Lukas 10:21 - ALA WENE HIVIS DIRUP WATUGWA

²¹ Ndugwis andi vaga Yesus endawima Averiniki en adenggen wisane okbagya lagagimu, Ala heyaga watya dugwit, “Wen-mbogot andok Hat Nasin wa yukhisiga. Hat ogarup yi ako, it ap enendawi werek inim, enendawi anggat inim, inilup agu saoen, hwilakbaluk, avyak mariduk swi endago ovagak vagalogo yugeragagin atma wa. Anderogo ogarup hendawi sek imbita dugwit ogagagin atma, Nasin wa, yukhisiga o.”

Lukas 10:21 Iomraidhean Croise

Matius 16:17

Yugugu lagagimu, Yesus en, “Yunus abut Simon naswe wa. Wene andi avakwa en yukhigitek. Ata, An Nasin mbogot vaga menda enat yukhigarikmu, hendawi adenggenat imbita dogwen.

Matius 21:16

“It avyak yagalagwi yi ako, hat haruk hulisiga!” Yugugu lagagwama, At Yesus en, “Yu. Naruk hulisiga. Ala wene endak dirup warek ako vaga, ap ambien iri dugwit: ‘It avyak ao swi endago menda inim, ao idak nelagwi menda inim, hinis siyabagagu dogopwak yiluk, amor erogo okbogogin o,’ yiluk, yagagi ako, hit bikhegetek agipik yi?”

Matius 3:7

Wombabuguma, ap Varisi menda inim, ap Saduki menda inim, it wisane, “Ima wombabininapwak,” yiluk, at adema wagwi ako inugu lagagirik, it yugirigya dugwit, “Mbas idup aburi endago menda hit yi aro. Ala aninis henovaga bigigya wasogon ako, hoda wolovovok yiluk, saen hurimbis yukheraga?

Markus 10:15

Dibas! It avyak mariduk Ala avema dogopwak yiluk nunggwisagwi anderogo hak, hit anderogo nunggegetek hiniselok andi, nunggusogom dek o,” yiluk, yugeragagi.

Lukas 15:5

Eke, havethidugu lagipik, henomado vaga sambinbaluk henendawi adenggen en hai warit

Lukas 15:9

Eke, havethedelok, aswei inim, at inim agarwik menda inim, homakbisiluk, ‘Nayoparip bolagagi ako havethidigirikmu, ninim adenggen ogarusogom,’ yiluk, yugeraliga akora?

Yohanes 11:41

Yugugu lagagimu, helep legogo lakbagu lagagwama, Yesus ako elokwe mbogot vaga ilik lagya lagagirik, “Nasin. Hat An nane vage hunggin atma wa yukhisiga.

2 Korindus 4:3

Nit Sek Wene yugeregek nelagwi ako it ninen yedok helagwi ovara, it nin avyarat embetetek dugwit, enelose degerogo bisayogon akoen wene andi, hwilago atma, yedok hegetek-at agarwik.

Evesus 1:11

At ogarup ombasiga ndatak-at ogasiga akoen, “An naburi anderogo sek okbisayogon o,” yiluk, o muk erogo nit ao endaklagatek ninigik, hologo bagagi ako wane-wane, Keretus ogagagi vaga nit At aburi mondok denogo bininggigirikmu agurik.

Evesus 1:5

Nit ao endaklagatek ninigik, At Ala endawi hunik en At Yesus Keretus ogarisogon ako vaga, nit At adik aburi dogoguluk wokninivup endawi imbitigi ako wane-wane, okbininggigi.