Lukas 10:22 - ALA WENE HIVIS DIRUP WATUGWA

²² Yugugu lagagirik, “An Nasin en yi menda ndi menda ovok erogo An nandok dogopwak yiluk, woknogogi. Ala Abut andi sa? It avakwa inunggut Nasin adigat ilup agarik. Eke, Nasin andi sa? Andi, At Abut An nadigat nilup agirik. Eke, Abut Anen it avakwa Nasin inilup arupwak yiluk, vagalogo yugeraup imbita neyalok, it ogo, inilup asagwi,” yiluk, yugeragagi.

Lukas 10:22 Iomraidhean Croise

Matius 11:25

O andi hudi Yesus en At Asin Ala yugugu dugwit, “Wen-mbogot andok Hat Nasin wa yukhisiga. Hat ogarup yi ako, it ap enendawi werek inim, enendawi anggat inim, inilup agu saoen, hwilakbaluk, avyak maridugi swi endago ovagak sigam erogo yugeragagin atma wa.

Matius 11:27

Yugugu lagagirik, ambi inim avakwa yugirigya dugwit, “An Nasin en yi menda ndi menda ovok erogo An nandok dogopwak yiluk, woknogogi. At Ala Abut andi, it avakwa inunggut Nasin adigat ilup agarik. Eke, An Nasin andi, At Abut An nadigat nilup agirik. Eke, Abut Anen it avakwa Nasin inilup arupwak yiluk, sigam vagalogo yugeraup imbita neyalok, it ogo, inilup asagwi.”

Matius 28:18

Enendawi anderogo umbutusim, Yesus ako enadema ari wagya lagagirik, yugirigya dugwit, “Ala en mbogot vaga inim, wen vaga inim, An nandok dogogiluk, awene ovogat yuknogogi atma,

Yohanes 1:18

Avakwa en andi, Ala mondok inil helagudek ovara, Ala Abut adik ambengga ako, At eve Ala-at, Asin inim mondok hunik dugwit, Ala avok vagalogo yukneragagi.

Yohanes 13:3

At Yesus ako Asin en yi menda ndi menda ovok erogo vagago dogopwak yiluk, wogogogi ako ilup welagagi. Eke, Ala werekma en wagagi eyami vaga Ala adema laup ako inim, ilup welagagi.

Yohanes 17:10

An naburi andi, Hat haburi, eke, Hat haburi andi, An naburi aro. It ogasagwi ako vaga An siyabanilagwi.

Yohanes 17:2

An Habut, yi avakwa ndi avakwa ovok erogo vagenombogo dugwit, avakwa woknigigin ako mondok-mondok iniluk oginivigiluk, mondok okbaninggigin.

Yohanes 17:26

Hat Ala havok ako it ap An nane welagwi menda yi, yugirigya lagi. Eke, ambi inim vagalogo yugirigya dogosogon. Hat An hendawi hunik okneraliga ako hak, it anderogoat nendawi-hendawi hunik ogagwi, eke, An it inim hunik wiligya, ogaruguluk Hat havok ambi inim vagalogo yugirigya dogosogon o,” yiluk, At Yesus en samban ogagagi.

Yohanes 17:5

Anderogo atma, Nasin! O wen ao ogagetek heyagek, Hat niperen dugwit, siyalek welagagis ako wane-wane yogak Hat agindikmu andoma siyabanin.”

Yohanes 3:35

Asin en Abut endawi hunik agarik atma, yi menda ndi menda inim, yi ogagek ndi ogagek inim, ovok erogo At Abut vagago dogopwak yiluk, andok okbagagi.

1 Korindus 15:24

Mondok okbininggu halok, o hivis atok vaga arup akoat ari warisogon. At Ala en, “It ninim ogorek agarwik ako sovalogo bigitek neyagek, Keretus adigat inis ombok siyalek dogopwak o,” yiluk, imbitigi. Imbitigi atma, yi madis ndi madis inim, ap ombok avakwa vagenombogo agarwik inim, enanye werek menda inim, it Ala inim ogorek agarwik menda ovok erogo At Yesus en degerogo bisayogon. Degerogo bugu dogomindik, nit Nenasin Ala avema dogogwen yiluk, At aburi okninipigi ako adigat woknenombolok Ala avema binina layogon.

2 Korindus 4:6

At Ala en iri dugwit, “O hwiserekma awiya arupwak o,” yiluk, awiya ogagagi ako hak, Aren nit nenendawima awiya okninipigirikmu nit nenendawima andi, awiya-at agarik. Eke, Ala en anderogo ogagya dugwit, nit Keretus elose dibaluk, Ala mondok abinak siyalek agarik ako yedok hugu dogopwak yiluk, nenendawima awiya okninipigi.

Evesus 1:21

At mondok okbagya dugwit, madis wen avema menda inim, yonggapma menda inim, mbogot avema o ilim yenam agarwik menda inim, enagayuk werek winimen menda inim, ininis werek menda inim, o yogak agarwik inim, o hivis dogop inim, it ovok erogo sovalek inigik, At Keretus adigat inis ombok siyalek dogopwak yiluk, mbogot vaga mondok okbagagi.

Iberani 2:8

yi menda ndi menda ovok erogo nit nenavema dogopwak yiluk bagagin,” yiluk, yagagi ako andi, yi menda ndi menda nit avakwa nenavema bagya dugwit, ambiat ogo nenavema dogop dek andi embetetek. Ata, ovok erogo nenavema dogopwak yiluk imbitigi ako, dirup warek agarik ovara, yogak yi vaga nenavema ao hegetek-at agurik.

1 Yohanes 5:20

At Ala Abut wambu wagya lagagirik, Ala mondok avyarat agarik ako nit dibapwak yiluk ninilup okbininggigi. Eke, At mondok avyarat agarik Ala, Abut Yesus Keretus iperen ninim nenendawi mondok hunigat agurik. At Yesus Keretus andi, At mondok avyarat agarik Ala ako Aratma, niniluk mondok dogop andok okbininiliga menda adem Araro.

2 Yohanes 1:9

Ap ambi Keretus wene mamulik ako adigat vagago dek ata at endawi wenggebaluk, wene adik hunogo menda inim lobalogo yugeregek lagya halok, At Ala inim hunik dugwit yagaligadek. Ata, Keretus wene mamulik ako wane-wane ogagya halok andi, Nenasin Ala Abut iperen inim hunik dugwit yagaliga ombarusogom.