Lukas 10:16 - ALA WENE HIVIS DIRUP WATUGWA

¹⁶ Yugirigya lagagirik, At ane welagwi menda wene ambi yugirigya dugwit, “It avakwa hit henane hungguselok andi, An nane hulisagwi, hit hekbuguguselok andi, An hekbanunggwi, eke, iren An hekbanungguselok andi, At lakbani wagagi ako hekbelagwi aro,” yiluk, yugirigya lagagirik, lakbogogi.

Lukas 10:16 Iomraidhean Croise

Matius 10:40

“It avakwa en hit wokhinipuselok andi, Anat woknitwis, eke, An woknituselok andi, At lakbani wagagi akoat wugwi, ogasagwi.

Matius 18:5

Eke, ap ambi en, An ninis vaga avyak maduk yerogo menda ambi wigya halok andi, Anat wokneraliga o,” yiluk, yugeragagi.

Markus 9:37

“Hit saen at avyak yi hak, An ninis vaga wugu hiniselok, Anat woknerelagwi. An nadik woknerelagwi dek ovara, An lakbani wagagi ako inimat welagwi o,” yiluk, yugeragagi.

Lukas 9:48

it ako yugirigya dugwit, “At ambi henanggelekma mondok sovalek agarik halok andi, at ap ombok adigat agarik. Anderogo atma, ap ambi An ninis vaga at avyak yi, waliga halok andi, Anat wokneraliga, eke, An wokneraliga halok andi, At lakbani wagagi ako waliga o,” yiluk, yugeragagi.

Yohanes 12:44

Andien, At Yesus ane ombok vaga it yugirigya dugwit, “Hit ambi henendawi novaga vanggabaluk, avyarat numbutu hiniselok, An nadigat henendawi avyarat nombasagwidek. Ata, At lakbani wagagi akoat henendawi ovaga vanggabaluk, avyarat ombasagwi.

Yohanes 12:48

Hit ambien An mbobanunggu dugwit, An nane wegetek hiniselok, henowak dilogo anggin onggo henovaga bigigaup ako ambi agarik. Andi, o hivis oklarugwi vaga An wene yukhirigya lagi ako vaga Nasin en henowak dilogo anggin onggo henovaga bigigayogon.

Yohanes 13:20

Hit ambien it An lakbisa wandiga menda ako wogonupu hiniselok, Anat woknembelagwi. Eke, An woknumbutu hiniselok, At lakbani wagagi akoat welagwi, yiluk, mondok avyarat yukheraliga o,” yiluk, yugeragagi.

Lakbogogi Wene 5:4

Hawen andi, onggo wokhigitek hegek, hat hawen-at welaga akora? Eke, yoparip wegen ako andi, hat hayoparip atma, hat ogarup embeten-at ogarup sek ovara, hegek, venak vikit adigat wolok wagya dugwit, ovok bawaga nombarupwak yiluk, nggarogo yiluk nin higirogo bawagen? Nit avakwa ninambukmu enggenbuk. Ata, Ala-at ambukmu enggen,” yiluk, yugogogi.

Nggalatia 4:14

Idup oknitigi vaga neyave mondok weyakma, “Aburuk wisane erogo eyagan warup yi, nenanggon o,” yiluk, nagoda en hekbanup segat ovara hegek, “Yi Ala en lakbisaliga menda malaikat hak a, ata, yi Keretus Yesus hak a,” yiluk, numbutu dugwit, neyave woknumbutu lagagupik, segerogo vaknerogo welagagup ako.

1 Tesalonika 4:8

Anderogo atma, ap ambi en, “Wene yi, Ala en yegetek. Ap enat yagao,” yiluk, weyak erogo hekbagya halok, ap akoen avakwa hekbisaligadek. Ata, At sek adik denek Averiniki wokneraliga Ala akoat hekbaliga.