien Yesus avut mbaligiluk, wagya lagagirik, yugugu dugwit, “Ngguru wai. An mondok-mondok niluk dogogiluk, nggarogo ogarik?”

Yohanes 8:56

Hit henasin Averakam akoen An ogari warup ako neyaup imbitigirikmu, endawi adenggen wisane imbitigi. An ogari warisogon ako il higya lagagirik, adenggen wisane imbitigi.”

Iberani 11:13

It ap andi ovok erogo, “Wokherayogon o,” avok yugeragagi wene ako, agur-agut ovagak o adumu andoma en wagya inil hugu lagagwarik, “Ako yiat okbinina wagya helagwi o,” yiluk, enendawi sek umbutu dugwit, “Nit ap o wen vaga yoma nenawerek agurikbuk. Ap huru ovagak agurik o,” yiluk, wene yugeragagi ako eyave des erogo wegetek ovara, “Avyarat woknerayogon o,” yiluk, enendawi avyarat umbutugwa andi vaga, eyave wogogwa ovagak dugwit, hambugu lagagwa.

Iberani 11:39

It avakwa andi ovok erogo enendawi Ala ovaga vanggabaluk, avyarat umbutu dugwit, ogarit nagu lagagwa vaga Ala en, “Ap yi segat,” inimbita lagagi ovara, At Ala en nit ao ninigik it enendak sek okbisaup embetetek. Ata, ndatak sek okbininaup segat imbitigi atma, wene avok yugirigya lagagi ako, okbigitek hegek, hambugu lagagwa.